തെറിവിളി കമന്റുകളും സ്പാം കമന്റുകളും ഡിലീറ്റ്‌ ചെയ്യപ്പെടും...

Saturday, January 31, 2009

37.ബെര്‍ളിയ്ക്കെതിരെ മാനനഷ്ടത്തിന് കേസ്.

മലയാള ബ്ലോഗെഴുത്തച്ചന്‍ ബെര്‍ളിതോമസ് (ബെര്‍ളിത്തരങ്ങള്‍) എന്ന പേരിലെ ബ്ലോഗിംഗ് സിണ്ടികേറ്റ് വളര്‍ന്നുവരുന്ന ബ്ലോഗെഴുത്ത്കാരനും അമീബയില്‍ നിന്നും കൃമിയില്‍നിന്നും കയറ്റം കിട്ടി ഒരു ബ്ലോഗ് പുഴുവായി സ്വന്തം കൂതറ അവലോകനം എന്ന കൊക്കൂണില്‍ ഒതുങ്ങിക്കഴിയുന്ന പാവം ബ്ലോഗറെ തെറിവിളിക്കുമെന്ന് പരസ്യമായി പറഞ്ഞിരിക്കുന്നു.തെളിവും ഇവിടെ ചേര്‍ക്കുന്നു.

ബ്ലോഗിലെ കുത്തകമുതലാളിയും കഴിഞ്ഞ വര്‍ഷം ഏറ്റവും കൂടുതല്‍ വരുമാനനികുതി കൊടുത്തവനും എന്ന അഹന്തയല്ലേയെന്നും കൂതറയ്ക്ക് സംശയമില്ലാതില്ല.. കൂതറയിലെ മറ്റു കൂതറ എഴുത്തുകാരുടെ സമ്മേളം അടിയന്തിരമായി വിളിച്ചുകൂട്ടി തങ്ങളില്‍ ഒരുവനെ പൈശാശികമായും നിന്ദ്യവും ഹീനമായും കൂവിനാറ്റിക്കുമെന്ന പ്രസ്താവന ബൂലോഗ മാടമ്പിത്തരമല്ലെയെന്നും ഫ്യൂഡല്‍ തെമ്മാടിത്തരമല്ലേയെന്നും കൂതറയ്ക്ക് സംശയം ചര്‍ച്ച ചെയ്തു തീരുമാനിക്കും.. ആണെങ്കില്‍ തൂക്കികൊല്ലണോ തെറി വിളിച്ചു കൊല്ലണോയെന്നും തീരുമാനിക്കും.

കൊക്കൂണില്‍ നിന്നും ഇറങ്ങിവരാന്‍ തയ്യാറെടുക്കുന്ന പാവമീ കൂതറയെ ചെറുപ്പത്തിലേ മണ്ടയടപ്പിക്കാനുള്ള ശ്രീ.ബെര്‍ളിയുടെ നിഗൂഡ ശ്രമം അല്ലെയെന്നും വിനീതന്‍ കൂതറ സംശയിക്കുന്നു. (ഇത്തരം അവഹേളനം നടത്തിയിട്ടും ശ്രീ.ബെര്‍ളി എന്ന് വിളിച്ച കൂതറയുടെ മാന്യത നോക്കണം.. അതാണ്‌ തറവാടിത്തം.. അത് വിലയ്ക്ക് കിട്ടുമോ..?)ഇവിടെ ഞാന്‍ പറഞ്ഞ ശ്രീ.ബ്ലോഗ് എഴുതുന്നവരല്ല ഐശ്വര്യമുള്ള ബെര്‍ളിയെന്നെ അര്‍ത്ഥമുള്ളൂ.

തെറിവിളിച്ചാലും കൂവിവിളിച്ചാലും കൂതറ മാന്യമായെ പെരുമാറൂ.. അതാണ്‌ വിനയം. തറവാടിത്തം. പിന്നെ ദിവസം ആയിരം പേര്‍ വായിക്കുന്ന ബ്ലോഗ് എന്ന് പറയുന്നതു ഞങ്ങളെപോലെയുള്ള പാവം ബ്ലോഗെഴുത്തുകാരെ കൊതിപ്പിക്കാനല്ലെയെന്നും സംശയമില്ലാതില്ല..പിന്നെ വെശന്ന് നടക്കുന്ന പിള്ളാരുടെ മുമ്പില്‍ ബിര്യാണി കൊണ്ടുനടക്കുന്ന പഴയ പരിപാടി അല്ലെ ബെര്‍ളി ഇത്. ഇതിന് മറുപടിയായി ബെര്‍ളി ബ്ലോഗ് ഇടണം.. ആ കെയറോഫില്‍ കുറെ പേര്‍ ഇവിടെയും വരട്ടെ.. അങ്ങനെ ഞാനും വളരട്ടെ..

പിന്നെ പരസ്യമായി കൂതറയോട് മാപ്പ് പറയണം.. മുട്ടുകാലില്‍ നിന്നു പ്രുഷ്ടം കൊണ്ടു ചജ്ജ,മാപ്പ,ടട്ട,കുക്കു തുടങ്ങിയവ എഴുതുകയും ഏത്തം ഇടുകയും ചെയ്യണം..ബാക്കിയെല്ലാം പിന്നീട് തീരുമാനിക്കാം..

ഓഫ്.ടോക്. ഞാന്‍ ടോപ്പ് 10 പെടുത്തിയശേഷം പുള്ളി കൂതറ പോസ്റ്റുകളും എഴുതുന്നു എന്ന് പറഞ്ഞതിനാണ് ഇങ്ങനെ കൂവും എന്ന് പറഞ്ഞതെങ്കില്‍ ഞാന്‍ എല്ലാ ബെര്‍ളിയുടെ പോസ്റ്റിലും വന്നു ഡബിള്‍,ത്രിബിള്‍ (ബാക്കി അറിയില്ല) കൂവും..പിന്നല്ലാതെ കൂവാന്‍ കൂതറയെ പഠിപ്പിക്കണോ.

ബെര്‍ളി നിന്‍റെ സ്വാധീനം നിന്നെ രക്ഷിക്കും എന്നറിയാം.അതുകൊണ്ട് നിന്നെ ഞാന്‍ ശപിക്കുന്നു. :-


"ഇനി ഈ പ്രേതങ്ങള്‍ നിന്നെ പേടിപ്പിക്കട്ടെ

കണ്ണുകളെ കാള നിശീധം കൊത്തിവലിക്കട്ടെ

കൂരിരുളില്‍ ചോറും തന്നു പുറത്തു കിടത്തട്ടെ.

കരിവാവുകള്‍ തലയില്‍ വന്നു നിറഞ്ഞു പറക്കട്ടെ

കരിനാഗം നിന്‍റെ കിനാവില്‍ കയറി നടക്കട്ടെ.

തീവെയിലിന്‍ കടുവകള്‍ നിന്നെ കീറിമുറിക്കട്ടെ.

കളി മുറ്റത്താരും നിന്നെ കൂട്ടാതാകട്ടെ..

ഊടയറിയാ പാതകള്‍ നിന്നെ ചുറ്റി മുറുക്കട്ടെ..

നാളത്തെ കൊരകാവിട്ടൊരു നൂറടി നല്‍കട്ടെ.

നിന്‍റെ പുറത്തീയാകാശം ഇടിഞ്ഞു പതിക്കട്ടെ

..എന്നരുവി അതിനുമീതെ എങ്ങും പാഞ്ഞു എങ്ങും നിറയട്ടെ."

-- വാക്കുകള്‍ പ്രൊഫ:മധുസൂദനന്‍ നായര്‍

Friday, January 30, 2009

36.അയവിട്ടു ചവയ്ക്കുന്ന ബ്ലോഗെഴുത്തുകാര്‍

ഞാന്‍ പണ്ടൊരു ഗള്‍ഫിലെ സാംസ്കാരിക നേടുംതൂണിനെ ബ്ലോഗില്‍ പരിചയപ്പെടുത്തിയിരുന്നു. ഇദ്ദേഹത്തിനു പക്ഷെ ആ പദവി ഞാന്‍ ചാര്‍ത്തികൊടുക്കുന്നില്ല.. ബ്ലോഗില്‍ സ്വകാര്യ സ്വത്തുപോലെ എന്തും എഴുതാം. നിയമപ്രകാരമല്ലെങ്കില്‍ പോലീസോ ഗൂഗിളോ ഇടപെട്ട് വേണ്ടത് ചെയ്തോളും.

പക്ഷെ ഇദ്ദേഹത്തിനു താന്‍ നേരത്തെ ഏഷ്യാനെറ്റിലൂടെ വിവരിച്ച വാര്‍ത്തകള്‍ അയവെട്ടി എടുത്ത്‌ വീണ്ടും ചവച്ചു ബ്ലോഗിലൂടെ വായനക്കാര്‍ക്ക് വിളമ്പുകയാണ്‌. ചിലപ്പോഴൊക്കെ ചിന്തയിലും അഗ്ഗ്രികളിലും പേരുകണ്ട് പുതിയ വിഭവം എന്ന് തെറ്റിദ്ധരിച്ചു പാതിദഹിച്ച അയവെട്ടുചവക്കല്‍ നടത്തിയ വിഭവങ്ങള്‍ കണ്ടു ഇളിഭ്യരായി മടങ്ങേണ്ടി വരും.

ഇദ്ദേഹത്തിന്‍റെ റിപ്പോര്‍ട്ടിങ്ങിനെ ഞാന്‍ കളിയാക്കുന്നില്ല.നല്ലതുതന്നെ.. പക്ഷെ പശു ചെയ്യുന്ന ജോലി ഒരു ബ്ലോഗറും ചെയ്യണോ എന്നൊരു ചോദ്യം മാത്രമെ ഉള്ളൂ.ഇനി സ്വന്തം തൊഴിലല്ലേ എന്നൊരു ചോദ്യമുണ്ട്..

നാളെ നമ്മുടെ ചന്ദ്രന്‍ ചേട്ടന്‍ ചായക്കടയില്‍ ചായയുടെയും ബോണ്ടയുടെയും ആളുകള്‍ കഴിച്ചിട്ട് വച്ചിരിക്കുന്നതിന്‍റെ ബാക്കി പോസ്റ്റിയാല്‍ എന്ത് ചെയ്യും. ബ്ലോഗ് എഴുതുന്നവര്‍ പലജോലികളിലും പെട്ടവര്‍ തന്നെ..അതെല്ലാം ബ്ലോഗിലൂടെ വിളമ്പിയാല്‍ പാവം അഗ്ഗ്രികളും ചിന്തയും ഒപ്പം പാവം വായനക്കാരും വലഞ്ഞത് തന്നെ..

പുതുതായി വായനക്കാര്‍ക്ക് ഇഷ്ടപ്പെടുന്ന ഒരെണ്ണം കൊടുത്താല്‍ വായിക്കാന്‍ വരുന്നവന്‍ തെറിവിളിക്കാതെ പോകുമെന്ന സാമാന്യകാര്യം മറന്നു ഇങ്ങനെ പോസ്റ്റുമ്പോള്‍ കുറഞ്ഞപക്ഷം ഞാന്‍ ഏഷ്യാനെറ്റില്‍ കൂടി വിളമ്പിയതെന്ന ഒരു ബോര്‍ഡും വച്ചിരുന്നെങ്കില്‍ ഈ സാമ്പത്തിക മാന്ദ്യസമയത്ത് ബോസിന്‍റെ കണ്ണും വെട്ടിച്ച് ബ്ലോഗ് വായിക്കുന്ന പാവം മലയാളി വായനക്കാരന്‍റെ തെറിവിളിയില്‍ നിന്നും പ്രാക്കില്‍ നിന്നും മോചനം കിട്ടും.

അയവെട്ടി വെച്ചിരിക്കുന്നത്‌ ബോഗില്‍ കഴിക്കാന്‍ കിട്ടിയ ഹതഭാഗ്യന്‍ കൂതറ..
(ആ വിഭവങ്ങള്‍ വേണമെങ്കില്‍ ഇവിടെ ഞെക്കുക)

Thursday, January 29, 2009

35.മമ്മൂട്ടിയുടെ ബ്ലോഗിനെ കൂതറ വിശകലനം ചെയ്യട്ടെ..

കഴിഞ്ഞ കുറെനാളായി മലയാള ബ്ലോഗിംഗ് രംഗത്ത്‌ ഉയര്‍ന്നു വന്ന മമ്മൂട്ടിയുടെ ബ്ലോഗിനെ കുറിച്ചുള്ള ചര്‍ച്ചകളില്‍ കൂതറ വലിയ താത്പര്യം കാട്ടിയില്ല.. ഇടയ്ക്കെപ്പോഴോ ആല്‍ത്തറയില്‍ കൂതറ ഈ വിഷയത്തില്‍ ഒരു കമന്‍റ് ഇട്ടെന്നു മാത്രം.. അതിവിടെ ഞെക്കി വായിക്കാം.. എന്നാല്‍ എന്നോട് ഒരു പ്രിയമിത്രം മെയില്‍ അയച്ചു ചോദിച്ചു.. എന്താടോ കൂതറെ ഇത്രയും ഹിറ്റ്കിട്ടിയ മമ്മൂക്കയുടെ ബ്ലോഗിനെ നീ നിന്‍റെ ടോപ്പ് 10 ബ്ലോഗില്‍ നിന്നോഴിവാക്കിയോ...?അതിന്‍റെ മറുപടിയും ഒപ്പം ആ ബ്ലോഗിനെ കൂതറയുടെ രീതിയില്‍ ഒരു അവലോകനവും നടത്തട്ടെ..

മുഹമ്മദ്കുട്ടിയെന്ന മമ്മൂട്ടി മലയാളിയുടെ അഭിമാനമാണ്. പുരുഷത്വം തുളുമ്പുന്ന ആകാരവും ഭാവവും നടനശേഷിയും ചേര്‍ന്ന മമ്മൂട്ടി മലയാളികളുടെ അഭിമാനം തന്നെ. പക്ഷെ കൂതറ അവലോകനം ചെയ്യുന്നത് അദ്ദേഹത്തിന്‍റെ ബ്ലോഗിനെയാണ്.

ആദ്യം തന്നെ ആ ബ്ലോഗിനെ ചുറ്റിപറ്റി നില്ക്കുന്ന ഒരു കാര്യത്തെ പറ്റി പറയാം. അത് വേറെയാരെങ്കിലും എഴുതുന്ന ബ്ലോഗ് അല്ലെ..? നല്ല സംശയം.. കൂതറമനസ്സിലാക്കിയ ഒരു കാര്യം പറയാം.

ബ്ലോഗില്‍ രണ്ടു തരത്തില്‍ ബ്ലോഗിംഗ് നടത്താം.
ഗ്രൂപ്പ് ബ്ലോഗിംഗ് (കൂതറയെപ്പോലെ.. കാരണം ഇവിടെ ഒന്നിലധികം എഴുത്തുകാരുണ്ട്‌.)

സ്വതന്ത്ര ബ്ലോഗിംഗ്.. അതില്‍ ഒരാളെയുണ്ടാവൂ..
നമ്മുടെ കൈപ്പള്ളിയെയും നട്ടപിരാന്തനെയും ഒക്കെ പോലെ.. അത്തരം ബ്ലോഗുകളുടെ പ്രൊഫൈല്‍ പരിശോധിച്ചാല്‍ അവിടെ ഒരാളെ മാത്രമെ മാത്രമെ കാണാനാവൂ.. എന്നാല്‍ ഗ്രൂപ്പ് ബ്ലോഗിങ്ങില്‍ ഒന്നിലധികം പേരുണ്ടാവും.


ഇനി നമ്മുടെ മമ്മൂട്ടിയുടെ ബ്ലോഗില്‍ നോക്കുക. അവിടെ രണ്ടു പേരുണ്ട്.. (17000+) പ്രൊഫൈല്‍ ഹിറ്റ്സ് കിട്ടിയ സ്നേഹപൂര്‍വം മമ്മൂട്ടി Mammootty with love ഒന്നും വെറും മമ്മൂട്ടിയും (2700 +) പ്രൊഫൈല്‍ ഹിറ്റ്സ് കിട്ടിയ വേറെ ഒരു പ്രൊഫൈലും. അതായത് ഈ ബ്ലോഗിന് രണ്ടു യൂസര്‍ നേമും രണ്ടു പാസ് വേഡും ഉണ്ട്. അപ്പോള്‍ ഒരു ബ്ലോഗില്‍ രണ്ടു യൂസര്‍നേം ഉപയോഗിക്കണോ എന്നത് സാധാരണ ഒരാള്‍ക്ക്‌ സാധാരണമായി തോന്നാമെങ്കിലും ബ്ലോഗ് എഴുതുന്നവര്‍ക്ക് അതിന്‍റെ ആവശ്യം ഇല്ലെന്നു മനസ്സിലാവും.

ഇനി രണ്ടു പ്രൊഫൈലും തമ്മില്‍ നോക്കിയാല്‍ മനസ്സിലാവും ഒന്നു ഡിസംബറില്‍ മറ്റേതു ഒക്ടോബറില്‍ തുടങ്ങിയവ ആണെന്ന്..അപ്പോള്‍ ഒന്നു ശ്രീ മമ്മൂട്ടിയും രണ്ടു നമ്മുടെ ഏതോ മലയാളം ബ്ലോഗനും ആണെന്നും മനസ്സിലാവും.

സിമ്പിളായി പറഞ്ഞാല്‍ മമ്മൂട്ടിയുടെ ബ്ലോഗിന്‍റെ മുന്‍വാതില്‍ പൂട്ടി മമ്മൂട്ടി താക്കോല്‍ കൈവശം വച്ചിരിക്കുന്നു. അടുക്കള വാതിലിലൂടെ കയറി അകത്ത് ചെന്നു എഴുതാന്‍ വേറെയൊരു താഴും താക്കോലും ഉണ്ടാക്കി നമ്മുടെ കൂലിക്കാരനും കൊടുത്തിരിക്കുന്നു..
പക്ഷെ കൂതറ അതില്‍ ഒന്നും പറയുന്നില്ല.. ചോറ് ഒരാള്‍ വെച്ചാലും രണ്ടുപേര്‍ വെച്ചാലും കഴിക്കണം എന്നേയുള്ളു.

പിന്നെ വായനക്കാരുടെ എണ്ണത്തിലുള്ള പെരുമഴ..
മമ്മൂട്ടിയുടെ ബ്ലോഗിന്‍റെ മികവുകൊണ്ടല്ല ആ മഹാനടന്‍റെ
പേരിനോടുള്ള ഭ്രമമാണ്‌ ആ വായനക്കാരുടെ എണ്ണത്തിന് പിന്നില്‍.പിന്നെ മമ്മൂട്ടിയെന്ന നടനെ മുഹമ്മദ്കുട്ടിയെന്ന വ്യക്തിയില്‍ നിന്നു മാറ്റി നോക്കൂ. സാധാരണ ഒരു വക്കീല്‍ മാത്രം. മമ്മൂട്ടി ബ്ലോഗില്‍ എഴുതുന്നത് തന്‍റെ കാല്‍നൂറ്റാണ്ടത്തെ അഭിനയത്തെ കുറിച്ചല്ല.. വളരെയധികം ഗൌരവമായ വിഷയങ്ങള്‍ ആണ്.ബൂലോഗത്ത്‌ അത്യുന്നത വിധ്യാഭാസമുള്ളതും വിവരമുള്ളവരും വേറെ ഇഷ്ടംപോലെയുണ്ട്..

അതുകൊണ്ട് തന്നെ (സെന്‍സും സെന്‍സിബിലിറ്റിയും സെന്‍സിറ്റിവിറ്റിയും ഉള്ളവര്‍ ഇഷ്ടം പോലെയുണ്ട്.. ഞാന്‍ മാത്രമല്ലേ കൂതറയായിട്ടുള്ളൂ) അവര്‍ക്ക് പറയാന്‍ കഴിയാത്തതോ എഴുതാന്‍ കഴിയാത്തതോ ആയ ഒരു പിണ്ണാക്കും മമ്മൂട്ടിയില്‍ നിന്നും സാമാന്യവിവരം ഉള്ളവര്‍ പ്രതീക്ഷിക്കില്ല..

പിന്നെ നമ്മുടെ അമിതാബ് ബച്ചന്‍ ബ്ലോഗ് തുടങ്ങിയപ്പോള്‍ ഇതിലും കൂടുതല്‍ ആളുകള്‍ വായിക്കുകയും കമന്റിടുകയും ചെയ്തു.. പക്ഷെ ഇപ്പോള്‍ എത്രവായക്കാരും കമന്റുകളും ഉണ്ടെന്നു നോക്കൂ.. അതേപോലെ നമ്മുടെ "വെടിവെപ്പ് വീരന്‍" അഭിനവ് ബിന്ദ്രയുടെ ബ്ലോഗില്‍ ഒളിമ്പിക്സ് സ്വര്‍ണം നേടിയശേഷം ആയിരം കമന്‍റ് ആണ് കിട്ടിയത്.. ഇപ്പോള്‍ ആ കമന്റുകള്‍ നൂറില്‍ ഒതുങ്ങുന്നു.. അതെ അടിസ്ഥാനതത്വം തന്നെ ഇവിടെയും..

മമ്മൂട്ടി തുടങ്ങിയതുകൊണ്ട് ഇത്രയും ഹിറ്റുകള്‍ കിട്ടി.
കമന്റുകള്‍ നോക്കുക.. ആദ്യപോസ്റ്റ് ആയിരം കമന്‍റ് കിട്ടിയപ്പോള്‍ പിന്നീട് അത് മൂന്നിലൊന്നായി ചുരുങ്ങി. ആദ്യത്തെ ആവേശം കഴിയുമ്പോള്‍ അതുകുറയുകയും ചെയ്തോളും.
അതുകൊണ്ട് അതെ ഹിറ്റ് റേറ്റ് ഉണ്ടാവുമെന്നോ കമന്റുകള്‍ ഉണ്ടാവുമെന്നോ പ്രതീക്ഷിക്കേണ്ട.. അല്ലെങ്കില്‍ അതേപോലെ നിലവാരമുള്ള പോസ്റ്റുകള്‍ വരണം.പിന്നെ കമന്‍റ് മോഡറേഷന്‍ ഉള്ളിടത്തോളം പുള്ളി എന്ത് ആഗ്രഹിക്കുന്നോ അതുപറയണം എന്നേയുള്ളു.. അല്ലാതെ ഒരു സംവാദത്തിനു അവിടെ സ്ഥാനമില്ല.

ഇനി വേറെ ചിലകാര്യങ്ങള്‍.

1) മണിക്കൂറിനു വിലയുള്ള മമ്മൂട്ടി മലയാള സിനിമയിലെ ഏറ്റവും കൂടുതല്‍ പ്രതിഫലം വാങ്ങുന്ന രണ്ടു നടന്മാരില്‍ ഒരാളാണ്.. അതേപോലെ ഏറ്റവും തിരക്കുള്ള രണ്ട് നടന്മാരിലും ഒരാള്‍ തന്നെ.. അങ്ങനെ ഒരാള്‍ കുത്തിപിടിച്ച്‌ ബ്ലോഗ് എഴുതുമെന്നു വിവരമുള്ളവര്‍ കരുതുമോ..?

2) മമ്മൂട്ടി കമ്മ്യൂണിസ്റ്റ് അനുഭാവിയാണ്.. അത് അദ്ദേഹത്തിന്‍റെ വ്യക്തിപരമായ കാര്യം..വോട്ടിടാനും പാര്‍ട്ടിയില്‍ വിശ്വസിക്കാനും പ്രവര്‍ത്തിക്കാനും അവകാശമുണ്ട്‌.. അതുകൊണ്ട് ബ്ലോഗ് എഴുതുന്നത് കമ്മ്യൂണിസ്റ്റ് മാനിഫെസ്റ്റോ
ആയിരിക്കും എന്ന് കരുതിവിലപിച്ച എന്‍റെ സഹ ബ്ലോഗറുമാരോട് പറയട്ടെ.. സ്വന്തം പാര്‍ട്ടിയെപറ്റി മാത്രമാണോ നമ്മള്‍ എഴുതുന്നത്..

3)പിന്നെ മിക്ക ബ്ലോഗ് എഴുത്തുകാരും ഇന്നു അല്പം പ്രശസ്തി (കുറഞ്ഞപക്ഷം ബ്ലോഗ് വായിക്കുന്നവര്‍ക്കിടയില്‍ എങ്കിലും) ഉണ്ടാക്കിയത് ബ്ലോഗ് എഴുതിയത് കൊണ്ടു മാത്രമാണ്. മമ്മൂട്ടി എന്തായാലും ആ പബ്ലിസിറ്റിയ്ക്ക് വേണ്ടി ബ്ലോഗ് എഴുതേണ്ട കാര്യമില്ലല്ലോ..?

4)മമ്മൂട്ടി എന്നും പുതിയ ടെക്നോളോജിയോട് ഭ്രമം ഉള്ളവനാണ് എന്നെല്ലാവര്‍ക്കും അറിയാം. പുതിയ കാര്‍,കാമറ,ഇലക്ട്രോണിക്സ് ,ഇന്റര്‍നെറ്റ്‌ തുടങ്ങി എല്ലാത്തിനോടും. കേരളത്തിലെ ആദ്യത്തെ അമ്പതു ഡൊമൈന്‍ ബുക്കിങ്ങില്‍ മമ്മൂട്ടി.കോം ഉണ്ടായിരുന്നു. സ്വന്തം സൈറ്റ് ഉള്ള മമൂട്ടിയുടെ കേവലം ഭ്രമം ആണോ എന്ന് വരുന്ന കാലം തെളിയിക്കും.

