തെറിവിളി കമന്റുകളും സ്പാം കമന്റുകളും ഡിലീറ്റ്‌ ചെയ്യപ്പെടും...

Tuesday, July 7, 2009

136.മൂപ്പിലാനുമായി അഭിമുഖം

(ഈ അഭിമുഖത്തിനു ജീവിച്ചിരിക്കുന്നവരോ മരിച്ചവരോ ആയി യാതൊരു ബന്ധവുമില്ല. അഥവാ തോന്നിയാല്‍ അത് കേവലം തോന്നല്‍ മാത്രമായിരിക്കും.ഈ അഭിമുഖം സാങ്കല്‍പ്പികം മാത്രം. സുപ്രസിദ്ധ നാട്ടുരാജാവും ആത്മീയാചാര്യനുമായ മൂപ്പിലാനും കൂതറവിഷന്റെ പ്രതിനിധി ജയന്റ്കില്ലര്‍ അധികാരിയും തമ്മിലുള്ള അഭിമുഖത്തിന്റെ പ്രസക്തഭാഗങ്ങള്‍)

ജയന്റ് : കൂതറവിഷനിലേക്ക് സ്വാഗതം.

മൂപ്പിലാന്‍: അതങ്ങ് നിന്റെ തറവാട്ടില്‍ കൊണ്ട് വെച്ചേരെ. വിളിക്കാത്ത പന്തിയില്‍ ഉണ്ണാന്‍ പോകുന്ന പതിവുകാരനാ ഞാന്‍ പിന്നെ നിന്റെ സ്വാഗതം. നീ പോടാ. ചോദിക്കാനുള്ളത് ചോദിക്ക്.

ജയന്റ് : താങ്കളെ എല്ലാവരും മൂപ്പില്‍സെന്നും വിളിക്കാറുണ്ട് എന്ന് കേട്ടല്ലോ.?

മൂപ്പിലാന്‍: അതെ ചിലര്‍ മൂപ്പിലാന്‍, മൂപ്പില്‍സ്,മൂപ്സ്‌ ,മൂപ്പ് ചിലര്‍ കേള്‍ക്കാതെ കോപ്പേ എന്നും വിളിക്കാറുണ്ട്. എന്ത് വിളിച്ചാലും എനിക്കൊന്നും ഇല്ല. ഞാന്‍ ആരാ മോന്‍.

ജയന്റ് : ആരാ മോന്‍?

മൂപ്പിലാന്‍: അതെ ആരാ മോന്‍. അല്ല ആരുടെയാ മോന്‍..?

ജയന്റ് : അത് താങ്കള്‍ക്കും അറിയില്ലേ. ആരുടെയാ മോന്‍ എന്ന്. അതെനിക്കറിയെണ്ട..!!

മൂപ്പിലാന്‍: പോടാ തെമ്മാടി. ഒരു മാതിരി കോപ്പിലെ വര്‍ത്തമാനം പറയല്ലേ.

ജയന്റ് : മൂപ്പിലാന്‍ മാടമ്പിത്തരം കാണിക്കുന്നുവെന്ന് പരാതി കേട്ടിട്ടുണ്ടല്ലോ.

മൂപ്പിലാന്‍:
ഫ..!! ചൂലേ. എന്റെ സംസ്കാരമല്ലാതെ നിന്റെ സംസ്കാരം കാണിക്കാന്‍ പറ്റുമോ.

ജയന്റ് : അങ്ങ് വലിയ സാഹിത്യകാരന്‍ ആണെന്ന് കേട്ടല്ലോ.

മൂപ്പിലാന്‍: പിന്നെ കൊള്ളാം. ഞാന്‍ ഇല്ലെങ്കില്‍ മലയാളം എന്നൊരു ഭാഷയെ ഇല്ലാണ്ടാവുമായിരുന്നല്ലോ. ഞാന്‍ അല്ലെ മലയാളം തന്നെ. മലയാളം മലയാളി മൂപ്പിലാന്‍.. ഞാന്‍ എന്തെഴുതിയാലും അത് സാഹിത്യം തന്നെ. കാളമൂത്രം പോലെ വലിച്ചു കുടിച്ചു കൈയടിച്ചു പോയ്ക്കോണം. അതിനെ എതിര് പറഞ്ഞാല്‍ വിവരം അറിയും. എന്റെ അനോണിപട്ടാളക്കാര്‍ അവന്റെ തറവാട്‌ മുടിയ്ക്കും.

