88.പ്രധാനപ്പെട്ട അറിയിപ്പ്

പ്രീയപ്പെട്ട വായനക്കാരെ

വളരെ മുമ്പ് തന്നെ കൂതറ അവലോകനത്തിന്റെ വലതു വശത്ത് ഒരു ഡിസ്ക്ലൈമര്‍ പോലെ എഴുതിവച്ചിരുന്നു ഈ കാര്യമെങ്കിലും ഇന്ന് വീണ്ടും ഒരു പോസ്റ്റ് ആയി ഇടേണ്ടി വരുന്നതില്‍ സങ്കടം ഉണ്ട്. കൂതറ അവലോകനം എന്നത് ഒരു ഗ്രൂപ്പ് ബ്ലോഗ് ആണ്. ഇവിടെ ഇപ്പോള്‍ ഉള്ള ഓരോ അംഗങ്ങളും തങ്ങളുടെ അഭിപ്രായമോ ആശയമോ ആണ് ബ്ലോഗ് പോസ്റ്റ് ആയി ഇടുന്നത്. അതുകൊണ്ട് തന്നെ പ്രസ്തുത പോസ്റ്റുകളുടെ ഉത്തരവാദിത്തങ്ങളും മറുപടി പറയേണ്ട ബാധ്യതയും അതെഴുതുന്ന ആളുകളില്‍ നിക്ഷിപ്തമാണെന്ന് കൂതറതിരുമേനി വിശ്വസിക്കുന്നു.

ഓരോ അംഗങ്ങളും ഓരോ മതത്തിലും രാഷ്ട്രീയപാര്‍ട്ടികളിലും വിശ്വാസങ്ങളിലും പെടുന്നവരും ജീവിക്കുന്നവരും ആണ്. അതുകൊണ്ട് തന്നെ എല്ലാവരും സമാന ചിന്താഗതികള്‍ പുലര്‍ത്തുവാന്‍ കഴിയില്ല. തന്നെയുമല്ല ഇവിടെ ആരും ആരുടെയും മൂടുതാങ്ങികളും റാന്‍മൂളികളും ഇല്ലാത്തതിനാല്‍ ഒരാള്‍ എഴുതുന്ന പോസ്റ്റുകളെ ആരും ഗ്രൂപ്പ് ബ്ലോഗിന്റെ ഭാഗമായതില്‍ ന്യായീകരിക്കുകയോ വിമര്‍ശിക്കുന്നവരോട് പ്രതികരിക്കുകയോ ഇല്ല. അതുകൊണ്ട് തന്നെ ഇവിടെ ഇടുന്ന ഓരോ പോസ്റ്റും ഇടുന്നവര്‍ മാത്രം മറുപടി പറയാന്‍ ബാധ്യസ്തര്‍ ആണ്.

വായനക്കാര്‍ ഓരോ പോസ്റ്റും വായിച്ചുകഴിയുമ്പോള്‍ പ്രസ്തുത പോസ്റ്റ് ഏതു അംഗം ഇട്ടുവെന്നുകൂടി നോക്കുക. കാരണം ഏതു വിരുന്നുകാരന്‍ വന്നാലും കോഴിയുടെ തല പോകുമെന്ന് പറയുന്നതുപോലെ ആര് എഴുതിയാലും പാവം കൂതറ തിരുമേനിയെ തെറി വിളിക്കുന്നതില്‍ നിന്ന് ഒഴിവാകാം. പാവം കൂതറ തിരുമേനി പലതവണ അങ്ങനെ തന്റെതല്ലാത്ത (തന്റേടം ഇല്ലാത്തതു എന്നല്ല ) കാരണത്താല്‍ തെറി വിളികേട്ടിട്ടുണ്ട്. ചുമ്മാതെ ഈ പാവത്തിന്റെ തെറി വിളിച്ചാല്‍ പാപം കിട്ടും കേട്ടോ. അതുകൊണ്ട് എഴുതിയവരെ മാത്രം വിമര്‍ശിക്കുക. അവനവന്‍ ചെയ്യുന്നതിന്റെ പുണ്യമോ പാപമോ അവനവന്‍ തന്നെ അനുഭവിക്കണം എന്ന് കേട്ടിട്ടില്ല.

വായനക്കാര്‍ ഇത് മനസ്സില്‍ വെക്കുമെന്ന് കരുതട്ടെ.

കൂതറ തിരുമേനി.