5) മമ്മൂട്ടിയുടെ വരവോടെ ഞങ്ങളെല്ലാം സീറോ ആവുമോ എന്നപെടിയുള്ള ബ്ലോഗിംഗ് പുലികളോട് പറയട്ടെ.. ഇതു വെറും താരാധന മാത്രം.. എന്നും അതിന്‍റെ മിടുക്കില്‍ വായനക്കാരെ കിട്ടില്ല. വായിക്കണം എന്നാഗ്രഹമുള്ളവര്‍ എഴുത്ത് നന്നെങ്കില്‍ മാത്രമെ വരൂ. അതിന് പെരൊരു ഘടകം അല്ല..

കൂതറ എന്ന പേരു ഏറ്റവും നികൃഷ്ടം ആണ്.. ആ പേരു സ്വീകരിച്ചിട്ടും ഇവിടെ വായനക്കാര്‍ വരുന്നില്ലേ.(അതുകൊണ്ട് എന്‍റെ എഴുത്ത് ശ്രേഷ്ഠം എന്ന് ഞാന്‍ പറഞ്ഞില്ല) പക്ഷെ മമ്മൂട്ടി കൂതറയായി എഴുതിയാല്‍ കമന്‍റ് മോഡറേഷന്‍ ഇല്ലെങ്കില്‍ നല്ലൊരു വായനക്കാരന്‍ ആ എഴുത്ത് കൂതറയെന്നു തുറന്നു പറയും.

ഇനി മമ്മൂട്ടിയുടെ ബ്ലോഗ് നമുക്കെങ്ങനെ ഗുണം ചെയ്യുമെന്ന് നോക്കാം..
മമ്മൂട്ടിയെന്തോ എഴുതുന്നു. അതെന്താ എന്ന് ചോദിച്ചു ഇന്‍റര്‍നെറ്റ് കഫെകളില്‍ ആളുകള്‍ വരുന്നു.. അവര്‍ക്കും അങ്ങനെ ബ്ലോഗെന്ന സങ്കേതത്തെ കുറഞ്ഞപക്ഷം അറിയാനെങ്കിലും അവസരമുണ്ടായി.. അല്ലെങ്കില്‍ കുറേക്കൂടി മലയാളബ്ലോഗിനെ പ്രശസ്തമാക്കാനോ ജനകീയമാക്കാനോ കഴിഞ്ഞെങ്കില്‍ നല്ലത് തന്നെ... അതുകൊണ്ട് തന്നെ അദ്ദേഹത്തിന്‍റെ ബ്ലോഗിനെ നമ്മള്‍ കൈയും നീട്ടി സ്വീകരിക്കുകയാണ് വേണ്ടത്..

ഓഫ്.ടോക്. : സിനിമയില്‍ പുളകം കൊള്ളിക്കുകയും ചെയ്യുന്ന തകര്‍പ്പന്‍ ഡയലോഗുകള്‍ കേള്‍ക്കുമ്പോള്‍ മമ്മൂട്ടിയുടെ കടുത്ത ആരാധകര്‍ (ചിലരെങ്കിലും) ഇത്ര ശക്തമായ വാക്കുകള്‍ പറയുന്ന മമ്മൂട്ടിയുടെ അറിവിനെ/കഴിവിനെ പറ്റി ഓര്‍ത്ത്‌ രോമാഞ്ചം കൊള്ളാറുണ്ട്‌.. പക്ഷെ ലോഹതദാസിനെ പോലെയുള്ള സര്‍ഗ്ഗ ധനന്മാരുടെ മൂളയാണ് അതിന് പിന്നിലെന്നത് മറക്കല്ലേ..അതുപോലെ ഏതെങ്കിലും പാവപ്പെട്ട ബ്ലോഗ് കൂലിയെഴുത്തുകാരന്‍ മമ്മൂട്ടിയുടെ ബ്ലോഗിന് പിന്നിലുണ്ടെങ്കിലും നമ്മളെന്തിനു വിഷമിക്കണം.. ആ പാവവും ജീവിക്കട്ടെ.." പോരിപ്പന്‍ വാക്കുകള്‍ വീട്ടിലെ പട്ടിണിമാറ്റാന്‍ ഉപയോഗിച്ചാല്‍ എന്തിന് അവരോട് പിണങ്ങണം."

എഴുതിവിട്ടോ മമ്മൂക്ക.... ഭൂലോകത്തെ കാര്യം അറിയില്ല.. ബൂലോഗത്ത് എല്ലാവരും സെന്‍സും സെന്‍സിബിലിറ്റിയും സെന്‍സിറ്റിവിറ്റിയും ഉള്ളവരാ.. അല്പം കൂടുതല്‍ ആണെന്ന് മാത്രം..

34.ശ്രീബുദ്ധനെ ദൈവം (അവതാരം) ആക്കിയതാണോ?

ശ്രീബുദ്ധനെ ദൈവം (അവതാരം) ആക്കിയതാണോ?
അവതാരങ്ങള്‍ എന്നും പാപനാശനത്തിനായോ പ്രത്യേകലക്ഷ്യം കൈവരിക്കുന്നതിനായോ ആണ്.. എന്നാല്‍ കൃത്രിമമായി അവതാരങ്ങളെ സൃഷ്ടിക്കാനാവുമോ.. ശ്രീ.ബുദ്ധന്‍റെ അവതാരവുമായി ബന്ധപ്പെട്ട സംശയം നിങ്ങളുമായി പങ്കുവെയ്ക്കുന്നു.... വായിക്കുക..

Wednesday, January 28, 2009

33. ലാവലിന്‍ ഉത്തരം തേടുന്ന ചോദ്യം ...

ഈ കൂതറ അവലോകന സമിതിയില്‍ മറ്റ് കൂതറകള്‍ക്കൊപ്പം വന്നുപെട്ടിട്ട് മറ്റു പല തിരക്കുകളാലും ഇതു വരെ ഒരു കൂതറത്തരം പോലും കാണിക്കന്‍ കഴിഞ്ഞിട്ടില്ല.

അതിന്റെ കുറവിവിടെ തീര്‍ക്കുന്നു - ഇന്നത്തെ മാതൃഭൂമിയീല്‍ (മാധ്യമ സിന്‍ഡിക്കേറ്റിലെ ഇടതുപക്ഷ പത്രം!) ടിവിആര്‍ ഷേണായി എഴുതിയ ലേഖനം - കോപ്പി പേസ്റ്റ് നിരോധിച്ചിട്ടുള്ളതാണെങ്കില്‍ കൂതറേ അങ്ങ് ഡിലീറ്റിയേരെ.... :)


ഇനി പിണറായി സഖാവ്വിനെതിരെ കോപ്പീ പേസ്റ്റ് ചെയ്തതിന് എന്നാണാവോ അഹങ്കാരിയെ പൊതുനിരത്തില്‍ പരസ്യവിചാരണ ചെയ്യണത്!



ലാവലിന്‍ ഉത്തരം തേടുന്ന ചോദ്യം
28 Jan, 2009

കാന്‍സര്‍ ഹോസ്‌പിറ്റല്‍ പണിയുന്നത്‌ നല്ലകാര്യം തന്നെ. എന്നാല്‍ ഊര്‍ജനിലയങ്ങളുടെ ശേഷി ഉയര്‍ത്തുന്നതിനുള്ള കരാറില്‍ എന്തിന്‌ അതുള്‍പ്പെടുത്തണം? ഇതൊരു സര്‍ക്കാര്‍ പദ്ധതിയായിരുന്നോ? അതോ ഒരു സ്വകാര്യ ധര്‍മസ്ഥാപനത്തിന്റെ കീഴിലായിരുന്നോ? സംസ്ഥാന സര്‍ക്കാറിന്‌ താത്‌പര്യമുണ്ടായിരുന്നെങ്കില്‍ കനേഡിയന്‍ കമ്പനിയെ ചിത്രത്തിലേക്ക്‌ വലിച്ചിഴയ്‌ക്കാതെ സ്വന്തം നിലയ്‌ക്ക്‌ അര്‍ബുദ ചികിത്സാകേന്ദ്രം തുടങ്ങാമായിരുന്നില്ലേ? ഈ ഇടപാടില്‍ ഭൂമി ഏറ്റെടുക്കലോ കൈമാറ്റമോ നടന്നിട്ടുണ്ടോ?

കാഴ്‌ചയ്‌ക്കപ്പുറം........... ടി.വി.ആര്‍. ഷേണായ്‌

''കാര്യങ്ങള്‍ കൈവിട്ടുപോകുന്നു, കേന്ദ്രത്തിന്‌ ഒന്നിപ്പിക്കാനാവാതെ.....''
ഈ വരികള്‍ ഡബ്ല്യു.ബി. യേറ്റ്‌സിന്റെ 'രണ്ടാം വരവി'ല്‍നിന്നു ള്ളതാണ്‌. ഇത്തവണ റിപ്പബ്ലിക്‌ ദിനത്തിന്റെ തലേന്ന്‌ ഈ വരികള്‍ കൂടുതല്‍ പ്രവചനാത്മകത കൈവരിച്ചു.

ഇന്ത്യയിലെ മൂന്നു പ്രധാന രാഷ്ട്രീയ കക്ഷികളുടെ ഇന്നത്തെ അവസ്ഥ നോക്കുക. കോണ്‍ഗ്രസ്സിന്റെ പ്രധാനമന്ത്രി ആസ്‌പത്രിക്കിടക്കയിലാണ്‌. ചരിത്രത്തിലാദ്യമായി പ്രധാനമന്ത്രിയുടെ വാക്കുകള്‍ കേള്‍ക്കാനാവാതെ നമ്മള്‍ റിപ്പബ്ലിക്‌ദിനമാഘോഷിച്ചു. ബി.ജെ.പി. വൈസ്‌ പ്രസിഡന്റും മുന്‍ യു.പി. മുഖ്യമന്ത്രിയുമായ കല്യാണ്‍സിങ്‌ പാര്‍ട്ടി വിട്ടു. മുമ്പ്‌ ശത്രുവും പിന്നീട്‌ മിത്രവും അതുകഴിഞ്ഞ്‌ എതിരാളിയുമൊക്കെയായി മാറിമറിഞ്ഞ മുലായം സിങ്‌ യാദവിന്റെ പാളയത്തിലാണ്‌ അദ്ദേഹമിപ്പോള്‍. സി.പി.എമ്മിന്റെ കാര്യത്തിലാകട്ടെ തങ്ങളുടെ കോട്ടകളിലൊന്നായ കേരളത്തില്‍നിന്നാണ്‌ പ്രതിസന്ധി തുടങ്ങുന്നത്‌. സംസ്ഥാന സെക്രട്ടറി പിണറായി വിജയന്റെ രാഷ്ട്രീയഭാവി നിലനിര്‍ത്താനുള്ള പോരാട്ടത്തിനൊരുങ്ങുകയാണ്‌ മാര്‍ക്‌സിസ്റ്റുകാര്‍.

15-ാമത്തെ പൊതുതിരഞ്ഞെടുപ്പു സംബന്ധിച്ചുള്ള പ്രഖ്യാപനം ആറാഴ്‌ചയ്‌ക്കകം ഉണ്ടാകും. രാജ്യത്തെ മൂന്നു വലിയ രാഷ്ട്രീയ കക്ഷികള്‍ തിരഞ്ഞെടുപ്പു നേരിടാന്‍ ഏതെങ്കിലും വിധത്തില്‍ സജ്ജമാണോ എന്നതാണ്‌ ഇപ്പോഴത്തെ ചോദ്യം. അഥവാ അവര്‍ ജയിച്ചാല്‍ എന്തു സംഭവിക്കും? നല്ല ഭരണത്തെക്കുറിച്ച്‌ എന്തെങ്കിലും പ്രതീക്ഷ ഇപ്പോഴുണ്ടോ? അല്ലെങ്കില്‍ എല്ലാം പതിവുപോലെ എന്ന മട്ടിലാവുമോ കാര്യങ്ങള്‍?

'കാര്യങ്ങളെല്ലാം പതിവുപോലെ' എന്നതിന്‌ ഇന്ത്യയില്‍ എന്താണ്‌ അര്‍ഥം? അതിനുള്ള ഉത്തരമാണ്‌ എസ്‌.എന്‍.സി. ലാവലിന്‍ വിവാദം. നമ്മുടെ രാജ്യത്ത്‌ സംഗതികള്‍ എങ്ങനെ നടക്കുന്നു, അല്ലെങ്കില്‍ നടക്കുന്നില്ല എന്നതിന്റെ നേര്‍ ചിത്രമാണത്‌.

കേരളത്തിനു പുറത്തുള്ളവര്‍ എസ്‌.എന്‍.സി. ലാവലിനെക്കുറിച്ച്‌ കേട്ടിട്ടുപോലുമുണ്ടാവില്ല. സി.പി.എം. സെക്രട്ടറി പിണറായി വിജയന്‍ ആ കേസിലുള്‍പ്പെട്ടതുകൊണ്ട്‌ കേരളത്തിലുള്ളവര്‍ക്ക്‌ ആ പേര്‌ സുപരിചിതമായിരിക്കും. പിണറായി പ്രതിയാണെന്ന്‌ കേസന്വേഷിക്കുന്ന സി.ബി.ഐ. പറയുന്നു.

പള്ളിവാസല്‍, ചെങ്കുളം, പന്നിയാര്‍ ജലവൈദ്യുത പദ്ധതികളുടെ നവീകരണത്തിനായാണ്‌ കനേഡിയന്‍ കമ്പനിയായ എസ്‌.എന്‍.സി. ലാവലിനു കരാര്‍ നല്‌കിയത്‌. 1996 മുതല്‍ 98 വരെ കേരളം ഭരിച്ച നായനാര്‍ മന്ത്രിസഭയില്‍ വൈദ്യുതി മന്ത്രിയായിരുന്ന പിണറായി ലാവലിനു വഴിവിട്ട സഹായം ചെയ്‌തെന്നാണ്‌ ആരോപണം. സി.ബി.ഐ. അദ്ദേഹത്തെ പ്രോസിക്യൂട്ട്‌ ചെയ്യാന്‍ അനുമതി തേടിയിരിക്കുന്നു.


എളുപ്പത്തില്‍ സ്വാധീനിക്കപ്പെടാവുന്ന സി.ബി.ഐ. ഡല്‍ഹിയിലെ കോണ്‍ഗ്രസ്‌ യജമാനന്‍മാരെ പ്രീതിപ്പെടുത്താന്‍ കെട്ടിച്ചമച്ച കേസാണിതെന്നാണ്‌ സി.പി.എം. കുറ്റപ്പെടുത്തുന്നത്‌. സ്വന്തം ദുഷ്‌ചെയ്‌തികള്‍ ഒടുവില്‍ പിണറായിയെ തിരിഞ്ഞുകുത്തിയതിനു തങ്ങളെ കുറ്റപ്പെടുത്തേണ്ടതില്ലെന്ന്‌ കോണ്‍ഗ്രസ്‌ തിരിച്ചടിക്കുന്നു. തിരഞ്ഞെടുപ്പ്‌ അടുത്തുവരുമ്പോള്‍ ഇരുപക്ഷത്തിനും പരസ്‌പരം ആരോപണ പ്രത്യാരോപണങ്ങളുന്നയിക്കാന്‍ ഈ വിഷയം വലിയ അവസരമാണ്‌ ഒരുക്കുന്നത്‌.

ഒരു നിര്‍ദേശം: ലാവലിന്‍ കേസില്‍ പിണറായിയുടെ പങ്കാളിത്തം എന്ത്‌; അദ്ദേഹത്തെ അതിന്റെ പേരില്‍ പാര്‍ട്ടി സെക്രട്ടറി സ്ഥാനത്തുനിന്ന്‌ നീക്കുമോ തുടങ്ങിയ കാര്യങ്ങള്‍ തല്‍ക്കാലം മാറ്റിനിര്‍ത്താം. അതിനു പകരം ഇന്ത്യയില്‍ നടക്കുന്ന ഇടപാടുകളെക്കുറിച്ച്‌ വിശദമായി പരിശോധിക്കാം.

ഒന്നാമത്തെ കാര്യം, നമ്മള്‍ ചെലവിടുന്ന തുകയ്‌ക്കനുസരിച്ച്‌ നമുക്ക്‌ തിരിച്ചുകിട്ടുമെന്ന്‌ പ്രതീക്ഷിച്ചിട്ടു കാര്യമില്ല. പന്നിയാര്‍, പള്ളിവാസല്‍, ചെങ്കുളം ജലവൈദ്യുത പദ്ധതികളുടെ മൊത്തം ഉത്‌പാദന ശേഷി 115 മെഗാവാട്ടാണ്‌. ശേഷി ഉയര്‍ത്താനുള്ള പ്രവൃത്തിക്കായി 374 കോടി രൂപയാണ്‌ ചെലവിട്ടത്‌. 'പ്രവൃത്തി'കള്‍ക്കു ശേഷം ഒരു മെഗാവാട്ട്‌ പോലും അധികം ഉത്‌പാദിപ്പിക്കാന്‍ കഴിഞ്ഞിട്ടില്ലെന്നാണ്‌ അറിയുന്നത്‌. 374 കോടി രൂപയ്‌ക്കു പകരം ഇന്ത്യയിലെ നികുതിദായകര്‍ക്ക്‌ എന്താണ്‌ ലഭിക്കുന്നത്‌?

പിണറായി വിജയന്‍ കുറ്റക്കാരനാണോ അല്ലയോ എന്നതാണ്‌ ഒരു ചോദ്യം. എ.കെ. ആന്റണിയുടെ നേതൃത്വത്തിലുള്ള കോണ്‍ഗ്രസ്‌ മന്ത്രിസഭയില്‍ വൈദ്യുതി വകുപ്പ്‌ കൈകാര്യം ചെയ്‌ത ജി. കാര്‍ത്തികേയനാണ്‌ ലാവലിനുമായി കരാറൊപ്പിട്ടതെന്ന സി.പി.എമ്മിന്റെ ആരോപണം മറ്റൊന്ന്‌.

എന്നാല്‍ ഇവ രണ്ടുമല്ല യഥാര്‍ഥ പ്രശ്‌നങ്ങളെന്നാണ്‌ എനിക്കു തോന്നുന്നത്‌. ഫലം കാണാന്‍ കഴിയാത്ത ഒരു കാര്യത്തിനുവേണ്ടി ഖജനാവില്‍നിന്ന്‌ കോടികള്‍ ഒഴുക്കിയെന്നതാണ്‌ യഥാര്‍ഥ പ്രശ്‌നം.

ഇനി രണ്ടാമത്തെ കാര്യം. സര്‍ക്കാറുമായുള്ള കരാറുകളില്‍ എന്തിനാണ്‌ എപ്പോഴും അനുബന്ധ ഘടകങ്ങള്‍ കൂട്ടിച്ചേര്‍ക്കുന്നത്‌? 1996 ഒക്ടോബറില്‍ പിണറായി വിജയന്റെയും അന്നത്തെ മുഖ്യമന്ത്രി നായനാരുടെയും നേതൃത്വത്തിലുള്ള സംഘം എസ്‌.എന്‍.സി. ലാവലിനുമായി പുനര്‍ ചര്‍ച്ചകള്‍ക്കായി കാനഡ സന്ദര്‍ശിച്ചു.


പുതിയ കരാറിലെ ഒരിനത്തെക്കുറിച്ച്‌ സി.പി.എം. പ്രസിദ്ധീകരണമായ 'പീപ്പിള്‍സ്‌ ഡമോക്രസി' ഇങ്ങനെ പറയുന്നു: ''പാക്കേജിന്റെ ഭാഗമായി ലാവലിന്‍ വാഗ്‌ദാനം ചെയ്‌ത 'കോംപ്ലിമെന്ററി ഗ്രാന്റ്‌' വിഹിതം 43 കോടി രൂപയില്‍നിന്ന്‌ 98 കോടിയായി ഉയര്‍ത്തുകയെന്നത്‌ പ്രധാന ലക്ഷ്യം. മലബാറില്‍ ഒരു ആധുനിക അര്‍ബുദ ചികിത്സാകേന്ദ്രം പണിയുന്നതിനായി കനേഡിയന്‍ സന്നദ്ധ ഏജന്‍സികളില്‍നിന്ന്‌ ഗ്രാന്റ്‌ ലാവലിന്‍ ഏര്‍പ്പാടാക്കിക്കൊടുക്കും''.

കാന്‍സര്‍ ഹോസ്‌പിറ്റല്‍ പണിയുന്നത്‌ എന്തുകൊണ്ടും നല്ലകാര്യം തന്നെ. എന്നാല്‍ ഊര്‍ജനിലയങ്ങളുടെ ശേഷി ഉയര്‍ത്തുന്നതിനുള്ള കരാറില്‍ എന്തിന്‌ അതുള്‍പ്പെടുത്തണം? ഇതൊരു സര്‍ക്കാര്‍ പദ്ധതിയായിരുന്നോ? അതോ ഒരു സ്വകാര്യ ധര്‍മസ്ഥാപനത്തിന്റെ കീഴിലായിരുന്നോ? സംസ്ഥാന സര്‍ക്കാറിന്‌ താത്‌പര്യമുണ്ടായിരുന്നെങ്കില്‍ കനേഡിയന്‍ കമ്പനിയെ ചിത്രത്തിലേക്ക്‌ വലിച്ചിഴയ്‌ക്കാതെ സ്വന്തം നിലയ്‌ക്ക്‌ അര്‍ബുദ ചികിത്സാകേന്ദ്രം തുടങ്ങാമായിരുന്നില്ലേ? ഈ ഇടപാടില്‍ ഭൂമി ഏറ്റെടുക്കലോ കൈമാറ്റമോ നടന്നിട്ടുണ്ടോ?

സി.പി.എമ്മിനും കോണ്‍ഗ്രസ്സിനുമിടയിലെ ആരോപണ പ്രത്യാരോപണ പരമ്പരകള്‍ക്കിടയില്‍ ഒരു യാഥാര്‍ഥ്യം മറനീക്കി പുറത്തുവരുന്നുണ്ട്‌. കരാറിലെത്തി 12 വര്‍ഷം പിന്നിട്ടിട്ടും അര്‍ബുദ ആതുരാലയം ഇപ്പോഴും ലക്ഷ്യത്തിലെത്തിയിട്ടില്ല.


അടുത്തത്‌ മൂന്നാമത്തെകാര്യം. സര്‍ക്കാര്‍ ഏതെങ്കിലും കരാറിന്റെ ചര്‍ച്ച തുടങ്ങുമ്പോള്‍ത്തന്നെ മൂന്നാമതൊരു കക്ഷി പതിവായി രംഗപ്രവേശനം ചെയ്യുന്നത്‌ എന്തുകൊണ്ടാണ്‌? എസ്‌.എന്‍.സി. ലാവലിന്‍ കേസില്‍ 'ടെക്‌നിക്കാലിയ കണ്‍സള്‍ട്ടന്റ്‌സ്‌' എന്ന മൂന്നാം കക്ഷിയെക്കുറിച്ച്‌ നമ്മള്‍ കേള്‍ക്കാനിടവന്നു. ചെന്നൈ ആസ്ഥാനമായുള്ള ഈ സ്ഥാപനത്തിനാണ്‌ കാന്‍സര്‍ ഹോസ്‌പിറ്റല്‍ നിര്‍മിക്കാന്‍ യഥാര്‍ഥത്തില്‍ കരാര്‍ നല്‌കിയത്‌. സംസ്ഥാന സര്‍ക്കാറിനോ എസ്‌.എന്‍.സി. ലാവലിനോ കെട്ടിട നിര്‍മാണത്തില്‍ വൈദഗ്‌ധ്യമില്ലെന്നതു വ്യക്തമാണ്‌. കാനഡയില്‍നിന്ന്‌ ഗ്രാന്റ്‌ ഇനത്തിലുള്ള പണം മുഴുവന്‍ ടെക്‌നിക്കാലിയ കണ്‍സള്‍ട്ടന്റ്‌സ്‌ വഴിയാണ്‌ എത്തുന്നത്‌ എന്നതുതന്നെ ഇതിന്റെ ഫലം.