ജയന്റ് : അപ്പോള്‍ ആരും വിമര്‍ശിക്കേണ്ട എന്നാണോ.?

മൂപ്പിലാന്‍: എനിക്ക് സുഖിപ്പീര് കേട്ട് മടുക്കുമ്പോള്‍ ഞാന്‍ തന്നെ ഒന്നോ രണ്ടോ വിമര്‍ശനം എന്റെ പത്രത്തില്‍ ഇട്ടോളം. അല്ലാതെ ആരും അതിനു മഞ്ഞു കൊള്ളേണ്ട..!

ജയന്റ് : മൂപ്പിലാന്റെ സില്‍ബന്ധികള്‍ എവിടെ. അവരല്ലേ താങ്കളുടെ വാല്‍

മൂപ്പിലാന്‍: ആര് നാണപ്പനോ അതോ എന്റെ കരുത്തന്‍ സനല്‍ ജെറ്റ്പാക്കോ

ജയന്റ് : അതെ രണ്ടു പേരും.

മൂപ്പിലാന്‍: സനല്‍ അങ്ങനെ തെണ്ടിത്തരത്തിനു കൂട്ട് നില്‍ക്കില്ല. ചിലപ്പോള്‍ കൈയടിക്കാന്‍ കൂടും എന്നാലും വൃത്തികേട്‌ കാണിക്കാന്‍ കൂടെ വരില്ല

ജയന്റ് : അപ്പോള്‍ നാണപ്പനോ

മൂപ്പിലാന്‍: അവനല്ലേ പുലി. പുപ്പുലി. കണ്ടാല്‍ എല്ലാവരുടെയും കൂട്ടുകാരന്‍. സത്യത്തില്‍ അവനാരാ സാധനം. അവന്‍ തരികിടയല്ലേ. ബൂലോകതരികിട. അവനില്ലായിരുന്നെകില്‍ ഞാന്‍ കുറെ ബുദ്ധിമുട്ടിയേനെ.

ജയന്റ് : ഓ അപ്പോള്‍ അങ്ങനെയാണ് കാര്യങ്ങളുടെ കിടപ്പ്‌ അല്ലെ.

മൂപ്പിലാന്‍: പിന്നല്ലാതെ. അവനാരാ മോന്‍.

ജയന്റ് : കുട്ടിപരത്തി എന്തോ ആരോപണം പറഞ്ഞല്ലേ.

മൂപ്പിലാന്‍: ഹഹഹ..!കുട്ടിപരുത്തി ബുദ്ധിമാനാ. പക്ഷെ അവനു കൈയൂക്കില്ല. ഇവിടെ കൈയൂക്കുള്ളവന്‍ കാര്യക്കാരന്‍.. മനസ്സിലായോ.

ജയന്റ് : അപ്പോള്‍ ഇത് ഗുണ്ടായിസമല്ലേ.

മൂപ്പിലാന്‍ : അതെ ഗുണ്ടായിസം തന്നെ. എന്താ നീ വല്ലതും പുളുത്തുമോ..

ജയന്റ് : ചൂടാവാതെ മൂപ്പില്‍സ്.. ഞാന്‍ എന്ത് ചെയ്യാനാ.

മൂപ്പിലാന്‍: അതെ അതാണ്‌. അതാണ് കാര്യം. ഒരുത്തനും ഒന്നും ചെയ്യില്ല

ജയന്റ് : എന്നാലും ഇതൊക്കെ ശരിയാണോ.

മൂപ്പിലാന്‍: അത് ചോദിക്കാന്‍ നീയാരാ.

ജയന്റ് : ആരോ നാണപ്പന്റെ മുഖം മൂടി വെച്ച് നടക്കുന്നു എന്ന് കേട്ടല്ലോ. നേരത്തെ മക്കാറിന്റെ മുഖം മൂടി വെച്ചെന്നോ ഒക്കെ കേട്ടല്ലോ. കുട്ടിപരുത്തിയും അത് പറഞ്ഞല്ലോ.

മൂപ്പിലാന്‍: ഹഹഹഹ... അതല്ലേ അതിന്റെ കളി. വേറെ ആരും നാണപ്പന്റെ മുഖം മൂടി വച്ചതല്ല.. നാണപ്പന്‍ ആരാ മോന്‍. അവന്റെ പേരില്‍ തന്നെ അവന്റെ ബുദ്ധിയുടെ കഥ കിടപ്പില്ലേ. നാണപ്പന്റെ ബുദ്ധി എന്ന് കേട്ടിട്ടില്ല. അവനെ ആരാ കളി പഠിപ്പിക്കുന്നത്‌. അല്ലെങ്കില്‍ തന്നെ മൂപ്പിലാന്റെ അടുത്ത്‌ കളിക്കാന്‍ ആരെങ്കിലും വളര്‍ന്നോ. ഇതെല്ലാം ഞങ്ങളുടെ ഓരോ കളികളല്ലേ.

ജയന്റ് : അപ്പോള്‍ നാണപ്പന്റെ മുഖം മൂടി ചുമ്മാതാണോ.

മൂപ്പിലാന്‍: എടൊ ചെറുക്കാ. ഒരു സഹതാപതരംഗം. കരയുന്ന കുഞ്ഞിനെ പാലുള്ളൂ എന്ന് കേട്ടിട്ടില്ലേ. പണത്തിന്റെയും സ്വാധീനത്തിന്റെയും മുമ്പില്‍ പരുന്തും പറക്കില്ല. കുട്ടിപരുത്തി എത്ര പറഞ്ഞു ആരെങ്കിലും കേട്ടോ. നാണപ്പന്‍ പറഞ്ഞപ്പോള്‍ എല്ലാവരും കേട്ടല്ലോ. എല്ലാവരും വിശ്വസിച്ചില്ലേ.. അതാണ്‌ പുത്തി. അതാണ്‌ മൂപ്പിലാന്റെ പുത്തി. ചട്ടക്കാരന്‍ വരെ ഇപ്പോള്‍ ഞങ്ങളുടെ കീശയിലാ. ഞാന്‍ തന്നെ ചട്ടക്കൊരന്‍ എന്ന് മുഖം മൂടി വച്ച് നടന്നിട്ടും ആ മണ്ടന് വല്ലതും മനസ്സിലായോ. അവന്‍ എന്റെമ്പലത്തിന്റെയും കഴുതവട്ടനെയും തെറി വിളിക്കുന്നു. അപ്പോള്‍ ഞാന്‍ ജയിച്ചില്ലേ.

ജയന്റ് : സ്വാമീ.. താങ്കള്‍ മഹാന്‍ തന്നെ. സമ്മതിച്ചിരിക്കുന്നു.എനിക്കും ഒന്ന് ശിഷ്യത്തപ്പെട്ടാല്‍ എന്നുണ്ട്

മൂപ്പിലാന്‍: അതിനു നിരവധി മാര്‍ഗ്ഗങ്ങള്‍ ഉണ്ടല്ലോ. നിങ്ങള്‍ക്ക് എന്റെ പത്രം വായിക്കാം. എന്റെ കോളേജില്‍ ചേരാം. എന്റെ ആശ്രമത്തില്‍ നിന്ന് ഗുരുകുല വിദ്യാഭാസം നേടാം. എന്റെ മാവിന്‍തറയില്‍ ഇരുന്നു പഠിക്കാം. അങ്ങനെ എന്തോരം കാര്യങ്ങള്‍ ഉണ്ട്. തെമ്മാടിത്തരങ്ങള്‍ക്ക് ക്ലാസ്സെടുത്തു തെമ്മാടികളെ സൃഷ്ടികുകയല്ലേ.