നാലാമത്തെയും അവസാനത്തെയും കാര്യം. എന്തുകൊണ്ടാണ്‌ ഇന്ത്യയിലെ കേസുകളെല്ലാം ഇങ്ങനെ അഴിയാക്കുരുക്കുകളിലേക്ക്‌ വലിച്ചിഴയ്‌ക്കപ്പെടുന്നത്‌? ഒരു പാര്‍ട്ടിക്കോ അല്ലെങ്കില്‍ മറ്റൊന്നിനോ തിരഞ്ഞെടുപ്പു നേട്ടമുണ്ടാകുമെന്ന്‌ ഉറപ്പാകുമ്പോഴല്ലാതെ അവയ്‌ക്കു വേഗം കൈവരിക്കാന്‍ കഴിയാത്തത്‌ എന്തുകൊണ്ടാണ്‌? ചെറിയതെന്ന്‌ തോന്നിപ്പിക്കുന്ന ഒരു പ്രവൃത്തിക്ക്‌ എസ്‌.എന്‍.സി. ലാവലിന്‌ ഇത്രയും ഉയര്‍ന്ന തുക എന്തിനു നല്‌കണം? കാന്‍സര്‍ ഹോസ്‌പിറ്റല്‍ പോലെയുള്ള ഒരു ബാഹ്യവിഷയം എന്തിനാണ്‌ ഊര്‍ജനിലയ നവീകരണത്തിലേക്ക്‌ വലിച്ചിഴച്ചത്‌?

വിശദാംശങ്ങളില്‍ ചെറിയ ചില മാറ്റങ്ങള്‍ വരുത്തിനോക്കിയാല്‍ ഇത്തരം അഴിമതി വിവാദങ്ങള്‍ മറ്റു മിക്ക സംസ്ഥാനങ്ങളിലും നിങ്ങള്‍ക്ക്‌ കണ്ടെത്താന്‍ കഴിഞ്ഞുവെന്ന്‌ വരും. എസ്‌.എന്‍.സി. ലാവലിന്‍ സംഭവ പരമ്പരയിലെ ഏറ്റവും സങ്കടകരമായ വസ്‌തുതയും അതുതന്നെ. വിവാദങ്ങളുടെ പേരുമാത്രം മാറുന്നു. പാര്‍ട്ടികള്‍ അധികാരത്തില്‍ വരുന്നു, പോകുന്നു. കേസുകള്‍ ഫയല്‍ ചെയ്യുന്നു, വിസ്‌മരിക്കപ്പെടുന്നു. അതുതന്നെയാണ്‌ ഇന്ത്യയിലെ പതിവുകാര്യം. സമകാലിക ഇന്ത്യന്‍ രാഷ്ട്രീയാവസ്ഥ പരിഗണിക്കുമ്പോള്‍ യേറ്റ്‌സിന്റെ കവിതയിലെ ഈ വരികള്‍ വീണ്ടും പ്രസക്തിയാര്‍ജിക്കുന്നു:

''മികച്ചവ ബോധ്യമില്ലാതുഴറി മോശപ്പെട്ടതോ, വൈകാരിക മൂര്‍ച്ഛയാല്‍ തുളുമ്പി.''


ഇതുപോലെ ഫാസിസത്തിന്റെയും വര്‍ഗീയതയുടേയും മൂര്‍ത്തിമദ് ഭ്ബാവങ്ങളായ പോസ്റ്റുകള്‍ അഹങ്കാരിയുടെ ബ്ലോഗില്‍ കാണാം

32.പദ്മശ്രീ അവാര്‍ഡും ചില സംശയങ്ങളും

അവാര്‍ഡുകള്‍ എപ്പോഴും ലഭിക്കുന്നവര്‍ക്ക് സന്തോഷവും അഭിമാനവും അതോടൊപ്പം ചിലപ്പോഴൊക്കെ അല്ലറ ചില്ലറ വിവാദങ്ങളും ഉണ്ടാക്കാറുണ്ട്.. ഇക്കുറി പദ്മശ്രീ അവാര്‍ഡ് ലഭിച്ച ചിലരെ കണ്ടപ്പോള്‍ ഉണ്ടായ ചില സംശയങ്ങള്‍ ആണ് നിങ്ങളുമായി പങ്കുവെയ്ക്കുന്നത്..

നമ്മുടെ പ്രീയപ്പെട്ട ശ്രീശാന്തിനെ മുഖമടിച്ചു പരത്തിയ ചൂടന്‍ ഭാജി(ഹര്‍ഭജന്‍ സിംഗ് ഇത്തവണ പദ്മശ്രീക്കര്‍ഹന്‍ ആയി..) വിവാദങ്ങളുടെ നായകനായ ഭാജിയ്ക്ക് എന്തിന്‍റെ പേരില്‍ ആയാലും അവാര്‍ഡ് കിട്ടിയല്ലോ.. ഗുരു ഗ്രെഗ് ചാപ്പലിനു പാര പണിത വിവാദം മാപ്പു പറഞ്ഞു ഒതുക്കിയ ഭാജി ആസ്ട്രേലിയന്‍ താരം സൈമണ്ട്സിനെ തെറി വിളിച്ചും പ്രശസ്തനായി. അവസാനം ശ്രീശാന്തിനും കൊടുത്ത് ഒന്ന്. അതിനി ശ്രീയുടെ കൈയിലിരിപ്പിന് വാങ്ങിച്ചു കെട്ടിയതാണ്‌ എന്ന് കരുതാം.

പക്ഷെ വേറെ ഒരു സംശയം കൂതറയെ വേട്ടയാടുന്നു.എന്നും നൂറുകോടിയില്‍ പരം ജനങ്ങള്‍ ഉള്ള ഇന്ത്യ വര്‍ഷങ്ങളായി ഓരോ ഓട്ടുമെഡലുമായി ഒളിമ്പിക്സില്‍ നിന്നും വരുന്ന നാണം കേട്ട ഒരു ചരിത്രമുണ്ടായിരുന്നു.. അതിന് മാറ്റമുണ്ടായത് ഈ കഴിഞ്ഞ ഒളിമ്പിക്സിലായിരുന്നു. ഒരു സ്വര്‍ണവും രണ്ടു വെങ്കല മെഡലുമായാണ് ഇന്ത്യ മാന്യമായി (കുറഞ്ഞ പക്ഷം മുമ്പത്തേക്കാള്‍) തിരികെയെത്തിയത്‌.

സ്വര്‍ണ്ണം നേടിയ അഭിനവിനു അര്‍ജ്ജുന കൊടുക്കുകയുണ്ടായി.എന്നാല്‍ സുശീല്‍ കുമാറിനും (വെങ്കലം ഒളിമ്പിക്സില്‍,കോമണ്‍ വെല്‍ത്ത് ഗയിംസില്‍ മൂന്നു തവണ സ്വര്‍ണം,ഏഷ്യന്‍ ഗുസ്തി ചാമ്പ്യന്‍ഷിപ്പ് മല്‍സരത്തില്‍ രണ്ടു തവണ വെങ്കലം) വിജേന്ദര്‍ കുമാറിനും (ഒളിമ്പിക്സില്‍ വെങ്കലം,കോമണ്‍വെല്‍ത്ത് ഗയിംസില്‍ വെള്ളി,ഏഷ്യന്‍ ഗയിംസില്‍ വെങ്കലം) പദ്മശ്രീ കൊടുക്കാതെ ഭാജിയ്ക്ക് പദ്മശ്രീ കൊടുത്തതിലെ ഗുട്ടന്‍സ് കൂതറയ്ക്ക് മനസ്സിലാവുന്നില്ല.. കായികപ്രേമി ആയതുകൊണ്ടാവാം വിജേന്ദര്‍,സുശില്‍ കുമാരന്മാര്‍ തങ്ങളിനി പദ്മശ്രീയ്ക്ക് ആരുടെ കാല്‍ക്കല്‍ വീഴണം എന്ന ചോദ്യം ചോദിക്കുമ്പോള്‍ വിഷമം തോന്നുന്നു.. അല്ല നമ്മുടെ ശ്രീയുടെ കൂതറസ്വഭാവത്തിന് നല്ല അടി കൊടുത്തതിനാണ് പദ്മ അവാര്‍ഡ് കൊടുത്തതെങ്കില്‍ സന്തോഷമുണ്ട്.

അതുപോലെ അല്പം സംശയം തോന്നിയ അവാര്‍ഡ് ആണ് ഐശ്വര്യാറായി ബച്ചന് കിട്ടിയ അവാര്‍ഡ്. നമ്മുടെ മഞ്ജു വാര്യരെക്കാള്‍ എന്തൂട്ട്‌ അഭിനയമാ നമ്മുടെ ആഷ് നടത്തിയതെന്ന് അവരുടെ എല്ലാ സിനിമയും കണ്ടിട്ടുള്ള ഒരുവന്‍ എന്നനിലയില്‍ സംശയം തോന്നുന്നു.

അതല്ല നമ്മുടെ കേന്ദ്രമന്ത്രിസഭ വീഴാതെ കാത്ത അമര്‍സിംഗ് (സമാജ് വാദി പാര്‍ട്ടി) അംബാനിമാര്‍( ഇവരുടെ പരമ പൂജ്യനായ പിതാജി ധിരൂഭായ് അംബാനിയുടെ കഥ സിനിമയാക്കിയപ്പോള്‍ ആഷ് അഭിനയിച്ചിരുന്നു..) ഈ രണ്ടു പേരുടേയും ആത്മമിത്രമായ ബച്ചന്‍സാര്‍ മരുമകള്‍ക്ക് ആ സ്വാധീനം വച്ചു വാങ്ങികൊടുതതാണ് അവാര്‍ഡ് എങ്കില്‍ കൂതറയ്ക്ക് അല്പം വിഷമം.(പുത്രസ്നേഹത്താല്‍ സ്വതേ അന്ധനായ ധൃതരാഷ്ട്രര്‍ സഹോദര പുത്രമാരെ പുകച്ചു ചാടിച്ച പാരമ്പര്യം ഉള്ള നാടാണ് നമ്മുടെ ... ഇതിന്‍റെ അപ്പുറവും പ്രതീക്ഷിക്കണം)

അതല്ല പതിനാല് വര്‍ഷം മുമ്പ് നടന്ന വിശ്വസുന്ദരി പട്ടത്തില്‍ നിതംബ പ്രദര്‍ശനം നടത്തിയതാണ് അവാര്‍ഡ് കിട്ടാന്‍ ഇടയാക്കിയതെങ്കില്‍ വളരെ സന്തോഷം. നമ്മുടെ പാര്‍വതി ഓമനക്കുട്ടനും ചുവന്ന ബിക്കിനിയില്‍ മനോഹരമായി നിതംബ പ്രദര്‍ശനം ഇക്കുറി നടത്തിയിട്ടുണ്ടല്ലോ.. അപ്പോള്‍ ഭാവിയില്‍ വേറെയും ഒരുമലയാളി നിതംബപ്രദര്‍ശനത്തിന്‍റെ പേരില്‍ പദ്മശ്രീ കൊണ്ടുവരുമായിരിക്കും..

അതോടൊപ്പം മലയാളത്തിലെ അഭിനയചക്രവര്‍ത്തിയും മലയാള സിനിമയുടെ പുണ്യവുമായ തിലകന്‍ ചേട്ടന് കിട്ടിയ പദ്മശ്രീയില്‍ കൂതറ അഭിമാനം കൊള്ളുന്നു.. തിലകന്‍ ചേട്ടാ ആശംസകള്‍..

Tuesday, January 27, 2009

31."സരസ്വതിയുടെ മുല" കൂതറയുടെ നിലപാട്

വിവാദം ബൂലോഗം മുഴുവന്‍ കത്തികയറിയിട്ടും മിക്കവരും തങ്ങളുടെ വശം പറഞ്ഞിട്ടും കൂതറ ഇതില്‍ "കമാ" യെന്നു മിണ്ടിയില്ലല്ലോ അതോ പോലീസിനെ പേടിച്ചാണോ എന്നൊരു മെയില്‍ കിട്ടിയപ്പോഴാണ് ഇനി കൂതറയും ഇതില്‍ അഭിപ്രായം പറയാമെന്നു തീരുമാനിക്കുന്നത്.
കുറച്ചുകാര്യം പറഞ്ഞുകൊള്ളട്ടെ..

കൂതറയെന്ന പേരില്‍ ബ്ലോഗെഴുതുന്ന ഞാനും ഒരു സാമൂഹ്യജീവിയാണ്. ഒരു മതത്തില്‍ ജനിച്ചു ഒരു സമൂഹത്തില്‍ ജീവിക്കുന്ന വ്യക്തി. അതുകൊണ്ട് തന്നെ ചിലകാര്യത്തില്‍ വ്യക്തമായ അഭിപ്രായവുമുണ്ട്.
ഒരു ബ്ലോഗര്‍ തന്‍റെ ബ്ലോഗില്‍ ചിത്രകാരന്‍ എഴുതിയ പോസ്റ്റുകള്‍ അമേരിക്കയിലെ സെര്‍വറില്‍ സൂക്ഷിക്കപെടുന്നതുകൊണ്ട് ചിത്രകാരനെ നിയമാനുസൃതമായി ഒന്നും ചെയ്യാനാവില്ലയെന്നു പറയുകയുണ്ടായി.
അദ്ദേഹത്തോട് കുറച്ചു കാര്യങ്ങള്‍ ആദ്യം ചോദിക്കാം.

1)കേരളത്തില്‍ താമസിച്ചു എഴുതുന്ന ചിത്രകാരന്‍റെ പോസ്റ്റുകള്‍ അമേരിക്കയിലെ ബ്ലോഗര്‍ സെര്‍വറില്‍ സൂക്ഷിക്കുന്നതുകൊണ്ട് കേസേടുക്കാനാവില്ലെന്നു പറഞ്ഞാല്‍ കേരളത്തില്‍ ഇരുന്നുകൊണ്ട്‌ എന്തുകൊണ്ട് എന്തും എഴുതാമോ..?
2)ഇനി സ്കാണ്ടിനേവിയന്‍ രാജ്യങ്ങളില്‍ സൈബര്‍ നിയമങ്ങള്‍ ഇത്ര കഠിനം അല്ലാത്തതുകൊണ്ട് അവിടെ ജോലിചെയ്യുന്ന മലയാളികള്‍ ബ്ലോഗ് തുടങ്ങിയാല്‍ എന്ത് പോക്രിത്തരങ്ങള്‍ എഴുതാമോ..?
3)ഇനി അതുമല്ല ചില ബ്ലോഗേഴ്സ് വിദേശ പൗരത്വം ഉള്ളവരാണ്. എന്നാല്‍ അമേരിക്കയില്‍ ബ്ലോഗര്‍ സെര്‍വര്‍ ഇരുന്നാലും മൂന്നാമത്തെ ഇക്കൂട്ടര്‍ വിദേശപൗരന്‍മാരും വിദേശത്ത് (അമേരിക്കയല്ല) സ്ഥിരതാമസം അക്കിയവരുമായ ഇവരെ കേരളത്തില്‍ ഒരു കേസ് കൊടുത്താല്‍ അതിന്‍റെ പേരില്‍ രാജ്യാന്തരകുറ്റവാളി കൈമാറ്റ ഉടമ്പടിപ്രകാരം ഇന്ത്യയില്‍ വരുത്തുവാനാവില്ല.. കാരണം ആ ഉടമ്പടിയില്‍ ഈ കുറ്റം വരുന്നില്ലയെന്നത് തന്നെ..അതുകൊണ്ട് അയാള്‍ ഇങ്ങനെ എഴുതുവാനുള്ള ലൈസന്‍സ് ആയി ഇതിനെ എടുക്കാനാവുമോ..?
ഇതിന് ഉത്തരം ഗൂഗിളിനുണ്ട്‌.. ഗൂഗിള്‍ ബ്ലോഗര്‍ എന്നത് സൗജന്യമായി തരുമ്പോള്‍ വയ്ക്കുന്ന ഉടമ്പടിയില്‍ ഇതു വ്യക്തമാക്കുന്നുണ്ട്. എന്തെഴുതണം എങ്ങനെ എഴുതണം എന്ന്..

ഇതും ചിത്രകാരനും ആയി എന്തുബന്ധം എന്ന് തോന്നാം.. ചിത്രകാരന്‍ ഉപയോഗിച്ചിരിക്കുന്ന ആ സബ്ജെക്റ്റ്‌ ഒരു മതവുമായി അല്ലെങ്കില്‍ മതവിശ്വാസവുമായി ബന്ധപ്പെട്ടതാണ്.
മതവികാരങ്ങള്‍ വൃണപെടുത്തുന്നത് ബ്ലോഗാന്‍ ബ്ലോഗര്‍ സ്വാതന്ത്രം തരുന്നില്ല.. അതേപോലെ അത്തരം ബ്ലോഗുകളെ/പോസ്റ്റുകളെ ഡിലീറ്റ് ചെയ്യാന്‍ ബ്ലോഗറിനു(blogger.com)സ്വാതന്ത്ര്യം ഉണ്ട്..
പിന്നെ ചില പോസ്റ്റുകളില്‍ വായിച്ചു. ചിത്രകാരന്‍ പബ്ലിസിറ്റിയ്ക്ക് വേണ്ടിയാണ് ഇതുപോസ്റ്റിയതെന്നുള്ള രസകരമായ കാര്യം. ബൂലോകത്ത് ചിത്രകാരന്‍ എന്നൊരു ബ്ലോഗര്‍ പബ്ലിസിറ്റിയ്ക്ക് അത്തരം ബ്ലോഗ് ഇടേണ്ട കാര്യം ഇല്ല.. ഇനി പൊന്നമ്പലം എന്ന ബ്ലോഗര്‍ ആരെന്നു ചിലരെങ്കിലും ഈ കേസിന് ശേഷമാണ് അറിഞ്ഞത്.. പക്ഷെ പബ്ലിസിറ്റിയ്ക്ക് വേണ്ടിയാണ് അദ്ദേഹവും ഇതു ചെയ്തതെന്ന് കരുതുകവയ്യ.
ഇനി ഒരുകൂട്ടം ബ്ലോഗറുമാര്‍ വ്യക്തമായ തെളിവ് സഹിതം ഗൂഗിളിനു പരാതികൊടുത്തു ചിത്രകാരന്‍റെ ബ്ലോഗിനെ ഡിലീറ്റ് ചെയ്തു എന്ന് കരുതുക.. പ്രസ്തുത പോസ്റ്റിലൂടെ വിശ്വാസികളുടെ മനസ്സിലുണ്ടാക്കിയ മുറിവോ..? ആവിഷ്കാര സ്വാതന്ത്ര്യത്തില്‍ കൈകടത്തല്‍ എന്ന ചിത്രകാരന്‍റെ ചോദ്യത്തിനുത്തരം
" ചിത്രകാരന്‍ ഒരു കലാകാരന്‍ എന്നുള്ള രീതിയില്‍ ഒരു സ്ത്രീശരീരം നഗ്നമായി വരച്ചാല്‍ അത് ആവിഷ്കാര സ്വാതന്ത്ര്യം. കാനായി കുഞ്ഞിരാമന്‍ മലമ്പുഴ യക്ഷിയെ വരച്ചപ്പോള്‍ അതിനെ ഉദാത്തമായ കലയായോ ആവിഷ്കാര സ്വാതന്ത്രമായോ മാത്രമെ കണ്ടുള്ളൂ. പക്ഷെ ഇവിടെ ചിത്രകാരന്‍ വിശ്വാസികളുടെ ചിന്തകളെയും മനസിനെയും മുറിവേല്‍പ്പിക്കുകയോ അപമാനിക്കുകയോ ആണ് ചെയ്തിരിക്കുന്നത്. നാം ഒരു മതത്തിലോ ദൈവത്തിലോ വിശ്വസിക്കണം എന്നില്ല.. വന്ദിക്കണം എന്നുമില്ല.. പക്ഷെ നിന്ദിക്കാനുമുള്ള അധികാരം നമ്മളില്‍ ഇല്ല.."
"സെക്ഷന്‍ 14 വെക്തിസ്വാതന്ത്ര്യം വിശദമാക്കുന്നുണ്ട്.. ഏത് മതത്തില്‍ വിശ്വസിക്കണം എങ്ങനെ ജീവിക്കണം എന്ന്.. പക്ഷെ അതൊരിക്കലും മറ്റൊരുവന്‍റെ വിശ്വാസത്തിന്‍റെ നെഞ്ചത്ത് കുമ്മാട്ടികളി നടത്തികൊണ്ടാവരുത്.. അങ്ങനെയെങ്കില്‍ വകുപ്പ് വേറെയാവും."

ഇനി അദ്ദേഹത്തിന്‍റെ പോസ്റ്റ് അങ്ങനെ തന്നെ ഒരു പുസ്തകമാക്കി ഇന്ത്യയില്‍ ഇറക്കട്ടെ.. എന്ത് സംഭവിക്കും എന്ന് കാണാമല്ലോ.. അപ്പോള്‍ എത്രപേര്‍ പരസ്യമായി അതിനെ അനുകൂലിക്കും എന്നുകാണാമല്ലോ..? ഇനി ഈ കുറ്റത്തിന് ചിത്രകാരനെ തൂക്കികൊല്ലുകയോന്നുമില്ല. കാരണം തൂക്കികൊല്ലണ്ട കുറ്റമായിട്ട് ഇതു ഐ.റ്റി.നിയമത്തില്‍ ഇതുവരുന്നില്ല..
അതേപോലെ ബ്ലോഗില്‍ എന്തെഴുതണം എന്ന് തീരുമാനിക്കേണ്ടത് സ്വയമാണ്. അതില്‍ പോലീസ്,നിയമനിയന്ത്രണം ശരിയാണെന്ന് എനിക്കഭിപ്രായമില്ല.. പക്ഷെ വല്ലവന്‍റെയും വസ്തുവില്‍ ഒരു ടെന്റ് കെട്ടി അതില്‍ ഇരുന്നു റോഡിലൂടെ പോകുന്നവനെ തെറിവിളിച്ചാല്‍ അവസാനം ടെന്റ് കെട്ടാന്‍ സ്ഥലം തന്നവന്‍ ഇറക്കിവിടാല്‍ എന്തുചെയ്യും.?
ബ്ലോഗില്‍ സാഹിത്യമേ പാടുള്ളൂ എന്നോ രതിയെക്കുറിച്ച് എഴുതരുതെന്നോ എനിക്കഭിപ്രായമില്ല.. കാരണം അതും ജീവിതത്തിന്‍റെ ഭാഗം തന്നെ.പക്ഷെ വിശ്വാസവും മതവും ആയി ബന്ധപ്പെട്ട് എഴുതുപോള്‍ അല്പം സംയമനം പാലിക്കണം.. പണ്ടു സല്‍മാന്‍ റുഷ്ദി ജീവഭയത്താല്‍ ലണ്ടനില്‍ അഭയം തേടിയതും ഇതെപോലെയൊരു ചിന്തയുടെ ഭാഗമായിരുന്നു.
ചിത്രകാരന്‍റെ ബ്ലോഗുകളില്‍ മിക്കപ്പോഴും അസഭ്യം കലര്‍ന്ന വാചകങ്ങള്‍ ഉണ്ടെങ്കിലും സാമൂഹിക വിമര്‍ശനം നടത്തുന്നതും തിന്മകളെയും ചൂണ്ടിക്കാണിക്കാന്‍ മടിക്കാത്ത ഒരു സാമൂഹ്യ പ്രതിബദ്ധതയുള്ള ഒരു പൗരന്‍റെ കടമകളും പ്രതിഫലിക്കുന്നവയാണ്. അതേപോലെ മികച്ച ഒട്ടേറെ പോസ്റ്റുകളും അദ്ദേഹത്തിന്‍റെതായുണ്ട്.
പക്ഷെ മഹാവിഷ്ണുവിന്‍റെ മോഹിനിഅവതാരം കാരണം കുണ്ടന്‍ ദൈവമെന്നു വിളിച്ച ചിത്രകാരന്‍ വിഷ്ണുവിന് ലിംഗം ആണോ അതോ യോനിയാണോ എന്നും ചോദിച്ചിരിക്കുന്നു. അവതാരങ്ങളെ വിശദീകരിക്കാന്‍ ഞാന്‍ ആളല്ല നമ്മുടെ കൂടെതന്നയുള്ള മനുഷ്യവിദൂഷകന്‍ അതിനെപ്പറ്റി പോസ്റ്റ് ഇടുമെന്ന് പറഞ്ഞിട്ടുണ്ട്. പക്ഷെ ഒരു ദൈവം എന്നത് വിശ്വാസികളുടെ ഏറ്റവും വലിയ ഭാഗമാണ്.. അതിനെ ഇത്ര നിന്ദ്യമായി കാണാന്‍ ചിത്രകാരന് എങ്ങനെ കഴിയുന്നു എന്നത് മനസ്സിലാവുന്നില്ല.
ബ്ലോഗിങ്ങിന്‍റെ ലോകത്തേക്ക് വരുന്ന പുതുമുഖങ്ങള്‍ ഇത്തരം പരിപാടികള്‍ കാണിച്ചാല്‍ അതിനെ വായനക്കാരെ കൂട്ടാനുള്ള കുതന്ത്രമായി കരുതാം.പക്ഷെ ചിത്രകാരനെപ്പോലെ വായനക്കാരുള്ള ബ്ലോഗര്‍ക്ക് അതിന്‍റെ ആവശ്യമില്ല..അപ്പോള്‍ മനപ്പൂര്‍വം വിശ്വാസികളുടെ മനസ്സുമുറിപ്പെടുത്താന്‍ മാത്രമല്ല ഇത്രയും ഹീനമായ ഒരു പ്രവര്‍ത്തിയിലൂടെ സവര്‍ണ്ണ വിശ്വാസികളെ ദുഖിപ്പിക്കുക എന്നതാണെങ്കില്‍ സരസ്വതിയുടെ മുലയുടെ വലിപ്പം തിരക്കിയ ബ്ലോഗ് വായിച്ചു സ്വബോധമുള്ള ഒരു മനുഷ്യനും (എതുജാതിയിലോ മതത്തിലോപെട്ടവനാകട്ടെ) സന്തോഷിക്കില്ല.. പകരം ഇതെഴുതിയ ബ്ലോഗറുടെ മാനസികാവസ്ഥയില്‍ ആശങ്കപ്പെടുകയെ ഉള്ളൂ.
ഇനി ഹിന്ദു ദൈവങ്ങളുടെ തുണിയുരിഞ്ഞു വിശ്വാസം കാണണം എന്നുള്ള ചിത്രകാരന്‍ നാളെ അമ്മയുടെ സ്നേഹം കാണാന്‍ തുണിയുരിഞ്ഞു നോക്കുമോ എന്നൊരു സംശയമുണ്ട്‌..?