ജയന്റ് :എന്തൊക്കെയാ പഠിപ്പിക്കുന്നത്‌?

മൂപ്പിലാന്‍: കുതികാല്‍ വെട്ടല്‍, പാരവയ്പ്പ്, കുളംകലക്കല്‍, അനോണികളി തുടങ്ങി എന്തോരം പരിപാടികള്‍ ആണ്.

ജയന്റ് : അപ്പോള്‍ ഇതെല്ലാം ഞാനും പഠിക്കണോ.

മൂപ്പിലാന്‍: പിന്നെ ആനോണി ഗുരുവേ നമഃ, ആന നോണിയെ നമഃ എന്നൊരു മന്ത്രം ചൊല്ലി അങ്ങ് വാ.. എല്ലാം ഞാന്‍ പഠിപ്പിക്കാം.

ജയന്റ് :ഞാന്‍ വരാം. പിന്നെ ഈ മുഖം മൂടി കഥ എന്താ. നാണപ്പന്റെ മുഖം മൂടി കഥ..

മൂപ്പിലാന്‍: മാളികമുകളിലേറിയ മന്നന്റെ തോളില്‍ മാറാപ്പ് കേറ്റി വെപ്പിക്കുന്നവന്‍ മൂപ്പിലാന്‍.. ഇതും അങ്ങനെ തന്നെ. എന്റെ അനോണി ദൈവങ്ങള്‍ എനിക്ക് പറഞ്ഞു തന്ന ഉപായമാണ് ഇത്. ഇത് ചെയ്‌താല്‍ പിന്നെ നാണപ്പന്‍ ആരാ.... അല്ല ആരാ.. നാണപ്പന്‍ പിന്നെ എല്ലാവരുടെയും കണ്ണില്‍ വിശുദ്ധന്‍ ആവില്ലേ. സൈന്റ്:നാണപ്പന്‍

ജയന്റ് : കുട്ടിപരുത്തിയോ.?

മൂപ്പിലാന്‍: അവന്‍ ആദ്യം എന്നോട് മാപ്പ് പറയട്ടെ. എന്നിട്ടാകാം. അവന്‍ നല്ലവനാ എനിക്കറിയാം. പക്ഷെ എന്റെ കാര്യം കേള്‍ക്കാത്തവരെ ഞാന്‍ കേട്ട് കെട്ടിക്കും. ജിയസാറിന്റെ കഥ കഴിച്ചില്ലേ. പുഴുപ്പള്ളി സാര്‍ ഇപ്പോള്‍ എവിടെ. സാക്ഷാല്‍ പുപ്പുലിയെ പോലും മിന്നാമിനുങ്ങായി പറത്തിയില്ലേ.

ജയന്റ് : ആരെങ്കിലും എതിര്‍ത്താലോ..

മൂപ്പിലാന്‍: അതിനല്ലേ എന്റെ അനോണിപട്ടാളം.

ജയന്റ് : അതെങ്ങനെ.. അത്രയും ആളുകള്‍ ഉണ്ട്..

മൂപ്പിലാന്‍: ഞാന്‍ തന്നെ മിക്കവയും., പല ഉടുപ്പിട്ട് പോവും. ഏതെങ്കിലും പാവത്തിന്റെ പേരില്‍ കേസാക്കും.. അവന്‍ കുടുങ്ങും ഞാന്‍ രക്ഷപ്പെടും. അല്ലാതെ.. പിന്നെ നാണപ്പനും വില്ലനാ.. അവനും ഇതൊക്കെ അറിയാം.

ജയന്റ് : അപ്പോള്‍ പ്രധാന ശിഷ്യന്‍ നാണപ്പന്‍ ആണ് അല്ലെ.

മൂപ്പിലാന്‍: അതെ.. എന്റെ മരണത്തിനു ശേഷം.. അവനെ എന്റെ അനന്തരാവകാശി ആക്കും.