ഇനി കാലികമായ മാറ്റം കാണണമെന്ന വാശിയില്‍ സ്വന്തം വല്ല്യപ്പൂപ്പനെ മുടി കളര്‍അടിപ്പിച്ചു ജീന്‍സും ടീഷര്‍ട്ടും ഇടീച്ചു റീബോക്ക് ഷൂവുംഇടീച്ചു അടിച്ചുപൊളിക്കാന്‍ വിടുമോ..?
ആശയങ്ങള്‍ കൈമാറ്റം ചെയ്യാന്‍ ബ്ലോഗ് ഉപയോഗിക്കുമ്പോള്‍ തീര്‍ച്ചയായും അല്പം അസഭ്യമായതോ അശ്ലീലമോ ദേഷ്യമോ വന്നെന്നു വരാം..
പക്ഷെ അത് ഒരാളെയോ വിശ്വാസത്തെയോ താറടിക്കാന്‍ മഞ്ഞപത്രത്തിന്‍റെ നിലവാരത്തെക്കളും തരം താഴരുത്..

Sunday, January 25, 2009

30. Top 10 മലയാളം ബ്ലോഗുകള്‍

കൂതറ അവലോകനം പ്രഖ്യാപിത ലക്ഷ്യങ്ങളില്‍പെട്ട അവലോകനം നടത്തി മികച്ച പത്തു ബ്ലോഗുകള്‍ തെരഞ്ഞെടുത്തിരിക്കുകയാണ്. ഇതില്‍ മികച്ച പത്ത് ബ്ലോഗുകള്‍ എന്നേയുള്ളു.. അല്ലാതെ റാങ്കിംഗ് ഇല്ല. ഒന്നാം നമ്പര്‍ രണ്ടിനെക്കള്‍ മികച്ചത് എന്നല്ല ഇവിടുത്തെ രീതി. എല്ലാം ഒന്നിനോന്നുമെച്ചം.

നിങ്ങളുടെ അഭിപ്രായം (നിനക്കു എങ്ങനെ ധൈര്യം കിട്ടിയെന്നോ ആര് അനുവാദം തന്നെന്നോ മാത്രം ചോദിക്കരുത്) തുറന്നെഴുതുക.

(+) നേട്ടങ്ങള്‍
(-) കോട്ടങ്ങള്‍


1)ബ്ലോഗ് ഹെല്‍പ്‌ലൈന്‍
ബ്ലോഗില്‍ വഴികാട്ടികളായി ഉള്ള മട്ടുബ്ലോഗുകളെ വിസ്മരിച്ചുകൊണ്ടല്ല ഇതിനെ തെരഞ്ഞെടുത്തത്. മറിച്ചു തുടക്കകാരനെന്നതുപോലെ എഴുതിതെളിഞ്ഞവര്‍ക്കും ഗുണപ്രദമായ ബ്ലോഗ്.

(+) മനോഹരമായ അവതരണം
(-) പ്രത്യേകിച്ച് ഒന്നുമില്ല

2) കൊടകരപുരാണം
ബ്ലോഗിലെ ഏറ്റവും പ്രശസ്തമായ പേരുള്ളത് കൊണ്ടല്ല ടോപ്പ് 10 ബ്ലോഗില്‍ ഇടം പിടിച്ചത്. മനോഹരമായ നിലവാരമുള്ള നര്‍മ്മം കൈകാര്യം ചെയ്ത ബ്ലോഗും ബ്ലോഗറും എന്നുള്ളതുതന്നെ. പക്ഷെ നര്‍മ്മം അല്ലാതെ മറ്റൊന്നും വഴങ്ങില്ലായെന്നു വായനക്കാര്‍ക്ക് തോന്നാതിരിക്കാന്‍ ബ്ലോഗര്‍ക്ക് കഴിഞ്ഞില്ല.

(+) നിലവാരമുള്ള നര്‍മ്മം
(-) നര്‍മ്മമെന്ന ട്രെന്‍ഡില്‍ ഒതുങ്ങി പോയി.

3) ഗുരുകുലം (ഉമേഷ്)
വളരെ ഭംഗിയായി എഴുതിയിരിക്കുന്ന ഒരു ബ്ലോഗ്. പലപ്പോഴും ഒരു വിക്കിപീടിയെ അനുസ്മരിക്കുന്ന ബ്ലോഗ്. ബ്ലോഗ് എഴുത്തില്‍ ഓരോ വര്‍ഷവും നിലവാരം കൂടുന്നതിന്‍റെ പ്രത്യേകതയും ഉണ്ട്.
(+)പലവിഷയങ്ങള്‍ എഴുതിയിരിക്കുന്നു.
(-) പ്രത്യേകിച്ച് ഒന്നുമില്ല.

4) മെഡിസിന്‍ അറ്റ് ബൂലോകം
മനോഹരമായ ഒരു ബ്ലോഗ്. സത്യത്തില്‍ ഒരു കാര്യം പറയുമ്പോള്‍ തെളിവുകളോടെ പറയുന്ന ശൈലി. കേവലാരോപണത്തില്‍ ഒതുങ്ങാതെ തെളിവ് സഹിതം വിശദീകരിക്കുന്നു.

(+) വിശദമായ എഴുത്ത്.
(-) പോസ്റ്റുകളുടെ എണ്ണം താരതമ്യേന കുറവ്

5) കിരണ്‍സ്
വളരെ മനോഹരമായി ഗാനങ്ങള്‍ ആലാപിക്കാനുള്ള കഴിവ് പോഡ്കാസ്റ്റ് ചെയ്തിരിക്കുന്നു. പൊടിപ്പും തൊങ്ങലും എച്ചുകെട്ടലും ഇല്ലാത്ത മനോഹരമായ പാട്ടുകള്‍..
(+) ശ്രവണസുന്ദരമായ പാട്ടുകള്‍
(-) ഒന്നുമില്ല

6) ബെര്‍ളിത്തരങ്ങള്‍
ഏറ്റവും ഫോര്‍വേഡ് ചെയ്യപ്പെടുന്ന പോസ്റ്റുകള്‍ ഇദ്ദേഹത്തിന്‍റെ ആയിരിക്കും. ചിലതൊക്കെ നര്‍മ്മത്തിന്‍റെ മികവുറ്റതായിരിക്കും. വര്‍ഷങ്ങള്‍ കഴിയുന്നോരം പോസ്റ്റുകളും കൂടുന്നു. നടന്‍ ഏത് ഭാവവും നാട്യ കലയും അറിഞ്ഞിരിക്കണം എന്നുപറയുന്നതുപോലെ ലോകത്തിന്‍റെ കീഴിലെ എന്തിനെപറ്റിയും എഴുതാനുള്ള കഴിവ്. ഒരു പ്രത്യേക ട്രെന്‍ഡില്‍ ഒതുങ്ങാത്ത ശൈലി.
(+) മികച്ച നര്‍മ്മം,കൂടുതല്‍ പോസ്റ്റുകള്‍
(-) ഇടയ്ക്കിടെ കൂതറ പോസ്റ്റുകള്‍

7) നട്ടപിരാന്തുകള്‍
പരസ്യമായി തുറന്നെഴുതിയാല്‍ അയ്യേ എന്ന് പറയുന്ന മലയാളിയുടെ സ്വഭാവത്തെ തുറന്നെഴുത്തിലൂടെ പരസ്യമാക്കുന്നതില്‍ സമര്‍ത്ഥന്‍.വളരെ മനോഹരമായ ശൈലി.ഒരു വിഷയത്തിലോ ശൈലിയിലോ ഒതുങ്ങാത്ത എഴുത്ത്.
വിമര്‍ശനങ്ങളെ സംയമനത്തോടെ നേരിടുന്ന പ്രകൃതവും ബ്ലോഗറെ വേറിട്ട്‌ നിര്‍ത്തുന്നു.

(+) നല്ല അവതരണരീതി
(-) പോസ്റ്റുകള്‍ കുറവ്

8) ചിത്രകാരന്‍
കാര്യങ്ങള്‍ വെട്ടിത്തുറന്നു പറയുന്ന എഴുത്ത്. സത്യത്തില്‍ ആരെയും സുഖിപ്പിക്കാനല്ലയെന്ന തുടക്കം തന്നെ നല്ലത്. വിശദമായ അവതരണവും ഒപ്പം ഏതുവിഷയവും കൈകാര്യം ചെയ്യുന്ന രീതി..

(+) മികച്ച ആശയങ്ങള്‍ കൈകാര്യം ചെയ്യുന്നു.
(-) ചിലപ്പോഴൊക്കെ അശ്ലീലം കൂടുന്നു.

9)നിരക്ഷരന്‍
രണ്ടു മനോഹരമായ ബ്ലോഗുകള്‍ ആണ് നിരക്ഷരനെ ഈ കൂട്ടത്തില്‍ എത്തിച്ചത്. നിരക്ഷരന്‍ എന്ന ബ്ലോഗിന് പുറമെ ചിലയാത്രകള്‍ എന്ന മനോഹരമായ യാത്രാവിവരണവും മനോഹരം തന്നെ.. അതിഭാവുകത്വം ഇല്ലാതെ മനോഹരമായി കാര്യങ്ങള്‍ പറയുന്ന രീതി. മനോഹരമായ ചിത്രങ്ങളുടെ പിന്‍ബലവും ആവുമ്പോള്‍ യാത്രാവിവരണവും മികവുറ്റതാവും.
(+) മനോഹരമായ അവതരണം
(-) പ്രത്യേകിച്ച് ഒന്നുമില്ല.

10)ബൂലോഗ കാരുണ്യം
സാഹിത്യം മാത്രമല്ല ജീവകാരുണ്യം കൂടി അതിന്‍റെഭാഗം എന്ന് വിശ്വസിക്കുന്ന മനുഷ്യസ്നേഹികളുടെ നല്ലൊരു സംരംഭം.കൂടുതല്‍ ആളുകള്‍ ഒന്നിക്കേണ്ട മനോഹരമായ ഒരു ശ്രമം.
(+) നല്ലൊരു ചിന്തയുടെ ആവിഷ്കാരം
(-) ബ്ലോഗിന്‍റെ വളര്‍ച്ചയുടെ മന്ദഗതി

പ്രത്യേക പരാമര്‍ശം
1) അനില്‍ശ്രീയുടെ ജൈവീകം
2) ഇടിവാള്‍
3) ചാണക്യസൂത്രങ്ങള്‍

പ്രത്യേക (അ) വാര്‍ഡ്‌ "കിട്ടേണ്ട"ബ്ലോഗര്‍.

ഒരു നടയില്‍ പോകില്ലായെന്ന് പറയുന്നതുപോലെ ഈ പോസ്റ്റില്‍ തീരില്ല.പോസ്റ്റ് No.28 കാണുക

(ഇതില്‍ ലിങ്ക് കൊടുക്കാന്‍ ഞാന്‍ അത്ര കൂതറ അല്ല..)

Thursday, January 22, 2009

29.ഇസ്രായേലിനെയും പാലസ്തീനെയും എന്ത് ചെയ്യണം..?

വളരെ നാളായി നടന്നുവരുന്ന ഒരു പ്രശ്നത്തെ എന്‍റെ കണ്ണിലൂടെ കാണാന്‍ ശ്രമിക്കുന്നു. ഇതിന് മുമ്പ് പലരും എഴുതിയ പോസ്റ്റുകളില്‍ മിക്ക ബ്ലോഗിലെ ദിഗ്ഗജങ്ങളും തങ്ങളുടെ ആഗാധമായ അവഗാഹങ്ങളും വിളമ്പിയതിനാല്‍ അതല്ല എന്‍റെ ലക്ഷ്യം. സാധാരണക്കാരനായ ഒരു മനുഷ്യന്‍ ഒരു മതത്തോടും പ്രത്യേക പ്രതിപത്തി കാട്ടാതെ വര്‍ഗീയനാവാതെ ഇതിന് കാണാന്‍ ശ്രമിക്കുന്നു എന്ന് മാത്രം.

രണ്ടു കൈകളും കൊട്ടിയെ ശബ്ദമുണ്ടാക്കാന്‍ ആവൂ എന്ന് വിശ്വസിക്കുന്ന ഞാന്‍ രണ്ടുപേരെയും നിരപരാധികള്‍ ആയി കാണുന്നില്ല.. രണ്ടുപേര്‍ക്കും അവരവരുടെ ന്യായങ്ങളും പരാതികളും പ്രശ്നങ്ങളും ഉണ്ട്.

രണ്ടുപേരുടെയും പ്രശ്നങ്ങളെ ഒന്ന്‍ കാണാന്‍ ശ്രമിക്കട്ടെ.. ഒന്നു മാത്രം വായിച്ചു വിലയിരുത്തരുത്‌ എന്നപേക്ഷ..

ഭൂതകാലത്തിന്‍റെ വിഴുപ്പലക്കാനോ ആ ശവക്കൊട്ടയിലെ പ്രേതങ്ങളുടെ കഥകെള്‍ക്കാനോ അല്ല മറിച്ചു സാമ്പത്തിക മാന്ദ്യത്തില്‍ അടുത്തത് എന്തെന്ന് ആലോചിക്കുന്ന സാധാരണ ഒരു ലോകപൌരന്‍ എങ്ങനെ ചിന്തിക്കുന്നു എന്നതാണ് എന്‍റെ പോസ്റ്റിന്‍റെ രീതി. കാരണം സമാധാനം ആഗ്രഹിക്കുന്ന ക്ഷേമം ആഗ്രഹിക്കുന്ന ഒരാള്‍.

ഇസ്രയേല്‍.

തങ്ങളുടെ ബുദ്ധിയില്‍ വളരെ വിശ്വാസമുള്ള ഒരുകൂട്ടം. പ്രതികരിച്ചാല്‍ പ്രതികരിക്കുന്നവരുടെ കുലം വരെ ചുട്ടെരിക്കണം എന്ന പിടിവാശി. പക്ഷെ മൂന്നുവര്‍ഷത്തില്‍ ആറായിരം റോക്കെറ്റ്‌ വിട്ട പാലസ്തീനികളെ വെറുതെ വിടില്ല എന്ന വാശി. കാരണം ആയിരക്കണക്കിന് ജൂതന്മാരുടെ മരണം ചാവേര്‍ ആക്രമണത്തിലും റോക്കെറ്റ്‌ ആക്രമണത്തിലും സംഭവിച്ചു കഴിഞ്ഞു .. അതുകൊണ്ട് പാലസ്തീനികളെ പാഠം പഠിപ്പിക്കണം എന്നാണു തീരുമാനം.

ഇനി പാലസ്തീനി.

ജീവിക്കാന്‍ മാര്‍ഗമില്ലാത്ത തങ്ങളുടെ ഭൂമിയില്‍ അഭയമില്ലാതെ കഴിയുന്നവര്‍.. പലസ്തീന്‍ എന്നാല്‍ ഹാമാസ് അല്ലെന്നു ലോകത്തെ വിശ്വസിപ്പിക്കാന്‍ കഴിയാഞ്ഞ പാവങ്ങള്‍. ജനസാന്ദ്രതയുള്ള ഗാസയില്‍ പട്ടിണിപാവങ്ങള്‍ ആയി കഴിയുന്നവര്‍.. വിദ്യുത്ശക്തി,വെള്ളം തുടങ്ങിയ അടിസ്ഥാന ആവശ്യങ്ങള്‍ പോലും നിരാകരിക്കപ്പെട്ടവര്‍. ആശുപത്രിയെ പറ്റി പറഞ്ഞാല്‍ ആകെയുള്ള (ഗാസയിലെ) അമ്പത്തിമൂന്നു ആംബുലന്‍സില്‍ പ്രവര്‍ത്തനക്ഷമമായത് ഇരുപത്തിഒന്ന്. അവശ്യ മരുന്നുപോലും ഇല്ലാത്ത ജനത..

ഇനിയാണ് യഥാര്‍ത്ഥവീരന്മാര്‍.

ഹമാസ്.

തങ്ങള്‍ക്കറിയാവുന്ന രീതിയാണ് ആക്രമണം..അതുകൊണ്ട് തന്നെ അതിനെ തെരഞ്ഞെടുത്ത സമൂഹം.
ലോകത്ത് ജൂതന്‍ എന്നുവരെ ജീവിക്കണം എന്ന് തങ്ങള്‍ തീരുമാനിക്കുമെന്ന സിദ്ധാന്തം.ഹമാസിന്‍റെ തത്വസംഹിതയുടെ ആദ്യം പറയുന്ന വസ്തുത "ഇസ്രയേല്‍ നിലനില്‍ക്കും അവരുടെ നിലനില്‍പ്പ്‌ തുടരുകയും ചെയ്യും മുസല്‍മാന്‍മാര്‍ തീരുമാനിക്കുന്നത് വരെ .."

"ജിഹാദ് അല്ലാതെ പാലസ്തീന്‍-ഇസ്രയേല്‍ പ്രശ്നത്തിന് ഒരു പരിഹാരവുമില്ല. സമവായവും ചര്‍ച്ചകളും സമയം പാഴാക്കാന്‍ കൊള്ളാം.= ആര്‍ട്ടിക്കിള്‍ പതിമൂന്ന്"


"ജ്യൂതന്മാരുടെ അന്ത്യവിധിയെന്നത് മുസ്ലിങ്ങള്‍ അവരെ കൊല്ലുന്നത് വരെമാത്രം.. - ആര്‍ട്ടിക്കിള്‍ ഏഴ്"


പക്ഷെ സ്ത്രീകളെയും കുട്ടികളെയും ഷീല്‍ഡ് ആയി ഉപയോഗിക്കുന്ന അവരുടെ രീതിയും നിന്ദ്യം. ഗാസയില്‍ കഴിയുന്ന ഹമാസ് നേതാക്കളും സിറിയയിലും ലെബനോനിലും ഇരിക്കുന്ന നേതാക്കളും രണ്ടു ചിന്താഗതിക്കാര്‍ ആണ്.

സമാധാനം ആഗ്രഹിക്കുന്ന ഗാസയിലെ നേതാക്കാന്‍മാരുടെ ചിന്തകളല്ല ചില അറബ് രാജ്യങ്ങളുടെകളിപ്പാവകള്‍ ആയ വിദേശവാസികളായ ഹമാസ് നേതാക്കന്മാരുടെ.
അതുകൊണ്ട് തന്നെ വെടിനിര്‍ത്തല്‍ ആഗ്രഹിക്കുന്ന ഗാസയിലെ ഹമാസ് നേതാക്കന്മാര്‍ പക്ഷെ ഇത്തരം വിദേശവാസികള്‍ ആയ ഹമാസ് നേതാക്കന്മാരുടെ മുമ്പില്‍ ഒന്നും ചെയ്യാനാവാതെ നില്ക്കുന്നു.

ഫലം പാവം സ്ത്രീകളുടെയും കുട്ടികളുടെയും മരണം.
ചില അറബ് രാജ്യങ്ങള്‍ പാലസ്തീനിലെ ഹാമസിനെ ഉപയോഗിച്ചു ഇസ്രായേലിനു എതിരായി നിഴല്‍ യുദ്ധം നടത്തുകയാണ്. പക്ഷെ മരിക്കുന്നത് പാവം പാലസ്തീനികളും.
പാലസ്തീനില്‍ പത്തില്‍ താഴെ ഹിന്ദുക്കളും ക്രിസ്ത്യാനികളും ഉണ്ട്. വെസ്റ്റ് ബാങ്കിലേയും ഗാസയിലേയും ഞങ്ങള്‍ സമാധാനത്തിനായി കേഴുന്നവര്‍ തന്നെ..

ഇന്ത്യാക്കാരോട് എങ്ങനെ പലസ്തീനികള്‍ പെരുമാറുന്നു എന്ന് കണ്ടിട്ട് അവരെ കുറ്റം പറയുന്നതു കഷ്ടം ആണ്.. കുവൈറ്റിലെ നാഷണല്‍ കരാഫിയിലെ ഡി.എം.(സ്പോണ്‍സര്‍/ഉടമ കുവൈറ്റി ആകണം എന്നുള്ളതിനാല്‍ ഇദ്ദേഹം ഡി.എം. മാത്രമാണ്.) പാലസ്തീനിയാണ്. അവിടെ ജോലിചെയ്യുന്നത് ആയിരക്കണക്കിന് ഇന്ത്യാക്കാരും..
അതുകൊണ്ട് ഇനിയും കൂടുതല്‍ നിരപരാധികളെ കൊല്ലുന്നതിനേക്കാള്‍ നല്ലത് ഇരുകൂട്ടരും സമാധാനമായി ജീവിക്കുന്നതാണ് നല്ലത്..

ഇനി ചര്‍ച്ച നിങ്ങള്‍ക്കായി വിടുന്നു.

Wednesday, January 21, 2009

28.ഗള്‍ഫിലെ സാംസ്കാരിക നെടുംതൂണ്‍.

കൂതറ അവലോകനത്തിന്‍റെ പ്രഖ്യാപിത,സ്ഥാപിത ലക്ഷ്യങ്ങളില്‍ പ്രധാനമാണ് ബ്ലോഗ്/സാഹിത്യ അവലോകനം. അവലോകനം നടത്തുവാനുള്ള അവകാശത്തെപറ്റി പറഞ്ഞാല്‍ എല്ലാ നിരൂപകരും ചന്ദ്രനില്‍ ചായക്കട നടത്തേണ്ടി വരും.

തുടക്കകാരനെ വിമര്‍ശിക്കാതെ അല്പം വലിയ വടവൃക്ഷത്തെ
തന്നെ നിരൂപണം നടത്തുവാനുള്ള കാരണം വളരെയേറെ കൃതികള്‍ തന്ന ഒരാള്‍ എന്ന നിലയ്ക്കാണ്.

ഇദ്ദേഹത്തിന്‍റെ പേരു പറയാതെ തന്നെ നിരൂപണം നടത്താനാണ് ശ്രമം.ഒരു വിപരീത പ്രശ്നോത്തരിയുടെ രീതിയാണിവിടെ അവലംബിക്കുന്നത്.വായനക്കാര്‍ക്ക് ആളെ പിടികിട്ടിയാല്‍ ഞാന്‍ വിജയിച്ചു എന്നര്‍ത്ഥം.

ആധുനിക,പുരാതന കവിത്രയങ്ങളെ പോലെ അത്യന്താധുനിക കവിത്രയങ്ങള്‍ ആരും ഇല്ലാത്തതിനാലും ഒറ്റയ്ക്ക് രാവണനെ പോലെ സമൂഹഗാനം പാടാന്‍ ശേഷിയുള്ളവന്‍ എന്നതിനാലും മൂന്നുപേര്‍ക്ക്‌ തുല്യനായ കവി എന്നതിനാലും ഇദ്ദേഹം അത്യന്താധുനിക കവിത്രയം എന്ന വാക്കിനു തീര്‍ത്തും അനുയോജ്യന്‍ തന്നെ. വ്യക്തിഹത്യ അല്ല ലക്ഷ്യം എന്ന് ആദ്യം തന്നെ പറഞ്ഞുകൊള്ളട്ടെ..

ഒരു ചെറിയ ഗള്‍ഫ് രാജ്യത്ത് വസിക്കുന്ന ഇദ്ദേഹം ആ നാട്ടിലെ മലയാളി ജേര്‍ണലിസ്റ്റ് കൂട്ടായ്മകളില്‍ മാത്രമല്ല കൂട്ടം, കഥ, കവിത,സാം സ്കാരിക, സാങ്കേതിക, മേഖലകളില്‍ മാത്രമല്ല ഓണ്‍ലൈന്‍ പ്രസാധന രംഗത്തും തന്‍റെ വ്യക്തിമുദ്ര പതിച്ചു കഴിഞ്ഞു.

അതേപോലെ ഇദ്ദേഹത്തെ ഗള്‍ഫിലെ സുകുമാര്‍ അഴീക്കോട്‌ എന്ന് പോലും സാദൃശ്യപ്പെടുത്തുണ്ട്. എന്നാല്‍ ഒരു വന്‍ വൃക്ഷമായ ഇദ്ദേഹം അതിലുമെത്രയോ ഉയരത്താണ്. നക്ഷത്രങ്ങളുടെ പേരുള്ള ഇദ്ദേഹത്തിന്‍റെ കവിതകളുടെ ബ്ലോഗില്‍ പോയാല്‍ ആ പ്രതിഭയുടെ പ്രസരിപ്പും തേജസ്സും കാണാം. ഇങ്ങനെ ഒരു കവി ഗള്‍ഫില്‍ കിടന്നാല്‍ സര്‍ഗ്ഗശേഷി നശിച്ചാല്‍ മലയാളത്തിനല്ലേ അതിന്‍റെ നഷ്ടം.