ജയന്റ് : അപ്പോള്‍ മരണത്തെ പറ്റി ചിന്തിക്കുന്നുണ്ടോ..

മൂപ്പിലാന്‍: പലനാള്‍ കള്ളന്‍ ഒരുനാള്‍ പിടിയില്‍ എന്നല്ലേ. ഇപ്പോള്‍ എപ്പോഴാ എന്റെ കാറ്റ് പോകുന്നത് എന്നറിയില്ലല്ലോ. ബുദ്ധിയുള്ള കുറെ ആളുകള്‍ ഉണ്ട്. അതാ എന്റെ പേടി. പിന്നെ എന്നെ പോലെ ഒരു ചെറ്റയോട് കളിക്കാന്‍ പെടിയില്ലാത്തവര്‍ കുറവാണ്. അതാ..അതല്ലേ ഞാന്‍ എന്റെ ആത്മഹത്യകുറിപ്പോക്കെ പണ്ടേ എഴുതിയത്.

ജയന്റ് : ഒത്തിരി ആരാധകര്‍ ഉണ്ടല്ലേ.

മൂപ്പിലാന്‍:പിന്നെ ..കോവാലകൃഷ്ണന്‍ ..മാവലം പോലെ എത്ര എണ്ണം. എല്ലാം വെറും കോവേണികള്‍.. ആവശ്യം കഴിഞ്ഞാല്‍ ദൂരെകളയും. എന്നെ അറിയാവുന്നവന്‍ ആരുണ്ട്‌..

ജയന്റ് :
കൂതറതിരുമേനിയെ ഇഷ്ടമാണോ..

മൂപ്പിലാന്‍: മിണ്ടരുത്. കൂ...തറ ..തിരു ..മേനി.. ആ പേര് കേള്‍ക്കല്ലേ. ഈ ലോകത്ത് ഒരു കൂതറ മതി.. എന്നേക്കാള്‍ വല്ല്യ കൂതറ ആണോ അവന്‍. അവന്‍ കൂതറ തിരുമേനി ആണ് പോലും. ഞാന്‍ കൂതറ ചക്രവര്‍ത്തി ആണ്. അവനെ കൂതറ ആയിട്ട് അംഗീകരിക്കാന്‍ വയ്യ.. ഞാന്‍ തന്നെ യഥാര്‍ത്ഥ കൂതറ.. അല്ലാതെ പിന്നെ.

ജയന്റ് : താങ്കള്‍ക്കറിയാമോ ഈ ചാനലിന്റെ ഉടമസ്ഥന്‍ കൂതറതിരുമേനി ആണ്.. താങ്കളുടെ ഈ കളികളെല്ലാം അറിയുന്നവന്‍ ആണ് കൂതറതിരുമേനി.

(മൂപ്പിലാന്‍: ഉടുമുണ്ടും പറിച്ചു ഓടുന്നു....)

ജയന്റ് :: മൂപ്പിലാനെ ...... ഈ മുണ്ട് കൊണ്ട് പോ...

മൂപ്പിലാന്‍: വേണ്ടടാ.. നിന്നെയൊക്കെ എന്റെ അനോണി ചാത്തന്മാര്‍ കൈകാര്യം ചെയ്തോളും

ജയന്റ് : സാങ്കേതിക കാരണങ്ങളാല്‍ മൂപ്പിലാന്‍ ഓടിപ്പോയത് കാരണം അഭിമുഖം തുടരാന്‍ സാധ്യമല്ല. അടുത്ത പരിപാടി .. അനോണികളുടെ തമ്പുരാന്‍ എന്നാ മെഗാസീരിയല്

15 comments:

Unknown said...

ഓ അപ്പൊ അങ്ങിനെയാണു കാര്യങ്ങൾ അല്ലെ ,ഈ ഏതാണ്ടു ഐ പി നമ്പറോ പിൻ കോഡോ അങ്ങിനെ എന്തോ ഇല്ലെ തിരുമേനി അതു വെച്ചു കണ്ടു പിടിക്കാൻ പറ്റത്തില്ലയോ

Mathews said...