ഞാന്‍ ആദ്യം കണ്ട ഇദ്ദേഹത്തിന്‍റെ ചിത്രം - ഫോട്ടോ - പ്രുഷ്ടത്തില്‍ ആലും ആലിന്‍റെ ഇലകള്‍ താഴെ കിടക്കുന്നതുമായ ഒന്നാണ്.. ഇദ്ദേഹത്തിന്‍റെ പ്രുഷ്ടത്തില്‍ കിളിര്‍ക്കേണ്ടി വന്നതിന്‍റെ പാപഭാരത്താല്‍ അത് പോഴിഞ്ഞതല്ലേ എന്നൊരു സംശയം ഉണ്ട്. മഹാമേരുവായ ഇയാളുടെ പ്രുഷ്ടത്തില്‍ ആല്‍മരം മതിയോ എന്നും സംശയമില്ലാതില്ല. ലോകത്തിലെ ഏറ്റവും വിലിയ കാറ്റാടി മരങ്ങളായ "സെക്യാ" ആവും ഭേദം എന്ന് തോന്നുന്നു.

എന്നും ചിന്ത ഡോട്ട് കോമില്‍ വിളയാടി നില്ക്കുന്ന ഇദ്ദേഹം അവിടെ ഏറ്റവും വലിയ വാര്‍ത്ത പ്രക്ഷേപണ കേന്ദ്രമാണെന്ന് മനസ്സിലായി.. ഒപ്പം ബ്ലോഗിലൂടെ ഇങ്ങനെ ഒരു ലക്ഷ്യം കൈവരിക്കുക എന്ന മഹനീയ കൃത്യം നടത്തിയിരിക്കുന്നു.ഇടയ്ക്കെയ്ക്കെപ്പോഴോ ഫോട്ടോഫുനിയ വഴി ഗുരുദക്ഷിണ നടത്തിയ മാന്യവ്യക്തി ഗള്‍ഫ് മലയാളികളുടെ സാംസ്കാരിക പൈതൃകം കാത്തുസൂക്ഷിക്കുന്നതില്‍ സുപ്രധാന പങ്കു വഹിച്ചിരിക്കുന്നു..

പൂരങ്ങളുടെ നാടായ നമ്മുടെ സാംസ്കാരിക തലസ്ഥാനത്ത് നിന്നും ഗള്‍ഫിലെത്തിയ ഇദ്ദേഹത്തിന്‍റെ പേരു മലയാള സാഹിത്യത്തില്‍ ഒരു സുവര്‍ണലിപികളില്‍ കൊത്തപ്പെടും എന്നുള്ളതില്‍ സംശയം ഇല്ല..

എന്തൊരു പണ്ടാരം എഴുത്താടോ മനുഷ്യ..

Monday, January 19, 2009

27.ബ്ലോഗിലെ കൃമികളും പുലികളും

(ആദ്യം തന്നെ ഇങ്ങനെ ഒരാശയം കമന്റിലൂടെ നല്കിയ അനില്‍@ബ്ലോഗിന് നന്ദി പറയുന്നു. ഈ പോസ്റ്റ് ഹിറ്റ് ആയാല്‍ അതിന്‍റെ ക്രെഡിറ്റ് താങ്കള്‍ക്കെടുക്കാം മറിച്ചു സംഭവിച്ചാല്‍ എന്‍റെ എഴുത്തിന്‍റെ ശക്തിയില്ലായ്മ തന്നെ.. )

മലയാള ബ്ലോഗ് തുടക്കം കുറിച്ചിട്ട് ഒരു ദശാബ്ദത്തില്‍ താഴെ മാത്രമെ ആയുള്ളൂ.വിവിധഫോണ്ടുകളും യൂണിഫോണ്ട് യുദ്ധവും കഴിഞ്ഞു യൂണിഫോണ്ടിലേക്ക് ചുവടു മാറിയ മലയാളം ബ്ലോഗ് ബാലാരിഷ്ടതകള്‍ പിന്നിട്ടു വരുന്നതേയുള്ളൂ.മിക്കവാറും വേര്‍ഡ്പ്രസിന്‍റെയോ ബ്ലോഗറുടെയോ സൗജന്യം സ്വീകരിച്ചു തങ്ങളുടെ ആശയവിനിമയവേദിയായി കാണുന്നുവെന്നാണ് സത്യം. അപ്പോള്‍ ഏവരും സമന്മാര്‍ എന്നുകരുതുന്ന ഞാന്‍ എനിക്ക് അനുഭവപ്പെട്ട ചിലത് ഇവിടെ എഴുതുന്നു.

ബൂലോഗം അധോലോകം,ഭൂലോകം,പരലോകം എന്നതുപോലെ വലയിലെ ലോകമാണെന്നും അവിടെ പുലികള്‍ ഉണ്ടെന്നതും ഏവര്‍ക്കും അറിയാം.എന്നാല്‍ വേറെയും ജീവികള്‍ ഇവിടെ ഉണ്ടത്രേ.അവരെയും പരിചയപ്പെട്ടില്ലെങ്കില്‍ കാഴ്ചബംഗ്ലാവില്‍ ഒരു മൃഗത്തെ മാത്രം കണ്ടിട്ട് പോരുന്നതിനു തുല്യമാവും.

ബ്ലോഗ് അടുത്തിടെ മാത്രം തുടങ്ങിയവരും (ഒന്നോ രണ്ടോ മാസം) ആകെ ഹിറ്റുകള്‍ ആയിരത്തില്‍ കുറവ് മാത്രം കിട്ടിയവരും കൃമികള്‍ പോലും അല്ല വെറും അമീബ മാത്രം. അവര്‍ക്ക് ബൂലോഗത്ത് അവകാശങ്ങളോ അഭിപ്രായസ്വാതന്ത്ര്യമോ ഇല്ല.. പുലികള്‍ ചവച്ചു തള്ളിയത് ശാപ്പിട്ടു മിണ്ടാതെ ഏമ്പക്കമോ അധോവായുവോ വിട്ടുമിണ്ടാതെ നിന്നോണം. അഥവാ പുലിഅണ്ണന്‍ റാഗിംഗ് നടത്തിയാലും മിണ്ടാന്‍ അവകാശമില്ല.

അടുത്തത് കൃമികള്‍.. മൂന്നുമാസം ഒക്കെ കഴിഞ്ഞു ആയിരത്തിനു മേല്‍ ഹിറ്റ് കിട്ടിയവര്‍.. ഇവരാണ് കൃമികള്‍.അല്പം ഭേദം എന്ന് പറയാമെങ്കിലും വേണമെങ്കില്‍ തങ്ങളുടെ ദേഷ്യം അമീബകളോട് തീര്‍ത്തോ.. പക്ഷെ തരക്കാരില്‍ വരെ അഭിപ്രായ സ്വാതന്ത്ര്യം ഉണ്ടെങ്കിലും പുലിഅണ്ണന്‍ തന്നെ ഇവിടെയും കേമന്‍.

അതുകഴിഞ്ഞ് കീടം. എലി.പൂച്ച. പിന്നെ പട്ടി. അങ്ങനെ ചാള്‍സ് ഡാര്‍വിന്‍ കണ്ടെത്തിയ പരിണാമസിദ്ധാന്തം മുഴുവന്‍ ഇവിടെയുണ്ട്. ഈ ബൂലോഗ പരിണാമസിദ്ധാന്തം അംഗീകരിച്ചില്ലെങ്കില്‍ തെറിവിളിഅഭിഷേകം.ഇടയ്ക്ക് ചില വേര്‍ഡ്പ്രസ് സിംഹങ്ങള്‍ (മലയാളികള്‍ പൊതുവെ ബ്ലോഗ്ഗര്‍ ആണ് ഉപയോഗിക്കുന്നത്..

സ്വയം സിംഹം എന്ന് പ്രഖ്യാപിക്കുന്ന ഇവര്‍ മനുഷ്യര്‍ ആണെന്നത് മറന്നു സ്വയംമൃഗം ആണെന്ന് അംഗീകരിക്കുന്നതില്‍ ആനന്ദം കണ്ടെത്തുന്നു. എന്താ മൃഗവാസന അതോ മൃഗീയ വാസനയോ. ഇത്തരത്തില്‍ ഒരു മൃഗത്തെ ഇവിടെ ഞെക്കിയാല്‍ കാണാന്‍ കഴിയും)പക്ഷെ സിംഹം എന്ന് കരുതുന്ന ഇവരോട് ഒന്നു പറയാനുണ്ട്..

ഏതോ ഒരു ഹിന്ദി സിനിമയില്‍ പറഞ്ഞതുപോലെ ഇന്നു സിംഹത്തെ കൂടുതല്‍ സര്‍ക്കസിലോ മൃഗശാലയിലോ മാത്രമെ കാണാന്‍ സാധിക്കൂ. താരതമ്യേന നാമവശേശമായിക്കൊണ്ടിരിക്കുന്ന പ്രജാതിയാണ് അവ.. പക്ഷെ മൃഗമല്ലേ.. വിദ്യഭാസത്തിലൂടെ മൃഗീയവാസനകളും മൃഗചിന്തകളും വെടിയാതെ മനുഷ്യനാവാന്‍ കഴിഞ്ഞില്ലെങ്കില്‍ പിന്നെന്തിന് നിങ്ങള്‍ക്ക് വിദ്യാഭാസം.മൃഗമാണ്‌ പോലും...

ഇനി ഈ അവസ്ഥകള്‍ എല്ലാം തരണം ചെയ്തു പുലിയായാലോ അവിടെയും ഉണ്ട് വേര്‍തിരിവുകള്‍. ഹിന്ദു മതത്തെപറ്റി എഴുതിയാല്‍ അവന്‍ ഫാസിസ്റ്റ് പുലി. ഇസ്ലാം ചിന്താധാരയാണെങ്കില്‍ മുസ്ലിം പുലി. അല്ലെങ്കില്‍ ക്രിസ്തുമതക്കാരന്‍ ആണെങ്കില്‍ ക്രൈസ്തവ പുലി. ബ്രാഹ്മണന്‍റെ പേരാണെങ്കില്‍ അവന്‍ സവര്‍ണ്ണപുലി (ചാണക്യന്‍ ഈ ഗണത്തില്‍ പെടും) അഥവാ സവര്‍ണരെ അറിയാതെ വല്ലതും പറഞ്ഞു പോയാല്‍ അവന്‍ അവര്‍ണ്ണപുലി.. (ചിത്രകാരന്‍റെ ഗണം ഇതാണത്രേ.. പക്ഷെ സ്വയം മനുഷ്യന്‍ എന്ന് അംഗീകരിക്കുന്ന അദ്ദേഹത്തോട് ബഹുമാനം തോന്നുന്നു.. താന്‍ പുലിയും പട്ടിയുമല്ല വെറും മനുഷ്യന്‍ എന്ന അദ്ദേഹത്തിന്‍റെ ചിന്താഗതി ശ്ലാഘനീയം തന്നെ.)വേറെ

ചില പുലികളും ഉണ്ടേ..എന്നും ബ്ലോഗുന്ന സൂപ്പര്‍ പുലികള്‍ അഥവാ ഹൈപ്പര്‍ ആക്ടിവ് പുലികള്‍. ആരുടേയും പേരുപറയുന്നില്ല.. പിന്നെ പല്ലു പൊഴിഞ്ഞു ആക്ടിവ് അല്ലാത്ത ഹൈപോ ആക്ടിവ് പുലികള്‍..എഴുത്തിലെന്തിരിക്കുന്നു എന്ന് ചോദിക്കുന്ന ഇക്കൂട്ടര്‍ ആശയദാരിദ്ര്യമോ അല്ലെങ്കില്‍ ഇതുവരെ പടച്ചുക്കൂട്ടി നേടിയ പുലിപ്പട്ടം വെച്ചു വെട്ടയ്ക്കിറങ്ങിയവരോ ആണ്. ഇനി ഇവരെ പിടിക്കാന്‍ പുലിമേല്‍ ഏറിയ ഹരിഹരസുതന്‍ എപ്പോവരുമോ ആവോ..

പിന്നെ പെണ്ണെഴുത്തിലൂടെ പേരെടുത്ത മാളുപ്പുലി,ചില കരിമ്പുലികള്‍,ചെമ്പുലികള്‍,വരയന്‍പുലികള്‍,ചീറ്റപുലികള്‍ എന്‍റെ അമ്മേ.. എന്തോരം പുലികള്‍ ആണിവിടെ..
പക്ഷെ പ്രസ്തുത പുലികളോട് ഒന്നേ പറയാനുള്ളൂ.. മനുഷ്യരാവൂ. ആരുടേയും കൂലിവാങ്ങിയിട്ടല്ല പുതുമുഖങ്ങള്‍ എഴുതുന്നത്. കൂതറപറഞ്ഞതുപോലെ മുമ്പെ വന്നത് മാത്രമാവരുത് ബഹുമാനിക്കപെടാനുള്ള യോഗ്യത.. ആദിമാനവനും കുരങ്ങനും മുമ്പെ വന്നവരല്ലേ..

പിന്നെ ഈ ബൂലോഗ ഭൂമിയില്‍ പരസ്പരം സ്നേഹിച്ചു ഏവരും അങ്ങോട്ടും ഇങ്ങോട്ടും സൌഹാര്‍ദ്ദം പങ്കുവെച്ചു ആശയങ്ങള്‍ കൈമാറി സ്നേഹത്തോട് പോകുന്നതല്ലേ നല്ലത്..അല്ലാതെ ജന്മികളും കുടിയാന്മാരും ആയിട്ടുള്ള സംസ്കാരമാണോ ഇവിടെ നല്ലത്.മൃഗമാവാതെ മനുഷ്യനാവൂ..

(എഴുതാന്‍ ഇനിയുമുണ്ട് പക്ഷെ ആത്മരോക്ഷം അതിരുകടക്കും എന്നറിയാവുന്നതുകൊണ്ട് നിര്‍ത്തട്ടെ..)

Sunday, January 18, 2009

26.MTV ബക്കരയും തരികിടയും പിന്നെ ഇതും..

എം.ടി.വി.യില്‍ ബക്ര (ബക്കര - മുട്ടനാട്) എന്ന പേരില്‍ സൈറസ് ബറൂച്ച അവതരിപ്പിച്ച ഒരു ടിവി ഷോ വന്നിരുന്നു.. മലയാളത്തില്‍ നമ്മുടെ സാബുമോന്‍ അതെസംഭവം തരികിട

എന്നപേരിലും ഇവിടെ മലയാളികള്‍ക്ക് സൂര്യടിവി യിലൂടെ പരിചയപ്പെടുത്തി.

എന്നാല്‍ ഒരാളുടെ സ്വകാര്യതയെ കളിയാക്കി ആളാകുന്ന ഇതിനെ പ്രാങ്ക് വീഡിയോസ് എന്നപേരില്‍ യൂറോപ്പിലും അമേരിക്കയിലും കാണിക്കാറുണ്ട്.

പക്ഷെ അത് ചെയ്യുന്നവര്‍ക്ക്‌ ചെലപ്പോള്‍ കിട്ടുന്ന സമ്മാനം എന്നപേരില്‍ ഇതും കൂടി ഒന്നു കാണുന്നത് നന്നായിരിക്കും.



തരികിട..............

Saturday, January 17, 2009

25.നമ്മൾ എന്ത ഇങ്ങനെ?

ന്യൂ യോർക്കിൽ, രണ്ടു എഞ്ചിനും തകരാറിലായ വിമാനം ഹഡ്സൺ നദിയിൽ ഇറക്കി എല്ലാ യാത്രക്കാരെയും രക്ഷിച്ച സാരധിയെ ന്യൂ യോർക്ക് നഗരം civic ബഹുമതി നൽകി ആദരിച്ചു.

ഇനി ഒരു ഫ്ലാഷ് ബാൿ.
1997ൽ കണിയാപുരത്തിനടുത്തുള്ള പള്ളിപ്പുറം എന്ന സ്ഥലത്തു് കേരളത്തിന്റെ അപമ.. അല്ല അഭിമാനമായ KSRTC യുടെ ബസ്സിന്റെ brake നഷ്ടപ്പെട്ടപ്പോൾ ഡ്രൈവർ വഴിയിൽ കണ്ട ഒരു വൃക്ഷത്തിൽ ഇടിച്ചു ബസ്സ് നിർത്തി. ബസ്സിലുള്ള എല്ലാ യാത്രക്കാരും ചില്ലറ പരുക്കളോടെ രക്ഷപ്പെട്ടു. വലിയ ഒരു വിപത്തിൽ നിന്നും ബസ്സ് ഡ്രൈവർ എല്ലാവരെയും രക്ഷപ്പെടുത്തി എന്നു തന്നെ പറയാണം. പക്ഷെ ബസ്സ് നിർത്തിയ ഉടൻതന്നെ അദ്ദേഹം ബസ്സിൽ നിന്നും ഇറങ്ങി ഓടി. നാട്ടുകാരും ബസ്സ് യാത്രക്കാരും പുറകേ ഓട്ടിച്ചിട്ട് പുള്ളിയെ പെരുമാറി. അദ്ദേഹത്തിനു് അന്ന് എന്താ ആരും ഒരു ബഹുമതിയും കൊടുക്കത്തതു് എന്ന് എത്ര ആലോചിച്ചിട്ടും പിടിക്കിട്ടുന്നില്ല.

Friday, January 16, 2009

24.നാരായണപണിക്കരും സമദൂരവും

അടുത്തിടെ നാരായണപണിക്കര്‍ നടത്തിയ ഒരു പ്രസതാവനയാണ് ഈ പോസ്റ്റിനാധാരം. കഴിഞ്ഞ കുറെ കാലങ്ങളായി കേരളത്തിലെ സമകാലീന രാഷ്ട്രീയത്തില്‍ നിന്നും രാഷ്ട്രീയപാര്‍ട്ടികളില്‍ നിന്നും സമദൂരസിദ്ധാന്തം എന്ന സൈദ്ധാന്തിക പുറംതിരിഞ്ഞുനില്‍പ്പ് നടത്തിയിരുന്ന എന്‍.എസ്.എസ്. എന്ന സാമൂദായിക സംഘടനയുടെ അമരക്കാരനും ബുദ്ധിജീവിയുമായ (അല്ലേ...?) ശ്രീ.നാരായണപണിക്കര്‍ അവര്‍കള്‍ ഇപ്പോള്‍ തങ്ങള്‍ക്കും സമദൂരം വെടിഞ്ഞു രാഷ്ട്രീയത്തില്‍ ഇറങ്ങാന്‍ മടിയില്ലായെന്ന്‍ പരോക്ഷമായി വ്യക്തമാക്കിയിരിക്കുകയാണ്..

തങ്ങളുടെ സമദൂരം വെടിഞ്ഞുള്ള വരവ് മറ്റൊരു രാഷ്ട്രീയ ധ്രുവീകരണത്തിന് കാരണമാവും എന്നൊരു മുന്നറിയിപ്പും അദ്ദേഹം കൂട്ടിച്ചേര്‍ത്തിട്ടുണ്ട്.എന്തായാലും പതിനഞ്ച് വര്‍ഷത്തിനു ശേഷം സമദൂരം വെടിയണം എന്ന ചിന്ത നല്ലതിന് തന്നെ..അഥവാ താങ്കളുടെ വരവ് കേരളത്തിലെ രാഷ്ട്രീയത്തില്‍ ഒരു ശുദ്ധികലശം നടത്താന്‍ പര്യാപ്തമാണെങ്കില്‍ തികച്ചും അഭിനന്ദനാര്‍ഹം തന്നെ..

അതല്ല അറുപതുലക്ഷത്തോളം വരുന്ന നായന്മാരുടെ തലയെണ്ണി വോട്ടുബാങ്ക് കാണിച്ചു അവകാശങ്ങള്‍ നേടിയെടുക്കാനാണ് ശ്രമമെങ്കില്‍ ശ്രീ നാരായണീയരുടെ പിന്തുടര്‍ച്ചക്കാരും നിങ്ങളും തമ്മില്‍ എന്ത് വെത്യാസം എന്ന ചിന്തമാത്രമാവും മലയാളികളുടെ കണ്ണില്‍..

ഓരോ മതക്കാരും തലയെണ്ണികാട്ടി രാഷ്ട്രീയക്കാരില്‍ നിന്നും നക്കാപ്പിച്ചകള്‍ ഒപ്പിക്കുമ്പോള്‍ ഇനി നിങ്ങള്‍ മാത്രമായി എന്തിന് ഒഴിഞ്ഞു നില്‍ക്കണം. പക്ഷെ മന്നത്ത് പത്മനാഭന്‍റെ പിന്തുടര്‍ച്ചക്കാരനും വിദ്യാസമ്പന്നരായ ഒരു ജനതയുടെ അമരക്കാരനും ആണെന്നതുകൊണ്ട് കൊണ്ടു പറയട്ടെ.

"അധികാരമെന്ന ഇറച്ചികഷണത്തിന് വേണ്ടി കടിപിടിക്കൂട്ടുന്ന മറ്റു ജാതി-രാഷ്ട്രീയ നായ്ക്കളെ പോലെയാകാതെ സംസാരിക കേരളത്തിനു മുതല്‍ക്കൂട്ടായി രാഷ്ട്രീയവും മതമേധാവികള്‍ക്ക്‌ വഴങ്ങും എന്ന് കേരളജനതയെ കാണിക്കുവാന്‍ കഴിഞ്ഞാല്‍ താങ്കളുടെ സമദൂരം വെടിഞ്ഞുള്ള രാഷ്ട്രീയ ധ്രുവീകരണത്തിന് അര്‍ത്ഥം ഉണ്ടാവും."

താങ്കളുടെ ശ്രമങ്ങളില്‍ വിജയിക്കട്ടെ..

23.കല്ലും മുള്ളും മാത്രമുള്ള പാവം പാലസ്തീനി...

കഴിഞ്ഞ കുറെ നാളായി ജൂതന്മാരുടെ നരാധമന്മാര്‍ ഞങ്ങള്‍ പാവം പാലസ്തീനികളുടെ മേല്‍ നരനായാട്ട് നടത്തുകയാണ്.കുട്ടികളെയും സ്ത്രീകളെയും കൊന്നൊടുക്കുന്ന ഇസ്രായേലികള്‍ മനസക്ഷിയില്ലാത്ത മൃഗങ്ങളല്ലേ. എങ്കിലും മലയാളികള്‍ തന്ന സപ്പോര്‍ട്ടിന് നന്ദിയോടെ സ്മരിക്കാനല്ലാതെ ഞങ്ങള്‍ എന്ത് ചെയ്യും.

പൊതുവെ ഇസ്രായേലികളെ പോലെയല്ല ലോകത്തിനു വളരെ സംഭാവന തരുന്ന മനുഷ്യസ്നേഹികളാണ് ഞങ്ങള്‍. അഹിംസയാണ് ഞങ്ങളുടെ മുഖമുദ്ര.. ഗാന്ധിപോലും അത് പഠിച്ചത് ഇവിടെനിന്നാണെന്ന് തന്നെയാണ് ഞങ്ങളുടെ അഭിപ്രായം.ഈ യുദ്ധം തന്നെ നിങ്ങളൊന്നു നോക്കുക. വെറും കല്ലും മുള്ളും മാത്രമാണ് ഞങ്ങളുടെ ആയുധം..
ചില വലിയ കല്ലുകളുടെ ചിത്രം കൊടുക്കുന്നുണ്ട്. ഒന്നു നോക്കിയാല്‍ മനസ്സിലാവും.ചിലകല്ലുകള്‍ അങ്ങ് നാല്‍പതു കിലോമീറ്റര്‍ വരെ പോകും. ഇപ്പോള്‍ ചൈന വഴി ഞങ്ങള്‍ ഇറക്കുമതിചെയ്ത പുതിയ ഒരു മുള്ളുണ്ട്.. അത് നൂറ്റിഇരുപതുകിലോമീറ്റര്‍ വരെ പോകും. ചില സാമദ്രോഹികള്‍ അതിനെ റോക്കറ്റ് എന്ന് വിളിക്കുന്നത് എന്നതിന് എന്നറിയില്ല. വെറും കല്ലല്ലേ..ചിലതിനെ അവരൊക്കെ മോര്‍ട്ടാര്‍ ഷേല്ലെന്നും വിളിക്കുന്നു.. ക്രൂരത എന്നല്ലാതെ എങ്ങനെ പറയും.. ഞങ്ങള്‍ ഇപ്പോഴും ശിലായുഗത്തില്‍ കഴിയുന്നവരാണെന്ന് ആര്‍ക്കാ അറിയാത്തത്..

വെറും പാവങ്ങളാണ് ഞങ്ങള്‍.. അന്നന്നത്തെ അപ്പം പോലും വാങ്ങാന്‍ കാശില്ലാത്തവര്‍.. ഹമാസ് എന്ന് പറയുന്ന ഞങ്ങളുടെ മാനുഷികാസ്നേഹത്തിനു സ്വയം ഉഴിഞ്ഞു സ്വയം കത്തിതീരുന്ന സഹോദരന്മാര്‍ (ചിലര്‍ ചാവേര്‍ ബോംബുകള്‍ എന്നൊക്കെ വിളിച്ചു ആക്ഷേപിക്കും.. "പച്ചകള്ളം.".)ഞങ്ങളുടെ വാര്‍ഷിക വരുമാനം വെറും ഇരുനൂറുമുതല്‍ മുന്നൂറ്റിഅമ്പത് കോടി രൂപ വരെ മാത്രം.. അതും സൗദി,ഇറാന്‍ തുടങ്ങിയ സ്നേഹമുള്ള ഇക്കാമാരുടെ രാജ്യത്തുനിന്നും ഒപ്പം ഞങ്ങളുടെ മാനുഷികസ്നേഹ പരിപാടികളോട് സഹകരിക്കുന്ന സഹോദരന്മാര്‍ ഹമാസിന് വേണ്ടി തരുന്നത്.
ഒരു രൂപ പോലും വെറുതെ കളയാതെ നല്ലവണ്ണം ഞങ്ങള്‍ വിനയോഗിക്കുന്നുണ്ട്. എന്നിട്ടും ആളുകള്‍ക്ക് മുറുമുറുപ്പ് എന്തിന്.ഞങ്ങളോട് അല്പം സ്നാഹമുള്ള സിറിയാ,സൗദി,ലെബനോണ്‍,ഇറാന്‍ തുടങ്ങിയ രാജ്യങ്ങളില്‍ ആണ് ഹമാസ് നേതാക്കന്‍മാര്‍ ഇരിക്കുന്നത്.. കാരണം വല്ല ആക്രമണത്തില്‍ അവര്‍ ഗാസയില്‍ മരിച്ചാലോ..? ഗാസയിലെ ചില പേടിതൂറി ഹമാസ് പ്രവര്‍ത്തകര്‍ ചര്‍ച്ചകള്‍ക്ക് സമ്മതിച്ചാലും ആ ചേട്ടന്മാര്‍ സമ്മതിക്കില്ല..
അവരാരാ മക്കള്‍..അല്ലാതെ പിന്നെ..ഞങ്ങളുടെ ഹമാസിനെ ആരും അങ്ങനെ കൊച്ചാക്കികാണണ്ട..(ഹര്‍ക്കത് അല്‍ മുഖവമ അല്‍ ഇസ്ലാമിയ) ചേട്ടന്മാര്‍ രാഷ്ട്രീയത്തിലും കേമന്മാര്‍ തന്നെ..വെസ്റ്റ് ബാങ്കിലും വേരുള്ള ഹമാസ് ഗാസയിലെ കിണ്ണന്‍മാര്‍ തന്നെ. പള്ളികളിലും മറ്റു മതപരമായ കൂട്ടായ്മകളിലും കൂടി ഒരുമ കാത്തുസൂക്ഷിക്കുന്ന ഞങ്ങളെ അങ്ങനെ കൊച്ചാക്കരുത്.. അംഗങ്ങളും പ്രവര്‍ത്തകരും അനുഭാവികളും കൂടി ആയിരങ്ങള്‍ പുറകെ ഉണ്ട്.എണ്ണാം എങ്കില്‍ എണ്ണിക്കോ..
അല്ലെങ്കില്‍ തന്നെ ഇപ്പോള്‍ ഒരു ചാവേറിനെ കിട്ടാന്‍ ഞങ്ങള്‍ക്കെന്താ പാട്. വേദനയില്ലാതെ ഒരു മരണവും,സ്വര്‍ഗത്തില്‍ ഒരിടവും മാത്രവും അല്ല മരണശേഷം സ്വര്‍ഗത്തില്‍ നൂറുകണക്കിന് സുന്ദരിമാരായ കന്യകമാര്‍ സ്വര്‍ഗത്തില്‍ ഞങ്ങളുടെ ജിഹാദിലൂടെ സ്വര്‍ഗരാജ്യം പൂകുന്നവരെ കാത്തുനില്‍ക്കുന്നുവെന്നു പള്ളികളില്‍ പറഞ്ഞാല്‍ ആരാണ് പോകാത്തത്.. ഒപ്പം മരിക്കുന്നവരുടെ കുടുംബത്തെ നോക്കാന്‍ പണവും ഹമാസ് തരുന്നുവേന്നറിയാമോ..?
സത്യത്തില്‍ നമ്മുടെ ഇറാനെ സമ്മതിക്കണം.എന്തോരം പൈസയാ അവര്‍ ചിലവക്കുന്നതെന്നറിയാമോ.?ഹിസ്ബോള്ള,ഹമാസ് ചേട്ടന്‍,പാലസ്തീന്‍ ഇസ്ലാമിക്‌ ജിഹാദ്,പോപ്പുലര്‍ ഫ്രണ്ട് ഓഫ് ലിബരെഷന്‍ ഓഫ് പലസ്തീന്‍ -ജനറല്‍ കമാന്‍റ്,തുടങ്ങി എന്തോരം സംഘടനകള്‍ ആണ്.. ഒരു കണക്കും കൂടാതെ ചിലവാക്കിക്കോളും.. പടച്ചോന്‍ അവരെ കാത്തോളും.ഇപ്പോള്‍ ഞങ്ങള്‍ നൂറ്റിഅറുപതോളം ഗ്രൂപ്പുകളാണ് ഇങ്ങനെ പാലസ്തീനില്‍ പ്രവര്‍ത്തിക്കുന്നത്.
പി.എല്‍.ഓ.പക്ഷെ ഇപ്പോള്‍ സമാധനത്തിന്‍റെ ഭാഷ സംസാരിക്കുന്നത് ഞങ്ങള്‍ ശക്തമായി അപലപിക്കുന്നു.. ചര്‍ച്ച കൊണ്ട് ഒരു പിണ്ണാക്കും കിട്ടില്ല..ശത്രുക്കള്‍ ജീവിച്ചിരിക്കുമ്പോള്‍ ഞങ്ങള്‍ക്ക് ജീവിക്കാനവില്ലയെന്നു അവര്‍ക്കെന്താ അറിയില്ലേ..നവംബറില്‍ ഞങ്ങളോട് ഇസ്രയേലിലെ നരനായാട്ടുകാര്‍ കല്ലെറിയുന്നത്‌ നിര്‍ത്താന്‍ ആവശ്യപ്പെട്ടപ്പോള്‍ ചിരിയാണ് വന്നത്.. പക്ഷെ അവര്‍ പറഞ്ഞതു ഞങ്ങള്‍ റോക്കറ്റ് ആക്രമണം നിര്‍ത്താനാണ്.. നിങ്ങള്‍ തന്നെ കണ്ടില്ലേ..
ഇതെല്ലം വെറും കല്ലല്ലേ..പക്ഷെ ഞങ്ങള്‍ ഞങ്ങള്‍ക്ക് വേണ്ടി ഒരുക്കിയിരിക്കുന്ന സ്വര്‍ഗ്ഗ രാജ്യം വിടാന്‍ കഴിയുമോ..പക്ഷെ എന്നാലും ഇങ്ങനെ ഞങ്ങളെ കൊല്ലാന്‍ മനസാക്ഷി അവരെ എങ്ങനെ അനുവദിക്കുന്നു.. ഞങ്ങളുടെ കുട്ടികളെ കൊല്ലാമോ.. ഒന്നും അല്ലെങ്കില്‍ നാളെ കല്ലെറിയാന്‍ അവരെ വിട്ടു തരെണ്ടേ.. അല്ലെങ്കില്‍ ഞങ്ങള്‍ എന്ത് ചെയ്യും...ഇപ്പോള്‍ കൂടുതല്‍ പറയാന്‍ കഴിയില്ല..തലയ്ക്കു മുകളിലൂടെ ഒരു മിസൈല്‍ വരുന്നു... ആ ദ്രോഹികള്‍ വിട്ടതാണെന്ന് തോന്നുന്നു..
ഒരു കല്ലെറിയട്ടെ..

Wednesday, January 14, 2009

22.അങ്ങനെ വീണ്ടും ഒരു മകരവിളക്കും മകരജ്യോതിയും

ഈ വര്‍ഷം വിശ്വാസികളെ ആനന്ദസാഗരത്തില്‍ ആറാടിച്ചും അവിശ്വാസികള്‍ക്ക്‌ ഭരണകൂടത്തെയും വിദ്യുച്ഛക്തി,വനം വകുപ്പിനെയും താറടിക്കാനും ഒരു മണ്ഡലകാലം കൂടി വന്നണഞ്ഞു.

പണ്ടു മുതലേ നിരീശ്വര,യുക്തിവാദി സമൂഹം ഭര്‍ത്സിച്ചും കൊലവിളി നടത്തുന്നതുമായ ഒരു കാര്യം, വെറും പബ്ലിസിറ്റി സ്റ്റണ്ട് അല്ലെ എന്നും തോന്നാം. പക്ഷെ അവരോട് ഒരു ചോദ്യം ഇതു കത്തുന്നതല്ല കത്തിക്കുന്നതാണ് എന്ന് തെളിയിച്ചാല്‍ നിങ്ങള്‍ക്കെന്തു കിട്ടും.

ഒരു കുട്ടി അവനോ അവന്‍റെ മാതാപിതാക്കള്‍ക്കോ സംശയമില്ലെങ്കിലും അല്ലെങ്കില്‍ പ്രശ്നമില്ലെങ്കിലും നിര്‍ബ്ബന്ധിച്ചു അവന്‍റെ ഡി.എന്‍.എ. പരിശോധിപ്പിച്ചു പിതാവ് അവന്‍ അച്ഛന്‍ എന്ന് വിളിക്കുന്നവന്‍ അല്ല എന്ന് തെളിയിക്കുമ്പോള്‍ ആ കുടുംബം കലങ്ങും,ആ കുട്ടിയുടെ മുമ്പില്‍ സമൂഹം അപഹസിച്ച്‌ കൊണ്ടു നില്ക്കും എന്നതില്‍ കവിഞ്ഞു പരിശോധകര്‍ക്ക് എന്ത് കിട്ടും.

സത്യത്തില്‍ ശബരിമല ഒരു സീസണില്‍ ഏറ്റവും കൂടുതല്‍ വരുമാനമുണ്ടാക്കുന്ന ഒരു ക്ഷേത്രമാണ്. ഗുരുവായൂരെപോലെ ദൈനംദിന വരുമാനമല്ല ഇവിടുത്തേത്.അതെ പോലെ ഒരു മകരവിളക്ക്‌ ദിവസം ദശലക്ഷം പേരാണ് മകരവിളക്ക്‌ നേരില്‍ കാണുന്നത്. സാങ്കേതിക സങ്കേതങ്ങളുടെ കാരുണ്യത്താല്‍ ആ കാഴ്ച കാണുന്നവര്‍ അതിലേറെവരും.

ചില സംശയങ്ങള്‍ യുക്തിവാദികള്‍ക്ക് തോന്നാം. ഒപ്പം ചില മറുപടികളും. എങ്ങനെ സ്ഥിരമായി ഇതു കത്തുന്നു..? എങ്ങനെ ഗരുഡന്‍ വരുന്നു.? ഇതു വെറും തട്ടിപ്പല്ലേ. ? പക്ഷെ ഈ ചോദ്യങ്ങള്‍ക്കുള്ള ഉത്തരത്തെ വെറും ഒരു സത്യം കണ്ടെത്തല്‍ എന്നതില്‍ കവിഞ്ഞു ഇതും വിശ്വാസികളുടെ വിശ്വാസത്തിന്‍റെ ആധാരങ്ങളില്‍പെടുന്നു എന്നും മനസ്സിലാക്കുക..

ഗരുഡന്‍ വരുന്നതു ഭക്തിയോടെ നോക്കിക്കാണുന്ന ഭക്തരോട് ഒരു ചന്ദ്രയാന്‍ വിജയകരമായി നടത്താന്‍ കഴിയുന്ന മനുഷ്യനെ ആ സമയത്തെക്ക് ഒരു ഗരുഡനെ (അല്ലെങ്കില്‍ ശ്രീകൃഷ്ണപരുന്തിനെ) വിടാന്‍ കഴിയില്ലേ എന്ന് ചോദിച്ചേക്കാം. ചിലര്‍ പൊന്നമ്പലമേട്ടില്‍ ഉരുളിയില്‍ ഉമിനിറച്ചു അതിന്മേല്‍ കര്‍പ്പൂരം കത്തിക്കുന്നതും അതിന്‍മേല്‍ നനഞ്ഞ ചാക്കിട്ടു കെടുത്തി വീണ്ടും കത്തിച്ചു മൂന്നുതവണ മകരവിളക്ക്‌ കത്തിക്കുന്നതിന്‍റെ സാങ്കേതികതയും കണ്ടേക്കാം.. മകരജ്യോതി കൃത്യ സമയത്തു വരുന്ന അല്ലെങ്കില്‍ പ്രത്യക്ഷമാകുന്ന ഒരു നക്ഷത്രം മാത്രമാണെന്നും പറയാം.കാര്യം കൃത്യ സമയത്തു കാഴ്ചയില്‍ പ്രകടമാവുന്ന എത്രയോ നക്ഷത്രങ്ങള്‍ ഉണ്ട്.. അവയ്ക്ക് പേരിട്ടിട്ടില്ല എന്ന് മാത്രം എന്നും പറയാം.

പക്ഷെ വിശ്വാസികളുടെ നെഞ്ചില്‍ അവന്‍റെ മനസ്സില്‍ കത്തുന്ന മകരവിളക്കിനോടു എന്ത് മറുപടി നിങ്ങള്‍ കൊടുക്കും.വിശ്വാസം ഒരു പരിധിവരെ മനുഷ്യനെ അച്ചടക്കത്തോടെ ജീവിക്കാന്‍ സഹായിക്കുമെന്ന വിശ്വാസക്കരാനാണ് ഞാന്‍. കാരണം കുറഞ്ഞപക്ഷം മണ്ഡലകാലത്ത് അല്പം സ്വയനിയന്ത്രണം നടത്തുന്ന വിശ്വാസി അല്ലാത്തപ്പോള്‍ അത്രനന്നായി ജീവിക്കുന്നവന്‍ ആകണമെന്നില്ല..

ഒന്നു ചോദിക്കട്ടെ.. മനുഷ്യന്‍ എന്നത് അല്ലെങ്കില്‍ ഒരു ജീവി എന്നത് ഒരു ചര്‍മ്മസഞ്ചിയില്‍ പൊതിഞ്ഞു നിര്‍ത്തിയ മാംസവും, അസ്ഥികളും, രക്തകുഴലുകളും,രക്തവും,രോമവും മാത്രമാണെന്ന് കരുതിയാല്‍ അതിനെ സ്നേഹിക്കുവാന്‍ കഴിയുമോ.? അതിനെ ഒരു കശാപ്പ്കാരന്‍റെ മനസ്ഥിതിയോടെ അറുത്തു മുറിക്കാന്‍ എളുപ്പമാവില്ലേ. കാരണം ജീവന്‍ എന്താണെന്നോ ആത്മാവ് എന്താണെന്നോ ഏവര്‍ക്കും തൃപ്തികരമായ മറുപടി നല്‍കാന്‍ ശാസ്ത്രം വളര്‍ന്നിട്ടില്ല..പക്ഷെ ഭൌതികമായ മാംസത്തെ കാണാനും സ്പര്‍ശിക്കാനും എളുപ്പമാണ് താനും.

അതേപോലെ വിശ്വാസത്തെ കീറിമുറിച്ച്‌ ഒന്നും ഒന്നുമല്ല എന്ന് തിരിച്ചറിഞ്ഞാല്‍ കിട്ടുക തീര്‍ത്തും രൌദ്രമായ ഒരു ഭാവം മാത്രം.. കാരണം എല്ലാത്തിനെയും വെറും ഭൌതികമായ വസ്തു എന്നതില്‍ കവിഞ്ഞു ഒന്നും തോന്നില്ല..അങ്ങനെ ഒരു അന്തരീക്ഷമാണോ യുക്തിവാദികളുടെ മനസ്സിലുള്ളത്.

എന്നാല്‍ വഴിതെറ്റിപോകുമായിരുന്ന ഒരവസരത്തില്‍ മകര വിളക്കും മകരജ്യോതിയും രണ്ടും രണ്ടാണെന്നും പറഞ്ഞു വന്ന രാഹുല്‍ ഈശ്വരനെയും ഞാന്‍ ഇവിടെ ന്യായീകരിക്കുന്നില്ല.പക്ഷെ സഭ്യമായ ഒരു സമൂഹം നിലനില്‍ക്കാന്‍ വിശ്വാസം ആവശ്യമാണ്‌.. കാരണം തെറ്റ് ചെയ്യുന്നതില്‍ നിന്നവനെ വിലക്കാന്‍ അല്ലെങ്കില്‍ കിട്ടാവുന്ന ശിക്ഷയുടെ പേടിയില്‍ നിന്നവനെ പുറംതിരിപ്പിക്കാന്‍ വിശ്വാസം നല്ലതെങ്കില്‍ അതാവട്ടെ.. ഏത് മതത്തിലും യുക്തിക്കുനിരക്കാത്ത പലതും ഉണ്ടാവും. അതെല്ലാം അച്ചടക്കമുള്ള ഒരു സമൂഹത്തെ വാര്‍ത്തെടുക്കാന്‍ പഴയകാലത്തെ വിവരമുള്ളവര്‍ സൃഷ്ടിച്ച ചില ആചാരങ്ങള്‍ ആയിരിക്കാം.

ഒരു ഉദാഹരണം പറയാം..പണ്ടു കാലത്ത് കട്ടിലില്‍ ഇരുന്നു കാലാട്ടിയാല്‍ പാപമാണെന്ന് കാരണവന്മാര്‍ കുട്ടികളോട് പറഞ്ഞിരുന്നു.. പാപം കിട്ടുമെന്ന ഭയത്താല്‍ കുട്ടികള്‍ അങ്ങനെ ചെയ്യുകയില്ല... പക്ഷെ കട്ടിലിന്‍റെ കീഴില്‍ സൂക്ഷിച്ചിരുന്ന കോളാമ്പി മറിഞ്ഞു വീഴും എന്നുള്ളതുകൊണ്ട് കാരണവന്മാര്‍ കണ്ടെത്തിയ ഉപായം മാത്രമായിരുന്നു ഇതു.. അപ്പോള്‍ ഒരു പ്രശ്നപരിഹാരമായി പാപത്തെ കൂട്ടുപിടിച്ചാലും കോളാമ്പി വീഴില്ലായെങ്കില്‍ അത് നല്ലതല്ലേ..?

അതേപോലെ ഓരോ മതത്തിലും പറഞ്ഞിരിക്കുന്നത് ആത്യന്തികമായി മനുഷ്യനന്മയ്ക്കായി ചില ഉപദേശങ്ങള്‍ മാത്രം..അതിനെയെല്ലാം കീറിമുറിച്ച്‌ നോക്കിയാല്‍ മനുഷ്യനും ചര്‍മ്മസഞ്ചിയിലെ മാംസം മാത്രം.

പിന്നെ യുക്തിവാദികളോടും നിരീശ്വരവാദികളോടും എനിക്ക് പുച്ഛമോ അസ്കിതയോ ഇല്ല.. നിങ്ങളുടെ വിശ്വാസം നിങ്ങളെ രക്ഷിക്കട്ടെ..

Tuesday, January 13, 2009

21.ജസ്റ്റിസ് ഹേമയുടെ തേരോട്ടം

അഭയകേസിന്‍റെയും പ്രശ്നങ്ങളുടെയും കാഹളം തെല്ലോന്നടങ്ങിയിട്ടെയുള്ളൂ. വീണ്ടും അതില്‍ കല്ലിടാന്‍ സാക്ഷാല്‍ ജസ്റ്റിസ് ഹേമ അമ്മച്ചി വീണ്ടും ഇറങ്ങിയിരിക്കുന്നു.കഴിഞ്ഞ തവണ സി.ബി.ഐ.യുടെയും മാധ്യമങ്ങളുടെയും നെഞ്ചത്തായിരുന്നുവെങ്കില്‍ ഇത്തവണ ജസ്റ്റിസ്.ആര്‍.ബസന്തിന്‍റെ തലയില്‍ ആണെന്ന് മാത്രം..

ചിലകാര്യങ്ങള്‍ പറഞ്ഞുകൊള്ളട്ടെ.ഭാരതീയസമൂഹം അധ്യാപകനും ന്യായാധിപനും എന്നും ബഹുമാനം കൊടുത്തിട്ടേയുള്ളൂ. ഒരാള്‍ തന്‍റെ തൊഴിലിലൂടെ നാളത്തെ പൗരനെ സൃഷ്ടിക്കുന്നവനെന്ന രീതിയിലും മറ്റെയാള്‍ സമൂഹത്തിലെ തിന്മകളെ കണ്ണുംഅടച്ചു സത്യത്തിന്‍റെയും നീതിയുടെയും രീതിയില്‍ ശിക്ഷിക്കുന്നവന്‍ അങ്ങനെ അവകാശങ്ങളെ സംരക്ഷിക്കുന്നവന്‍ എന്ന രീതിയിലും. തന്നെയുമല്ല ഇതു രണ്ടിനെയും വെറും ഒരു തൊഴിലായി അല്ല പകരം സമൂഹത്തോടുള്ള ഒരു കടമയായി കാണുന്നവരാണ് മിക്കവരും.

അഭയകൊലക്കേസില്‍ ദീപികയുടെ നിലപാട് ആരും ചോദിച്ചില്ല..കാരണം സഭ തന്‍റെ ശത്രുക്കളുടെ നേരെ കൊരയ്ക്കുവാന്‍ കെട്ടിയിട്ടിരിക്കുന്ന നായുടെ എന്നതില്‍ കവിഞ്ഞു സത്യം അറിയാന്‍ ആഗ്രഹിക്കുന്ന ഒരാള്‍ ആ പത്രത്തിനെ കാണുന്നില്ല. എന്നാല്‍ നീതിന്യായകോടതിയുടെ ഇടനാഴിയിലും സഭ ഒരു നായെ കേട്ടിയെന്നത് കേരളസമൂഹത്തിന് അതിശയത്തോടെ മാത്രമെ കാണാനാവൂ..

തന്‍റെ ജാമ്യ വിധിയിലൂടെ സഭയോടുള്ള കൂറ് വ്യക്തമാക്കികഴിഞ്ഞ ഹേമ മാധ്യമങ്ങളെ താന്‍ വകവെക്കുന്നില്ലയെന്നും ബസന്തിനു തന്നെ വിമര്‍ശിക്കാന്‍ അധികാരമില്ലെന്നും വ്യക്തമാക്കി. ശരിയായിരിക്കാം.അധികാരവഴിയില്‍ ഒരേ സ്ഥാനത്തായാലും തന്‍റെ കസേരയെ വ്യഭിച്ചരിക്കാത്ത ബസന്തിനോട് എന്തിനീ അസഹിഷ്ണുത..

ലോര്‍ഡ് മകൊളിയുടെ അധ്യക്ഷതയില്‍ രൂപമെടുത്ത ബ്രിട്ടീഷ്,ഫ്രഞ്ച് നിയമങ്ങളുടെ നല്ലവശങ്ങളും ഉള്‍കൊണ്ട ഭാരതീയ നിയമാവലി ലോകത്തിലെ ഏറ്റവും മികച്ച നിയമാവലികളില്‍ ഒന്നില്‍ പെടുന്നു.
കാലനുസൃണമായ പല മാറ്റങ്ങളും വരുത്തിയ ഇതിനെ പരിപൂര്‍ണം എന്ന് വിളിക്കാനാവില്ല എങ്കിലും ഇതു പല രാജങ്ങളിലെയുംക്കാള്‍ മേന്മയുള്ളത് തന്നെ.. പക്ഷെ ഹേമയെപോലെ അധികാരം ഹുങ്ക് കാണിക്കാന്‍ ഉപയോഗിക്കുന്നവരുടെ കൈയില്‍ ഇന്ത്യന്‍ പീനല്‍ കോഡും വെറും കളിപ്പാട്ടം മാത്രം.

കലികാലത്ത് കൂത്തിപ്പട്ടി വ്യഭിചരിക്കാന്‍ ഇറങ്ങിയാല്‍ പോലും അവിടെ ആവശ്യക്കാര്‍ ഉണ്ടാകും എന്ന് കേട്ടിട്ടുണ്ട്.. പക്ഷെ ഇവിടെ ഒരു സഭ മുഴുവനും ആവശ്യക്കാര്‍ ആയിട്ടുണ്ട്‌..

OFF TALK..(ആനപ്പുറത്ത് ഇരിക്കുമ്പോള്‍ പട്ടി കടിക്കില്ല..)

Sunday, January 11, 2009

20.നട്ടെല്ലുള്ള എഴുത്തുകാര്‍ക്ക് സ്വാഗതം

ഇന്നു ബ്ലോഗ് എഴുത്ത് ഒരുതരം സുഖിപ്പിക്കല്‍സ് മാത്രം ആയിക്കൊണ്ടിരിക്കുകയാണ്. എന്നാല്‍ എഴുതുന്നത് വാനക്കാരോട് ഒരു കടമ എന്നരീതിയില്‍ സത്യം തുറന്നെഴുതാന്‍ ചങ്കൂറ്റം ഉള്ള എഴുത്തുകാര്‍ക്ക് കൂതറഅവലോകനത്തില്‍ അവസരം കൊടുക്കുന്നു..