കൂതറ തിരുമേനി
ഹന്ത അഹന്തയ്ക്കിന്ത ഇന്ത പട്ട്. കൊട് കൈ. ഇങ്ങനെ പോരട്ടെ അഞ്ചാറ് പോസ്റ്റുകള്

കാബൂളിവാല said...

കൂതറ തിരുമേനിയെ,
ഇതിഷ്ടപ്പെട്ടു.
ഇങ്ങനെയെ എഴിതാവൂ.
അല്ലാതെ ചുമ്മാ കിടന്ന് തന്തക്ക് വിളിച്ചിട്ട് എന്തോന്ന് കാര്യം?
:)
എന്തായാലും മൂപ്പിത്സിന്റെ കൂടെ ഉള്ളവര്‍ക്കൊക്കെ വെവരം വച്ചു. ഒന്നുമറിയാത്ത പാവം ബ്ലോഗു കുഞ്ഞുങ്ങളെ കരുവാക്കിയാ ഇപ്പോള്‍ യാഗങ്ങള്‍

ഹന്‍ല്ലലത്ത് Hanllalath said...

നല്ല കാര്യങ്ങള്‍ എന്തെല്ലാം കിടക്കുന്നു..
എന്നാലും മലയാളികള്‍ക്ക് തമ്മില്‍ തല്ലാതെ ഒരു സുഖമുണ്ടാകില്ല എന്നു തോന്നുന്നു..
എവിടെയും തല്ലും തെറിവിളിയും പാരയും മറുപാരയും..!

ഏതാ ശെരി എന്നറിയാത്ത എന്നെ പോലുള്ള കുറെ ആളുകള്‍...കഥയറിയാതെ...

ഘടോല്‍കചന്‍ said...

:) :) :)

അനീഷ്‌ ഭാസ്കര്‍ said...

എല്ലാം അറിയാമായിരുന്നു തിരുമേനി. പറയാന്‍ കഴിയില്ലല്ലോ എന്നുള്ള വെഷമം മാത്രം. ഈ പോസ്റ്റ്‌ കിടു.

Faizal Kondotty said...

അല്ലേലും നേരിട്ട് തെറി പറയുന്നതിനേക്കാള്‍ എത്രയോ നല്ലത് ആണ് അല്പം ഭാവന കൂട്ടി നര്‍മത്തില്‍ എഴുതുന്നത്‌ .. ആ നിലക്ക് കൂതറ തിരുമേനിയുടെ പോസ്റ്റിനെ അംഗീകരിക്കുന്നു . ഇതില്‍ പറഞ്ഞ കാര്യങ്ങള്‍ എത്രെ മാത്രം സത്യമുണ്ട് എന്നറിയില്ല .. പക്ഷെ സത്യമോ മിഥ്യയോ എന്നല്ല .. ഇതൊക്കെ തമാശ സെന്‍സില്‍ എടുത്താല്‍ , പറഞ്ഞവനും , കേട്ടവനും , കണ്ടു നിന്നവനും അല്പം റിലാക്സ് ലഭിച്ചേക്കും .. അല്ലേലും എന്തിനും ക്രിയെറ്റിവിറ്റി നല്ലതാ .. പ്രത്യേകിച്ച് എഴുത്തില്‍ .

എനിക്ക് പറയാനുള്ള ചിലത് ഞാന്‍ ഇവിടെ ഒരു നാടകം ആക്കി ,(ഞാനും ആരാ മ്വാന്‍) . തിരുമേനി ക്രിയെറ്റിവിറ്റി യെ പറ്റി ഒരു ലേഖനം എഴുതണം , തമ്മില്‍ തമ്മില്‍ ഉള്ള ഡയറക്റ്റ് തെറിവിളി എങ്കിലും കുറയട്ടെ ബൂലോഗത്ത്‌ .

കാപ്പിലാന്‍ said...

:)

കൂതറ തിരുമേനി said...

@ ഫൈസല്‍ കൊണ്ടോട്ടി
താങ്കള്‍ പുതുമുഖം ആണെന്ന് ഞാന്‍ വിശ്വസിക്കുന്നു. മനസ്സ് സമ്മതിക്കുന്നില്ലെന്നു പറയട്ടെ. ഒരു വേറ്ററനാണ് എന്ന് എഴുത്തില്‍ തന്നെ മനസ്സിലാക്കാം. എഴുത്ത് തഴമ്പ് ഉണ്ട് കേട്ടോ. അത് പോട്ടെ. പോസ്റ്റ്‌ കണ്ടു കേട്ടോ. ട്ടോ ..ട്ടോ .... :) :):)

@കാപ്പിലാന്‍
ഈ പോസ്റ്റില്‍ താങ്കള്‍ കമന്റ് ഇട്ടതില്‍ വളരെ നന്ദി. അര്‍ത്ഥം നിറഞ്ഞ സ്മൈലി. വിദ്വാനു ആംഗ്യം മാത്രം മതിയെന്നാണ് പ്രമാണം.

Faizal Kondotty said...

കൂതറ തിരുമേനി
വായിച്ചതിനു വളരെ നന്ദി ,അഭിപ്രായം അറിയച്ചതിനു അതിലേറെയും ... തിരുമേനിയുടെ പോസ്റ്റുകള്‍ എല്ലാം വായിക്കാറുണ്ട് .വാക്കുകള്‍ കുറച്ചുപയോഗിച്ചു ഒരു pleasant മൂഡില്‍ ഒഴുക്കോടെ കാര്യങ്ങള്‍ പറയുന്നതായിട്ടു അനുഭവപ്പെടാറുണ്ട് ...അതിനാല്‍ തന്നെയാണ് ഇടയ്ക്കിടെ ഇവിടെ വരുന്നതും .. ചിലതിനൊക്കെ എനിക്ക് ആശയപരമായി വിയോജിപ്പുണ്ടെങ്കിലും പൊതുവേ രസകരം ആയ അവതരണം ആണ് കൂതറ അവലോകനം . കീപ്‌ ഇറ്റ്‌ അപ്പ്‌ !

സുജീഷിന്റെ കവിതകളെ പ്പറ്റിയുള്ള പരിചയപ്പെടുത്തല്‍ നന്നായിരുന്നു . അതും ആളുകളെ അംഗീകരിക്കാനും നല്ലത് പറയാനും ഇന്ന് പലര്‍ക്കും താല്പര്യം ഇല്ലാത്ത ഈ ബൂലോഗത്ത്‌ .

തിരുമേനി .. ഞാന്‍ ബ്ലോഗില്‍ പുതു മുഖം തന്നെയാണ് . മുന്‍പ് ഗ്രാമീണ കല സമിതികള്‍ക്ക് വേണ്ടി കുറച്ചു നാടകങ്ങള്‍ എഴുതിയിരുന്നു . കോളേജ് കാലത്ത് വിപ്ലവ വിദ്യാര്‍ഥി സംഘടനക്കു വേണ്ടി കുറച്ചു വിപ്ലവ ഗാനങ്ങളും , ചെ ആയിരുന്നു അന്നത്തെ മോഡല്‍ . പിന്നെ അതില്‍ നിന്നൊക്കെ വിട്ടു നാട്ടില്‍ ഒരു പൊതു സന്നദ്ധ പ്രവര്‍ത്തക സംഘത്തില്‍ സജീവ പ്രവര്‍ത്തനം . അത് തന്ന അനുഭൂതി മറ്റൊന്നിനും ഇല്ല .