ഇവിടെ ആരും കൂലിയെഴുത്തുകാരില്ല. ഇടതനോ വലതനോ ഇല്ല.സത്യം തുറന്നെഴുതാന്‍ ചങ്കൂറ്റം ഉള്ള ഒരു മനസ്സു മാത്രം ഉണ്ടെങ്കില്‍ നിങ്ങള്‍ക്ക് സ്വാഗതം..

സ്വാഗതം ചെയ്യുന്നു.
(കൂതറഅവലോകനം)

നിങ്ങളുടെ ഇമെയില്‍ ഐഡി ഒരു കമന്‍റ് ആയി ഇടുക..

Saturday, January 10, 2009

19.രാമലിംഗന്‍റെ "സത്യം" പൊട്ടി..

അങ്ങനെ മറ്റൊരു ഐ.ടി. കുമിളയും പൊട്ടി.. ഇന്ത്യയിലെ നാലാമത്തെ ഏറ്റവും വലിയ സോഫ്റ്റ് വെയര്‍ കമ്പനിയായ സത്യംകമ്പ്യൂട്ടര്‍ അങ്ങനെ നിക്ഷേപകരെ ചതിച്ചൂ എന്ന ഉടമയുടെ പ്രഖ്യാപനത്തോടെ ഓഹരിവിപണിയില്‍ തങ്ങളുടെ സമ്പാദ്യം ഇറക്കിയിരുന്ന വ്യക്തികളുടെ വിശ്വാസത്തിന്‍റെ മേല്‍ ഇടിവെട്ടെല്‍പ്പിച്ചു കൊണ്ടു കൂപ്പുകുത്തി..

ലോകസാമ്പത്തിക രംഗം തകര്‍ച്ചയുടെ വഴുവഴുത്ത നാവുകൊണ്ട് തകര്‍ന്നടിഞ്ഞപ്പോള്‍ വൈവിധ്യപൂര്‍ണമായ സാമ്പത്തിക സംസ്കാരമുള്ള ഭാരതത്തെ അത്ര ഉലച്ചില്ല എങ്കിലും സത്യം തന്ന കനത്ത അടി എങ്ങനെ താങ്ങും എന്ന് കണ്ടറിയണം.. അതോടൊപ്പം ഇനിയും ഇത്തരത്തില്‍ ഊതിപെരുപ്പിച്ച കണക്കുകള്‍ കൊണ്ടു നിക്ഷേപകരെ ചതിക്കുന്നവര്‍ വേറെ എത്ര പേരുണ്ട് എന്ന ചോദ്യവും നിക്ഷേപകരുടെ മനസ്സിലുണ്ട്..

സത്യത്തില്‍ എന്താണ് സംഭവിക്കുന്നത്.. കമ്പനികളുടെ ഓഹരികള്‍ പ്രൈമറിമാര്‍ക്കറ്റില്‍ ഐ.പി.ഓ. ആയി ഇറക്കുമ്പോള്‍ തങ്ങളുടെ മുന്‍‌കാലറെക്കോഡുകള്‍ കാണിച്ചു വന്‍തുക ഫേസ് വാല്യൂവിനോടൊപ്പം പ്രീമിയം ആയി ഇവര്‍ വാരിക്കൂട്ടാറുണ്ട്.. എന്നാല്‍ ഇതു മോഹവില മാത്രമാണ്. എന്നാല്‍ ശക്തമായ സാമ്പത്തിക അടിത്തറ ഉണ്ടെന്ന വിശ്വാസത്തില്‍ ഇവര്‍ കാണിക്കുന്ന വിലയില്‍ പാവം നിക്ഷേപകര്‍ ഷെയര്‍ വാങ്ങി കൂട്ടും..

പിന്നെ ഇതു സെക്കണ്ടറി മാര്‍ക്കറ്റില്‍ പല കൈ മറിഞ്ഞു അവസാനം വന്‍തുക ആയി മാറുമ്പോഴേക്കും ഷേയറിന്‍റെ ഊഹ കച്ചവടത്തിലൂടെ ഇവയുടെ ആസ്തി ആയിരക്കണക്കിന് കോടിയായി മാറുന്നു.. അവസാനം ഏറ്റവും നല്ല മുഹൂര്‍ത്തത്തില്‍ തങ്ങളുടെ വീതം ഇവര്‍ വന്‍തുകയ്ക്ക് വിട്ടു കൂടുതല്‍ സേഫായ റിയാല്‍ എസ്റ്റെറ്റിലും മറ്റുമായി മുടക്കുന്നവര്‍ക്ക് തങ്ങളുടെ പേരന്‍റ് കമ്പനി പൊട്ടിയാലും പ്രത്യേകിച്ച് ഒന്നും നഷ്ടം സംഭവിക്കുന്നില്ല.. കാരണം മോഹവിലയ്ക്ക് എന്നെ തങ്ങളുടെ ഷെയര്‍ വിറ്റു കൂടുതല്‍ സുരക്ഷിതമായയിടത്തു പണം കിടന്നോളും..

ഈ കഥയ്ക്ക്‌ ഇവിടെ എന്ത് പ്രസക്തി എന്ന് തോന്നും... നമ്മുടെ രാമന്‍റെ ലിംഗം രാജു മാമന്‍ നൂറു കോടി ആസ്തി മാത്രം മൂല്യമുള്ള മകന്‍റെ റിയാല്‍ എസ്റ്റെറ്റു കമ്പനിയില്‍ തന്‍റെ സത്യത്തിലെ പണം മുടക്കാന്‍ ശ്രമിച്ചു.. എങ്ങനെഎന്ന് നോക്കാം..നൂറു കോടിയുടെ കമ്പനിയില്‍ രണ്ടു ബില്ല്യന്‍ ഡോളര്‍ ഇട്ടു വാങ്ങിയാല്‍ സത്യത്തിനു നഷ്ടം വരും.. നിശ്ചയം..പക്ഷെ നൂറു കോടി വിലയുള്ള കമ്പനി എണ്ണായിരം കോടി രൂപയ്ക്ക് വില്‍ക്കുമ്പോള്‍ ഏഴായിരത്തിതൊള്ളായിരം കോടി മക്കള്‍ക്ക്‌ കിട്ടും..

ഫലത്തില്‍ സത്യത്തില്‍ സത്യം പൊളിഞ്ഞാലും മക്കളുടെ വശം രണ്ടു ബില്ല്യന്‍ ഡോളര്‍ കിടക്കും.. ഇനി അഥവാ വല്ലതും സത്യത്തില്‍ കിടന്നാല്‍ അത് ബോണസ്.. പക്ഷെ സത്യം കുത്തുപാള എടുത്താല്‍ നിക്ഷേപകര്‍ എന്ത് ചെയ്യും. അത് മക്കളുടെ സ്നേഹത്താല്‍ ധൃതരാഷ്ത്രരെ പോലെ അന്ധനായ രാജു എന്തിന് നോക്കണം..പിന്നെ സത്യത്തിന്‍റെ ഷെയര്‍ വില കുറയാതിരിക്കാന്‍ ഇല്ലാത്ത ലാഭത്തിന്‍റെയും വരുമാനത്തിന്‍റെയും കണക്കു കാണിച്ചു നിക്ഷേപകരെ പൊട്ടന്മാരാക്കി.. അതിന് വേണ്ടി ഓഡിറ്റര്‍മാരായ പ്രൈസ് വാട്ടര്‍ കൂപറിനെയും കൂട്ട് പിടിച്ചു..

പക്ഷെ ഇപ്പോള്‍ സ്വതന്ത്ര ഓഡിറ്റര്‍മാരുടെയും വിശ്വാസ്യത ആളുകളുടെ കണ്ണില്‍ ചോദ്യചിഹ്നം ആയി..രാമലിംഗ രാജു ആള് വെറും കോന്ഞാണെന്‍ ആണോ എന്ന് തോന്നും..അല്ലെ അല്ല.. പുള്ളി വല്ല്യ പുലി ആണ്. എം.ബി.എയും ഹാര്‍വാര്‍ഡില്‍ പ്രത്യേക വിധ്യാഭാസവും കിട്ടിയ വല്ല്യ കക്ഷി ആണ്..ഏര്‍ണസ്റ്റ് ആന്‍ഡ് യങ്ങിന്‍റെ,ഏഷ്യ ബിസിനസ് ലീഡര്‍ തുടങ്ങിയ അവാര്‍ഡ് വാങ്ങിയ ഇച്ചിരി വല്ല്യ അണ്ണന്‍ ആണ്.

പക്ഷെ ഇപ്പോള്‍ പോലീസിന്‍റെ പിടിയില്‍ ആയ അണ്ണന്‍ ചെലപ്പോള്‍ പത്തു വര്‍ഷം വരെ ജയിലില്‍ കിടക്കുവാന്‍ ഒള്ള വേല ഒപ്പിചിട്ടാണ് അകത്ത് പോയെക്കുന്നത്..

ഓഫ്.ടോക്.: ഇന്ത്യയിലെ ഏറ്റവും നല്ല ഇന്‍റര്‍നെറ്റ് സര്‍വീസ് പ്രോവൈഡാര്‍ ആണ് സിഫി. സി.ഫി.യുടെ ഇന്‍റര്‍നെറ്റ് കേഫെകള്‍ ലോക നിരവാരത്തില്‍ ഉള്ളവയാണ്..കോര്‍പറെറ്റു ലോകത്ത് ഏറ്റവും നല്ല പേരും സത്യത്തിനുണ്ടായിരുന്നു.. സത്യത്തിലെ വര്‍കിംഗ് അന്തരീക്ഷം ,ശമ്പളം ഇവയും മികച്ചത് തന്നെ... പക്ഷെ എന്ത് തന്നെയായാലും പാവപ്പെട്ടവരുടെയും മറ്റു നിക്ഷേപകരുടെയും പണത്തെപറ്റി ചിന്തിക്കാതെ സ്വന്തം കീശ വീര്‍പ്പിക്കുന്ന സംസ്കാരവും പ്രവര്‍ത്തിയും കാണിച്ച നല്ലൊരു ഇന്നലെയെ ന്യായീകരിക്കാന്‍ കഴിയില്ല..

നിക്ഷേപകര്‍ വിപണിയില്‍ മുഴുവന്‍ പണവും ഇടുന്നതിനു മുമ്പെ ഇങ്ങനെയും ചിലത് പ്രതീക്ഷിക്കുന്നത് നന്നായിരിക്കും..

Friday, January 9, 2009

18.അങ്ങനെ ഷക്കീലയും ബ്ലോഗുന്നു..

കിന്നാരതുമ്പികളിലൂടെ മലയാളയുവതലമുറയെ കീഴടക്കിയ ഷക്കീല 1999 മുതല്‍ മലയാള സിനിമാരംഗത്ത്‌ നിറഞ്ഞു നിന്നൂ.മോഹന്‍ലാലിന്‍റെ രാവണപ്രഭുവും മമ്മൂട്ടിയുടെ രാക്ഷസരാജാവും തീയെറ്ററുകളില്‍ വന്‍ജനക്കൂട്ടം നിറച്ചപ്പോള്‍ രാക്ഷസരാജ്ഞിയായി വന്ന ഷക്കീല ജനങ്ങളെയും ബി-സി.ക്ലാസ് തീയേറ്റര്‍ ഉടമകളെയും നിരാശരാക്കിയില്ല..ഒരു സമയത്ത് അടച്ചുപൂട്ടല്‍ ഭീഷണിയില്‍നിന്നും ആത്മഹത്യയില്‍ നിന്നും സി ക്ലാസ് തീയേറ്റര്‍ ഉടമകളെ രക്ഷിച്ചതില്‍ ഷക്കീല ചിത്രങ്ങള്‍ക്കുള്ള പങ്ക് നിഷേധിക്കാനാവില്ല..

കേരളത്തില്‍ ഒരിക്കലും ഒരു നടിയും തന്‍റെ പ്രഭാവം കൊണ്ടു പടം ഹിറ്റാക്കിയിട്ടില്ല എന്ന ചരിത്രം തിരുത്തിയ നടിയാണ് ഷക്കീല..ഷക്കീലയ്ക്ക് ശേഷം അതാവര്‍ത്തികാനും ആര്‍ക്കും കഴിഞ്ഞിട്ടില്ല..

മോഹന്‍ലാലിനോടൊപ്പം ചോട്ടാമുംബായില്‍ ഇവര്‍ ഒരു ചെറിയ വേഷമണിഞ്ഞു..ഇന്നു തമിഴ്‌നാട്ടിലെ കോടമ്പാക്കത്ത് സ്ഥിരതാമാസ്സമാക്കിയ ഷക്കീല ഒരു ആത്മകഥ പ്രസിദ്ധീകരിക്കാനുള്ള തിരക്കിലാണ്. ആന്ധ്രക്കാരിയായ ഇവരുടെ തിരിച്ചു വരവോര്‍ത്ത് ആരാധകര്‍ ഇരിക്കുമ്പോഴാണ് ഇവര്‍ ബ്ലോഗിതുടങ്ങിയ സന്തോഷവാര്‍ത്തപുറത്തുവന്നത്..

ഏതായാലും നിരവധി പുലികളും എലികളും മേയുന്ന മലയാളം ബൂലോകത്ത് ഷക്കീലയ്ക്കും കൂടിയിടം ഉണ്ടാകും എന്ന് കരുതാം..ഏതായാലും ഷക്കീല ഇതിന് വേണ്ടി പ്രത്യേകം ലാപ്ടോപ്പ് വാങ്ങിയോ എന്നറിയില്ല.

പക്ഷെ ഇവരുടെ വരവ് മലയാളം ബ്ലോഗിന് ഒരു രോമാഞ്ചവും ഉണര്‍വും നല്കും എന്നതില്‍ ഒരു സംശയവും ഇല്ല..
ഞങ്ങളുടെ പ്രിയങ്കരിയും കണ്ണിലുണ്ണിയുമായ ഷക്കീലയ്ക്ക് എല്ലാ ഭാവുങ്ങളും നേരുന്നു..

ആരാധകര്‍ കാത്തിരിക്കുന്ന ബ്ലോഗിന്‍റെ വിലാസം

http://i-am-shakeela.blogspot.com/

Thursday, January 8, 2009

17.പാലസ്തീനുവേണ്ടി കണ്ണീരോഴുക്കുന്നവര്‍ ഒരുപ്രാവശ്യം വായിക്കുക..

ഇന്നു ഇസ്രയേല്‍ പാലസ്തീനെ ചുടുന്നു,കുട്ടികളെയും സ്ത്രീകളെയും ബോധമില്ലാതെ കൊന്നൊടുക്കുന്നു എന്നൊക്കെ വിളിച്ചു കൂവി തങ്ങളുടെ സഹജീവികളോട് സ്നേഹം പ്രകടിപ്പിക്കുകയാണ്..

വേറെ ചിലരാകട്ടെ ശ്രീലങ്കയിലെ പട്ടാളക്കാര്‍ കൊന്നൊടുക്കുന്ന തമിഴരെ ഓര്‍ത്താണ് കരയുന്നത്..സത്യത്തില്‍ ചില മലയാളി എം.പി.മാര്‍ ഇസ്രായേലിനോട് ബന്ധം വേര്‍പെടുത്താന്‍ വരെ ഉപദേശിച്ചുകളഞ്ഞു.. ഏതായാലും അതിനുവേണ്ടി രാജിവെയ്ക്കാന്‍ തയ്യാറാവാത്തത് പുണ്യം..

പക്ഷെ ഇസ്രായേലിനു വേണ്ടി കൊലവിളി നടത്തുന്നവര്‍ നടത്തുക തന്നെ ചെയ്യൂ..പക്ഷെ അതിന് മുമ്പ് ഒരഞ്ചു മിനിറ്റ് ഇതൊന്നു വായിക്കാന്‍ കൃപയുണ്ടാകുമോ..ഞാന്‍ മോസാദിനെയും ജൂതന്മാരെയും വെള്ളപൂശാനല്ല എഴുതുന്നത്.. എന്‍റെ അപ്പനും അമ്മയും ജൂതന്മാരും അല്ല..

പക്ഷെ ഈലോക ജനസംഖ്യയുടെ കേവലം 0.2% മാത്രമാണ് ജൂതന്മാര്‍.. അതും ലോക ജൂതജനസംഖ്യയുടെ മൂന്നിലോന്നുമാത്രമേ ഇസ്രായേലില്‍ ഉള്ളൂ.. മൂന്നില്‍ ഒന്നു അമേരിക്കയിലും ബാക്കി ലോകത്താകമാനം ചിതറിയും ജീവിക്കുന്നു. പക്ഷെ ഇത്രയും ചെറിയ ഒരു ജനത അതായത് ഏകദേശം അറുപതുലക്ഷം ജൂതന്മാര്‍ എങ്ങനെ അറബികളെ മുഴുവന്‍ വിറപ്പിക്കുന്നു..ആലോചിട്ടുണ്ടോ..??

പൊതുവെ അതീവബുദ്ധിമാന്‍മാരായ ജൂതന്മാര്‍ പ്രശ്നക്കാരല്ല.. ബിസിനസ്,സിനിമ,കല,ശാസ്ത്രം,തുടങ്ങിയ മേഖലകളില്‍ മുന്‍പന്തിയില്‍ നില്‍ക്കുന്നവര്‍ ആണ്. സ്പോര്‍ട്സ് തുടങ്ങിയ മേഖലകളിലും അവര്‍ നിപുണര്‍ തന്നെ.. തങ്ങള്‍ ഉള്‍പ്പെടുന്ന സമൂഹം വളര്‍ത്തുന്നവര്‍ തന്നെ..ലോകത്തിലെ ശാസ്ത്രഞ്ജന്‍മാരില്‍ ഏറ്റവും കേമനായിരുന്ന ആല്‍ബെര്‍ട്ട് ഐന്‍സ്ടിന്‍,ചെല്സീ ഫുട്ട്ബോള്‍ ക്ലബിന്‍റെ ഉടമ റോമന്‍ അബ്രോമോവിച്ച്,ഇന്‍റെല്‍ കമ്പനിയുടെ ഉടമ ക്രൈഗ് ബാരറ്റ് തുടങ്ങിയവര്‍ മാത്രമല്ല അമേരിക്കയിലെ പ്രശസ്ത സിനിമനിര്‍മാണ കമ്പനികള്‍ വാര്‍ണര്‍,യൂണിവേര്‍സല്‍,തുടങ്ങി മിക്കവയും ഇവരുടെ തന്നെ..

സിനിമ ലോകത്തിലെ മിക്ക പ്രശസ്തരും ജൂതര്‍ തന്നെ..(സ്റ്റീവന്‍ സ്പീല്‍ബെര്‍ഗ് വരെ) ഇന്ത്യയില്‍ തന്നെ ഇപ്പോഴും പതിനയ്യായിരം ജൂതരുണ്ട്.. അവരുടെ പേരില്‍ വല്ല കേസും ഇവിടെ നിലവിലുണ്ടോ എന്ന് അന്വേഷിച്ചു നോക്കുക...പൊതുവെ ഏത് രംഗത്തായാലും വളരാനും അതുവഴി സമൂഹത്തിന് തങ്ങളാലാവുന്ന സംഭാവന നല്‍കുന്നവരാണ് ജൂതന്മാര്‍..കേരളത്തിലെ മുമ്പുണ്ടായിരുന്ന ജൂതന്മാരെകുറിച്ചു മട്ടാഞ്ചേരിയില്‍ തിരക്കിയാല്‍ അറിയാം.. ഇന്നും മലയാളികളോട് നന്ദിയുള്ള സമൂഹമാണ് ജൂതന്മാരുടെ. നമ്മുടെ ആറ്റം ബോംബിന്‍റെ പിതാവിന്‍റെ (ഹോമിബാബ) ഭാര്യയും ജൂതതന്നെ..

.ഇനി പാലസ്തീനികളെ പറ്റി.. ഒരിക്കല്‍ ജൂതന്മാരെ തകര്‍ത്ത് ചിന്നഭിന്നമാക്കി ചിതറിച്ചവരാണ് പാലസ്തീനികള്‍.കുവൈറ്റ് ഇറാക്ക് ആക്രമിച്ചപ്പോള്‍ കുവൈറ്റിനെ കൊള്ളയടിച്ച മാന്യന്മാരായ പാലസ്തീനികളെ കുവൈറ്റില്‍ അക്കാലത്ത് താമസിച്ച മലയാളികള്‍ മറക്കില്ല..

ഹമാസും,ഫത്തായും,പി.എല്‍.ഓ.യും തുടങ്ങി നൂറ്റിഅറുപതില്‍ താഴെ തീവ്രവാദി സംഘടനകളെ വച്ചുപുലര്‍ത്തുന്ന മഹാന്മാരാണ് പാലസ്തീനികള്‍..നമ്മുടെ എല്‍.ടി.ടി.ഇ. ചാവേര്‍ ബോംബിങ്ങില്‍ വിദഗ്ദപരിശീലനം നടത്തിയതും ഹമാസില്‍ നിന്നായിരുന്നുവേന്നോര്‍ക്കണം. ഇന്നും ലഷ്കറിന്റെ മാത്രമല്ല,ഹിസ്ബുള്‍ മുജാഹിദിന്‍റെയും,അല്‍ ക്വൈദയുടെയും ഭീകരന്മാരും ഇവിടെ ആഥിത്യം കിട്ടുകയും ആശയങ്ങളും തന്ത്രങ്ങളും കൈമാറാനും വരാറുണ്ട്‌..ഒപ്പം ഹിസ്ബുള്ളയും (ലബനോന്‍) .എല്‍.ടി.ടി.ഇ.ചാവേറാക്രമണം നടത്തികൊന്ന രാജിവ്ഗാന്ധിയെ മറന്നു പോയോ.. അതില്‍ പിന്നെയാ എല്‍.ടി.ടി.ഇ. ഇവിടെ നിരോധിക്കപ്പെട്ടത്..

ലോകത്തിലെ ഏറ്റവും വലിയ തീവ്രവാദിപരിശീലനകേന്ദ്രത്തില്‍ മക്കളെ അയക്കുന്ന അമ്മമാരും,ഭര്‍ത്താക്കന്‍മാരെ വിടുന്ന ഭാര്യമാര്‍ അതിന് തിരിച്ചടി പ്രതീക്ഷിക്കെണ്ടേ.. അന്ന് സന്തോഷിക്കുന്ന അവര്‍ ഇന്നു കരയുന്നതില്‍ തെറ്റുണ്ടോ.. "കാറ്റു വിതയ്ക്കുന്നവന്‍.കൊടുങ്കാറ്റ് കൊയ്യും " എന്നാണു പ്രമാണം. സൗദി അറേബ്യയില്‍ നിന്നും ഇറാനില്‍ നിന്നും കോടികള്‍ തീവ്രവാദത്തിന് വേണ്ടി ഒഴുകിയെത്തുമ്പോള്‍ ആയുധം വാങ്ങുന്ന പാലസ്തീനികള്‍ എന്തുകൊണ്ട് ഇന്നു നിലവിളിക്കുന്നു..

ഇസ്രായേലിനു ചുറ്റും അവര്‍ക്ക് ശത്രുക്കള്‍ മാത്രമെ ഉള്ളൂ.. മിത്രങ്ങള്‍ പോയിട്ട് അനുഭാവപൂര്‍വ്വം നോക്കുന്നവര്‍ പോലുമില്ല..അവരുടെ അദ്ധ്വാനം,ബുദ്ധി അതാണവരെ വളര്‍ത്തിയത്.. അനസ്യൂതമായ തമ്പുരാന്‍ കൊടുത്ത എണ്ണയുടെ ഹുങ്കില്ലാതെയാണവര്‍ വളര്‍ന്നത്‌. മടിയന്മാരായ അറബികള്‍ സുഖിച്ചു നടന്നപ്പോള്‍ എല്ലാ ജൂതന്മാര്‍ക്കും നിര്‍ബന്ദമായി സൈനികപരിശീലനം കൊടുത്ത് വിദ്യാഭാസത്തിലും ആധുനീകരണത്തിലും ഊന്നല്‍ കൊടുത്തു അവരെ ആ മേഖലയിലെ ശക്തിയാക്കി..

പിന്നെ പാലസ്തീന്‍ എന്താണ് പ്രതീക്ഷിക്കുന്നത്... ഇന്ത്യയുടെ നെഞ്ചത്തു പാകിസ്താന്‍ സംഹാരതാണ്ഡവം ആടിയശേഷം അതിന്‍റെ തെളിവുമായി ഊരുതെണ്ടുന്ന ഇന്ത്യയുടെ പ്രതികരണരീതിപോലെ ലോകരാജ്യങ്ങളുടെ പിന്നാലെ ഹാമാസിന്‍റെ തീവ്രവാദികളെപ്പറ്റി തെളിവുമായി ഇസ്രയേല്‍ നടക്കണോ... ? ലോകത്തിന്‍റെ കോണുകളില്‍ ജൂതന്മാരെ പറപ്പിച്ചപ്പോള്‍ നല്ല രസമായിരുന്നു.. ? തീവ്രവാദി ആക്രമണങ്ങളില്‍ ജൂതന്മാരെ വിറപ്പിച്ചപ്പോള്‍ രസമായിരുന്നു..? പക്ഷെ ഇപ്പോള്‍ കളിമാറിയപ്പോള്‍ ലോകത്തിന്‍റെ സഹായം എന്തിന് പാലസ്തീന്‍ ചോദിക്കുന്നു..?