2002 ലെ സ്റ്റേറ്റ് കേരളോത്സവത്തില്‍ സംസ്ഥാന തലത്തില്‍ കവിതാ രചനക്ക് രണ്ടാം സ്ഥാനം ഉണ്ടായിരുന്നു , പിന്നീട് എഴുത്തേ ഇല്ലായിരുന്നു , ഇപ്പൊ പ്രവാസിയുടെ കുപ്പായം അണിഞ്ഞു മരുഭൂമിയിലെതിയപ്പോള്‍ എങ്ങിനെയോ ബൂലോഗം കണ്ടു , പഴയ എഴുത്ത് പൊടി തട്ടിയെടുക്കാലോ എന്ന് കരുതി ... പക്ഷെ ഇപ്പോഴല്ലേ മനസ്സിലായത്‌ ബൂലോഗത്ത്‌ ആളുകളെയാണ് പൊടി തട്ടി കുടയുന്നത് എന്ന് ..ക്രിയേറ്റിവിറ്റി ക്ക് ഇവിടെ സ്ഥാനം നന്നേ കുറവ് .

ആദ്യം വന്നു ചാടിയത് ഒരു വെളിച്ചം പകരുന്ന (?) യുക്തിവാദി ബ്ലോഗില്‍ . ,അവിടെ അയാള്‍ എഴുന്നള്ളിച്ച ശാസ്ത്രീയ വിഡ്ഢിത്ത ങ്ങളെ ചോദ്യം ചെയ്തപ്പോള്‍ ആളുകള്‍ എന്നെ താലിബാന്‍ ആക്കി .എന്തെളുപ്പം മാര്‍ക്കിടും ഈ ബൂലോഗം ! പിന്നെ എന്നോട് മിണ്ടില്ലത്രേ ബുജികള്‍ !

ഏതായാലും തിരുമേനി എങ്കിലും മുന്‍വിധി ഇല്ലാതെ പെരുമാറിയല്ലോ .. അത് മതി ...നന്ദി .

കനല്‍ said...

ഫൈസലു പറഞ്ഞതുപോലെ എല്ലാം തമാശയായിട്ടെടുക്കാന്‍ എന്തു രസാ...

സനല്‍ അങ്ങനെ തെണ്ടിത്തരത്തിനു കൂട്ട് നില്‍ക്കില്ല. ചിലപ്പോള്‍ കൈയടിക്കാന്‍ കൂടും എന്നാലും വൃത്തികേട്‌ കാണിക്കാന്‍ കൂടെ വരില്ല.

(ഒരു സ്വകാര്യ ചിരി സമ്മാനിച്ചു.. നന്‍റി)
:)
:)

കൂതറ തിരുമേനി said...

@കനല്‍
:) ഒരു സ്മൈലി കിടക്കട്ടെ

കൂതറ തിരുമേനി said...

@ഫൈസല്‍
ബ്ലോഗില്‍ പുതുമുഖങ്ങള്‍ വരണം എന്നാഗ്രഹിക്കുന്ന ആളാണ്‌ കൂതറ തിരുമേനി. പുതുമുഖങ്ങള്‍ ആവുമ്പോള്‍ പുതിയ ആശയങ്ങളും സാഹിത്യവും വരും. സ്ഥിരം ശൈലി കണ്ടു മടുത്തവര്‍ക്ക് ആശ്വാസമായിരിക്കും. ഉപദേശം തരാന്‍ കൂതറ തിരുമേനി ആളല്ല. സഫ-മര്‍വ എന്താനെന്നറിയാം. അതിന്റെ പേര് നിലനിര്‍ത്തി കൂടുതല്‍ ഗൗരവമുള്ള വിഷയങ്ങള്‍ അവതരിപ്പിക്കുക. കഴിവുകള്‍ ഉപയോഗപ്പെടുത്തുക. വീണ്ടും നല്ല നല്ല ആശയങ്ങള്‍ എഴുതി നല്ലൊരു എഴുത്തുകാരന്‍ എന്നാ പേരെടുക്കുക. ആശംസകള്‍

റസാകൃഷ്ണ said...

കൂതറയുടെ വാക്കുകള്ക്ക് ശക്തി പോരാ ആക്ഷേപ ഹാസ്യത്തില്‍ ഉള്പ്പെടുത്തണ്ടതായിരുനില്ലാ ആ പോസ്റ്റ്

Junaiths said...

njaan kandu.......moopsinte ottam...hahah