സത്യത്തില്‍ നമ്മുടെ ശാപമായ പാകിസ്ഥാനി തിവ്രവാദികള്‍ക്ക് പോലും സഹായവും പരിശീലവും നല്കുന്ന പാലസ്തീന് വേണ്ടിതന്നെ വാദിക്കണോ..?

നാസികള്‍ ജൂതന്മാരെ വേട്ടയാടാന്‍ പ്രധാനകാരണം എന്തായിരുന്നു..തങ്ങളാണ് കേമന്മാര്‍ എന്ന ഹിറ്റ്ലര്‍ ചിന്താഗതി തങ്ങളേക്കാള്‍ സമര്‍ത്ഥന്‍മാരായ ജൂതന്മാരെ കൊല്ലുവാന്‍ അദ്ദേഹത്തെ പ്രേരിപ്പിക്കുകയായിരുന്നു..ഇന്ത്യയില്‍ ജൂതന്മാര്‍ക്ക് പകരം (15000 ഇന്നും ഉണ്ട് ) അത്തരം പാലസ്തീനികള്‍ ആയിരുന്നുവെങ്കില്‍ എന്താകുമായിരുന്നുവെന്ന് ആലോചിട്ടുണ്ടോ..?

ഇതിന്‍റെ അവസാനം ഇത്രയും പറഞ്ഞു കൊള്ളട്ടെ.. പാലസ്തീന്‍ പടര്‍ത്തുന്ന വെറുപ്പിന്റെയും വിദ്വേഷത്തിന്റെയും പാതയും തീവ്രവാദവും,ചാവേര്‍ ആക്രമണവും അതിന് തങ്ങളുടെ മക്കളെയും ഭര്‍ത്താവിനെയും അയക്കുന്നവരെയുംകുറിച്ചു വേവലാതിപെടേണ്ട കാര്യമില്ല..ഉപ്പ് തിന്നുന്നവന്‍ വെള്ളം കുടിക്കും..സ്വാഭാവികം.. തീവ്രവാദം എന്നുള്ള ശാപത്തിന്‍റെ ഫലങ്ങള്‍ നമ്മളും അനുഭവിക്കുന്നില്ലേ.. എന്നിട്ടും അതിന്‍റെ തായ് വേരായ പാലസ്തീനോട് സഹതാപം.. നാളെ നമ്മെ (ബോംബെയിലെ തീവ്രവാദി ആക്രമണം) ആക്രമിച്ചതിന്‍റെ പകരം ഇന്ത്യ പാകിസ്ഥാനെ ആക്രമിച്ചാലും ഇതുപോലെ കുറെ കുഞ്ഞുങ്ങളും സ്ത്രീകളും മരിക്കും.. അതവര്‍ തങ്ങളുടെ പ്രീയപ്പെട്ടവരെ ജിഹാദികള്‍ അക്കിയതിന്‍റെ ഫലം എന്നെ പറയാനാവൂ..

ഒരു സഭ്യമായ ജീവിതരീതിയുടെ ശത്രുക്കള്‍ ആണ് തീവ്രവാദവും തീവ്രവാദികളും..അവരെ സഹായിക്കുന്നവര്‍ തിരിച്ചടിയുണ്ടാകുമ്പോള്‍ ലോകത്തിന്‍റെ കരുണയ്ക്ക് കേഴാന്‍ അര്‍ഹരല്ല.. കൂടുതല്‍ ചൊറിഞ്ഞാലും തിരിച്ചടിയ്ക്കാതിരിക്കാന്‍ ഇസ്രായേലിന്‍റെ ദേശീയപിതാവ് മഹാത്മാഗാന്ധിയല്ല എന്ന് പാലസ്തീനികള്‍ മനസ്സിലാക്കട്ടെ.. ഇതുകൊണ്ടു ഒരു തീവ്രവാദികളുടെ മട തകര്‍ക്കാനായാല്‍ നമ്മുക്കും അത് ആശ്വാസം തരുന്നതാണ്..

ചുമ്മാതെ ആളുകള്‍ മരിക്കുമ്പോള്‍ മുതലക്കണ്ണീര്‍ ഒഴുക്കാതെ സമചിത്തതയോടെ കാര്യങ്ങള്‍ മനസ്സിലാക്കാന്‍ ശ്രമിക്കുന്നതാവും നല്ലത്..

Wednesday, January 7, 2009

16.കോടതിമുറിയിലെ ഇടയലേഖനം

അഭയകൊലക്കേസിന് പ്രായം പതിനാറ് കഴിഞ്ഞു. അതിനെക്കുറിച്ച് പലരും പറഞ്ഞും വായിച്ചും അറിയാത്തതായി ഒന്നുമില്ല.. എന്നാല്‍ ഞാന്‍ അതിന്‍റെ ഇന്നത്തെ അവസ്ഥയെ പലരുടെയും കാഴ്ചപ്പാടോട് നോക്കിക്കാണുകയും ഒപ്പം അവയ്ക്കുനേരെ കോടതിയുടെ പ്രതികരണവുമാണ് വിഷയമാക്കുന്നത്.

അഭയയുടെ കൊലക്കേസിലെ ഏറ്റവും വലിയനഷ്ടം സംഭവിച്ചത് അഭയയുടെ ആത്മാവിനാണ്.. അത്മാവുണ്ടോ ഇല്ലയോ എന്ന് ചോദിച്ചു യുക്തിവാദികള്‍ എന്‍റെ തലയില്‍ കയറി നിരങ്ങണ്ട.കാരണം കാലമിത്രയും ആയിട്ടും കര്‍ത്താവിന്‍റെ മണവാട്ടിയാകാന്‍ തിരുവസ്ത്രം അണിഞ്ഞിട്ടും അഭയയുടെ രക്ഷയ്ക്ക് സാക്ഷാല്‍ കര്‍ത്താവോ കര്‍ത്താവിന്‍റെ മാലാഖകളോ വന്നില്ല.. കുറഞ്ഞപക്ഷം അഭയം പ്രാപിക്കുന്നവരെ രക്ഷിക്കാന്‍ അദ്ദേഹത്തിന് ബാധ്യതയുണ്ടല്ലോ.. പോട്ടെ തല്‍ക്കാലം അദ്ദേഹത്തിനെ വെറുതെ വിടുന്നു...

അഭയയുടെ വീട്ടുകാര്‍

കേസിന്‍റെ ആദ്യഘട്ടങ്ങളില്‍ കുറ്റവാളികളെ പിടികൂടാന്‍ കാട്ടിയിരുന്ന ആവേശം ഇടയ്ക്ക് കുറഞ്ഞെന്നുമാത്രമല്ല അതിന് വേണ്ടി ഓടി നടന്ന ജോമോന്‍ പുത്തെന്‍പുരയ്ക്കലിന്‍റെ ഉദ്ദേശശുദ്ധിയില്‍ സംശയം തോന്നുകയും അദ്ദേഹത്തിനെ അവഹേളിക്കുകയും ചെയ്ത അഭയാപിതാവിന്‍റെ നഷ്ടം എന്തായാലും അന്ന് മലയാളികള്‍ തിരിച്ചറിഞ്ഞതാണ്. പണത്തിനുമേലെ അപ്പനും പറക്കില്ലല്ലോ..ഇന്നു ഒരു പക്ഷെ സമയം മലക്കം മറിയുമെന്ന തിരിച്ചറിവാകാം വീണ്ടും സഭയ്ക്കും പുരോഹിതന്മാര്‍ക്കും നേരെ വാളോങ്ങാന്‍ ആദ്ദേഹത്തെ പ്രേരിപ്പിച്ചത്..

ജോമോന്‍ പുത്തെന്‍പുരയ്ക്കല്‍

ഒരു പക്ഷെ ഏവരുടേയും ചോദ്യം ഇതാവും.. ഇതുകൊണ്ടു ജോമോന്‍ എന്ത് നേടി.. ലോകത്ത് ഒരു ബാങ്കിലും അദ്ദേഹത്തിന് അഭയകേസുമൂലം പണം സമ്പാദിക്കാനായി എന്ന് തെളിഞ്ഞിട്ടില്ല..എന്നാല്‍ മാനസിക,ശാരീരിക മര്‍ദ്ദനം ആവോളം ലഭിക്കുകയും ചെയ്തു.. ഒരു പക്ഷെ അദ്ദേഹത്തിന് ആവോളം പ്രസിദ്ധി ഇതുമൂലം ലഭിച്ചെങ്കിലും അഭയകേസിനു എന്നും ജീവന്‍ കേടാതിരിക്കാനും സഭയുടെ ഉറക്കംകെടുത്താനും ഒരാളെ കിട്ടിയെന്നതാണ് അദ്ദേഹത്തിന്‍റെ പ്രസക്ത്തി..

സഭയുടെ കാഴ്ചപ്പാടില്‍

ക്നാനായ കത്തോലിക്കാ സഭയോ മേത്രാന്മാരോ എങ്ങനെ ഇതില്‍ പ്രതികരിക്കാന്‍ കഴിയും...കാരണം അന്ന് നടന്നുവെന്ന് പറയുന്ന വ്യഭിചാരകഥ അവര്‍ക്ക് പുതുമയുള്ളതാണോ.? ഇനിയും വേറെയും അച്ചന്മാരും കന്യാസ്ത്രീമാരും ഉള്ള സഭയില്‍ ഇവരെ തള്ളിപ്പറഞ്ഞാല്‍ മറ്റു കഥകള്‍ ഈ കുറ്റാരോപിതര്‍ കോടതിയില്‍ വെളിപ്പെടുത്തിയാല്‍ പിന്നെ ജനം ഇവരെയൊക്കെ വെറുതെ വിടുമോ.. തന്നെയുമല്ല കേള്‍ക്കുന്ന ജനത്തിന് അത്ഭുദം ആണെങ്കിലും സഭയില്‍ സാധാരണ സംഭവം മാത്രമാണ്..

ഇതിന്‍റെയൊക്കെ വിശദീകരണം ആഴത്തില്‍ പറഞ്ഞാല്‍ പിന്നെ ഒരു മഞ്ഞപ്പത്രത്തിന്‍റെ നിലയിലേക്ക് ബ്ലോഗിനെ കൊണ്ടുപോകേണ്ടിവരും.. പക്ഷെ രണ്ടുലക്ഷത്തില്‍ താഴെ മാത്രം ജനസംഖ്യയുള്ള മേല്‍പ്പടിസഭ ഒന്നോര്‍ത്താല്‍ കൊള്ളാം ..കേരളത്തിലെ ജനസംഖ്യ നാല് കോടിയാണ്.. ഭാരതത്തിന്‌ പോലും നാണംകേടുണ്ടാക്കുന്ന ഈകാര്യം സഭവേണ്ടും വിധം പ്രതികരിച്ചില്ലെങ്കില്‍ ജനങ്ങള്‍ പ്രതികരിച്ചാല്‍ പിന്നെ ......?? പക്ഷെ കേരളത്തിലെ ജനങ്ങള്‍ വെറും കടലാസ് പുലികള്‍ ആണെന്ന് രാഷ്ട്രീയക്കാരേക്കാള്‍ നന്നായി സഭയ്ക്കും അവരെ ഭരിക്കുന്ന മേലാളന്മാര്‍ക്കും അറിയാം..

പൂത്ത്രുക്കയും കൊട്ടൂരനും മറ്റവളും..

ഒരു തെറ്റ് ചെയ്തുപോയി... എന്താ ചാകാന്‍ കഴിയുമോ.. കല്യാണം കഴിക്കരുതെന്നത് സഭയുടെ തീരുമാനമല്ലേ.അല്ലാതെ ഇവരുടെ അല്ലല്ലോ.. മറ്റുള്ളവര്‍ കഴിക്കുന്ന ഭക്ഷണം കഴിക്കുന്ന ഇവര്‍ക്ക് മറ്റുള്ളവരുടെ വികാരങ്ങളും ഉണ്ടായാല്‍ ഇവരെ കുറ്റം പറയാന്‍ കഴിയുമോ.. പിന്നെ സെഫി നടത്തിയ ഉടായിപ്പ് നാടകങ്ങള്‍ (ശസ്ത്രക്രിയയും,ശരീര അസ്വാസ്ത്യ നാടകവും പോട്ടെന്നു വച്ചേക്കൂ.) അതും നമുക്കു തല്‍ക്കാലം കണ്ണടയ്ക്കാം. കുറ്റം ചെയ്താലും ജീവിക്കാന്‍ അവര്‍ക്കും കൊതിയുണ്ടാകുമല്ലോ. തന്നെയുമല്ല അവരുടെ കണ്ണില്‍ വെറും ഒരു പ്രവര്‍ത്തിയില്‍ കഴിഞ്ഞുമറ്റൊന്നുമില്ല.. അവരെയും തല്‍കാലം ഞാന്‍ അവലകനത്തില്‍ നിന്നും ഒഴിവാക്കുന്നു.. കുറ്റവാളികള്‍ രക്ഷപ്പെടുവാന്‍ കാട്ടുന്ന സ്വാഭാവിക പ്രവര്‍ത്തികള്‍ മാത്രം..

മാധ്യമങ്ങള്‍..

കേരളത്തില്‍ മാധ്യമങ്ങള്‍ മൂലം നിലനിന്ന ഒരു കേസാണിത്..ഇന്നു കോടതി വിമര്‍ശിച്ച മാധ്യമങ്ങള്‍ ഇല്ലായിരുന്നുവെങ്കില്‍ എന്നെ കോടതിയുടെ ചുവപ്പ് നാടകളില്‍ ഒതുങ്ങിപോയേനെ..ന്യൂ ഇന്ത്യാ എക്സ്പ്രെസ്സ് മാത്രമല്ല കേരളത്തിലെ ദീപിക ഒഴികെ എല്ലാ പത്രങ്ങളും ടിവി ചാനലുകളും ഇതിന്‍റെ ക്രെഡിറ്റ് അവകാശപ്പെടാം.. ഇവരെ വിമര്‍ശിച്ച കോടതി സത്യത്തില്‍ സഭയ്ക്ക് വേണ്ടി മണിയടിക്കുകയായിരുന്നു.

ലഡ്ഡുകൊടുത്ത മാന്യമാര്‍.

സത്യത്തില്‍ ഇവരാണ് ആധുനിക ലോകത്തെ യൂദാസ്.. സ്വന്തം അമ്മയേം പെങ്ങളെയും വ്യഭിചരിക്കാന്‍ ജാരനോട് ഒപ്പം പറഞ്ഞുവിട്ടിട്ട് അവര്‍ക്ക് വിളക്ക്പിടിക്കുന്ന മാന്യന്മാര്‍.. ഇവര്‍ സത്യത്തില്‍ സമൂഹത്തിന്‍റെ നേരെ കൊഞ്ഞനം കുത്തി കാണിക്കുകയാണ് ചെയ്തത്..പക്ഷെ കേരളത്തിലെ ജനങ്ങള്‍ പ്രതികരിച്ചാല്‍......പലസംസ്ഥാനങ്ങളിലും ഇതിന്‍റെ മോശം വശം സഭ അറിഞ്ഞതാണ്.. ഇന്നും ഒരു കന്യാസ്ത്രീ തിരിച്ചറിയല്‍പരേഡില്‍ തന്നെ ബലാല്‍സംഗം ചെയ്തവരുടെ മുഖം തിരിച്ചറിയാന്‍ പങ്കെടുക്കുന്നുവന്നതും ഒരു സത്യം മാത്രമാണ്..

കേരളത്തിലെ ജനങ്ങള്‍

ഏറ്റവും ആത്മസംയമനം ഉള്ളവരാണ് തങ്ങള്‍ ഈ കേസില്‍ മലയാളികള്‍ തെളിയിച്ചു..കാരണം മലയാളികളുടെ ക്ഷമയെ ചോദ്യം ചെയ്യുന്ന സംഭവങ്ങളുടെ ഘോഷയാത്രയാണ് ഇതുവരെ നടന്നത്..

സി.ബി.എ.

ലോക്കല്‍ പോലീസും ക്രൈം ബ്രാഞ്ചും ശ്രമിച്ചാല്‍ തെളിയിക്കാന്‍ കഴിയാത്ത കേസുകള്‍ തെളിയിക്കാന്‍ കഴിയുമെന്ന ജനങ്ങളുടെ വിശ്വാസം ഇതുവരെ കാത്തുസൂക്ഷിച്ച ഇവരുടെ വിശ്വാസ്യതയെ കോടതി ചോദ്യം ചെയ്യുകയും ചെയ്തു.. സത്യത്തില്‍ സി.ബി.ഐ.നടത്തിയ ആത്മാര്‍ത്ഥ ശ്രമങ്ങളുടെ വിലയിടിച്ചു കാണിക്കുകയാണ് കോടതി ചെയ്തത്..ഇന്ത്യയിലെ ഏറ്റവും നല്ല തലച്ചോറുകള്‍ ഉള്ള സി.ബി.ഐ. ലോകത്തിലെ തന്നെ ഏറ്റവും നല്ല കുറ്റാന്വേഷണ വിഭാഗം ആണെന്ന് കോടതി മനസ്സിലാക്കിയാല്‍ നല്ലത്..

കോടതി..

ലോകത്തിലെ ഏറ്റവും വലിയ ഡെമോക്രസിയായ ഇന്ത്യയിലെ ദുഷിക്കാത്ത സര്‍ക്കാര്‍ സംവിധാനം ജൂഡിഷ്യറിയാണെന്ന് കരുതിയ ജനങ്ങളുടെ വിശ്വാസത്തെ ചോദ്യം ചെയ്യുന്ന തീരുമാനം ആണ് കോടതിയില്‍ നിന്നുണ്ടായത്,. സി.ബി.ഐ. യെ മാത്രമല്ല മാധ്യമങ്ങളെയും കോടതി വെറുതെ വിട്ടില്ല. ജസ്ടിസിനു ശമ്പളം തരുന്നത് സഭയാണെന്ന് തോന്നിപ്പിക്കുന്ന പ്രകടങ്ങള്‍ ആയിരുന്നു ജസ്റ്റിസ് ഹേമയുടെ... മൂന്നു കുറ്റാരോപിതരെയും മാലഖകളെ പോലെ വാഴ്ത്തിയ ഹേമ തന്‍റെ റോള് ആങ്ങേയറ്റം ഭംഗിയാക്കി. പക്ഷെ തന്‍റെ മുകളില്‍ സുപ്രീം കോടതിയും തലയ്ക്കു മുകളില്‍ ദൈവവും ഉണ്ടെന്നു മറന്നു പോയ ജസ്റ്റിസ് അക്ഷരാര്‍ത്ഥത്തില്‍ ആഭാസന്മാരുടെ രക്ഷയ്ക്ക് വേണ്ടിയുള്ള പറന്നാട്ടമായിരുന്നു. അവസാനം "കര്‍ത്താവേ ഇവര്‍ ചെയ്യുന്നത് എന്താണെന്നറിയില്ല..ഇവരോട് പൊറുക്കണേ എന്നുള്ള " വാചകത്തോടെ തന്‍റെ ഇടയലേഖനം അവസാനിപ്പിച്ചു..

കുറ്റവാളികളെ രക്ഷിക്കാന്‍ ഇത്ര മോഹം ഉണ്ടായിരുന്നുവെങ്കില്‍ അവര്‍ക്ക് വേണ്ടിവാദിക്കാന്‍ ഹാജാരാകണമായിരുന്നു. അല്ലാതെ അവരുടെ ആസനംതാങ്ങുന്ന ഒരിടമായി കോടതിയെ തരം താഴ്ത്തരുതായിരുന്നു.അങ്ങനെ ഇന്ത്യന്‍ നീതിന്യായ വ്യവസ്ഥിതിയുടെ ഏറ്റവും മോശമായ ഒരു ദിവസം സമ്മാനിച്ചുകൊണ്ട് ഹേമവിധിപറഞ്ഞപ്പോള്‍ സത്യത്തില്‍ അഭയാകേസ് നിന്നു പോകുകയായിരുന്നു.. എന്നാല്‍ ജസ്റ്റിസ് സമ്പത്തിനെ പോലെ നിയമം വ്യഭിച്ചരിക്കുന്നവര്‍ക്കുല്ലതല്ല എന്നറിയാവുന്നവര്‍ ഇതില്‍ ഇടപെട്ടു എന്നതില്‍ സന്തോഷം ഉണ്ട്..

നാളെ ഈ കേസ് എന്ത് തന്നെയാകട്ടെ...ആരെ വേണമെങ്കിലും ശിക്ഷിക്കട്ടെ...പക്ഷെ അഭയാ ഹേമയുടെ സഹോദരിയോ മകളോ ആയിരുന്നെങ്കില്‍ മുപ്പതു വെള്ളികാശിന് കര്‍ത്താവിനെ ഒറ്റിയ യൂദാസിന്‍റെ പ്രകടം ആവര്‍ത്തികുമായിരുന്നൂ....??

സത്യത്തില്‍ സിസ്റ്റര്‍ സെഫിയോടു പോലും ഇത്ര അറപ്പ് തോന്നുന്നില്ല ജസ്റ്റിസ് ഹേമ അമ്മച്ചി......

Sunday, January 4, 2009

15.മമ്മൂട്ടിയുടെ ബ്ലോഗിന്‍റെ അപരന്മാര്‍

സിനിമയില്‍ വില്ലന്മാരെ ഒതുക്കുന്ന മമ്മൂട്ടി പരിചിതമല്ലാത്ത ബ്ലോഗിന്‍റെ ബൂലോഗത്തും കാല്‍വെയ്പ്പ് നടത്തി.. അഭിനന്ദനങ്ങള്‍. നടന്നാലും ഇല്ലെങ്കിലും കുറെ ഉപദേശങ്ങളും ബോഗിലൂടെ കൊടുത്തു.. ഒപ്പം ഫാന്‍സ്‌ അസോസിയേഷന്‍ ഉള്ള പേരിലും ഇല്ലാത്തപേരിലും ആയി കമന്‍റുകളുടെ പെരുമഴയും പെയ്യിച്ചു..

സിനിമാതാരങ്ങളുടെ ബ്ലോഗില്‍ വായനക്കാര്‍ എന്നും കൂടുതലാണ്. സല്‍മാന്‍ ഖാന്‍, അമിതാബ് ബച്ചന്‍ എന്നിവര്‍ അത് നേരത്തെ തന്നെ തെളിയിച്ചിട്ടുള്ളതാണ്.. മമ്മൂട്ടി ഒരു പ്രതിഭാശാലിയായ നടനാണ്‌.. അതില്‍ ആര്‍ക്കും ഒരു സംശയവും ഇല്ലാ. എന്നാല്‍ ആ മികവ് ബ്ലോഗിലും കാണിച്ചില്ലെങ്കില്‍ നാണം കേടാവും. ഇതുവായിക്കുന്നവര്‍ക്ക് ഞാന്‍ മോഹന്‍ലാല്‍ ഫാന്‍ ആണെന്ന് തോന്നാം.. അല്ല.. മുമ്പ് ചില താരങ്ങള്‍ (ശ്രീരാമനെ പോലെ) പൊട്ടിയത് പോലെ എഴുനിലയില്‍ പൊട്ടാതെ ഇരുന്നാല്‍ കൊള്ളാം എന്നുമാത്രം... ബ്ലോഗിലെ കമന്റുകള്‍ വായിച്ചാല്‍ അറിയാം.. അതില്‍ ആത്മാര്‍ഥമായി കമന്റ് ഇട്ടവര്‍ കുറവ്.. എല്ലാം വെറും ഫാന്‍സിന്‍റെ സുഖിപ്പിക്കല്‍സ് മാത്രം..

പക്ഷെ ഈ പെരുമഴയില്‍ കുറെ വ്യാജന്മാരും ഒപ്പം കൂടി..

ചിലര്‍ ഐ.ആം.ദ.മമ്മൂട്ടി ആയെങ്കില്‍ ചിലര്‍ ഐ.ആം.മാമൂട്ടി ആയെന്നു മാത്രം...

മമ്മൂട്ടിയുടെ ബ്ലോഗ്

http://i-am-mammootty.blogspot.com/

വ്യാജ മമ്മൂട്ടികളുടെ ബ്ലോഗുകള്‍

1.http://iam-mammootty.blogspot.com/

2.http://iammammootty.blogspot.com/

3.http://mammootty.blogspot.com/

4.http://mamootty.blogspot.com/

5.http://i-am-the-mammootty.blogspot.com/

6.http://i-ammammootty.blogspot.com/

7.http://i-ammamootty.blogspot.com/

8.http://i-am-mamootty.blogspot.com/

9.http://imammootty.blogspot.com/

(ഒന്നിറങ്ങിയാല്‍ വ്യാജന്മാര്‍ ഒമ്പത് ഇറക്കും വ്യാജന്മാര്‍)