തെറിവിളി കമന്റുകളും സ്പാം കമന്റുകളും ഡിലീറ്റ്‌ ചെയ്യപ്പെടും...

Saturday, June 6, 2009

113.മഹാകവി കാപ്പിലാന് ആദരാഞ്ജലികള്‍

ബൂലോഗത്തെ ഗവിയും പണ്ഡിതനുമായ കാപ്പിലാന്‍ കൊല്ലപ്പെട്ട വിവരം വളരെ ഖേദത്തോടെയാണ് വായിച്ചറിഞ്ഞത്. അടുത്തിടെയാണ് അദ്ധേഹത്തിന്റെ ഗവിതാ സമാഹാരം പുറത്തിറങ്ങിയത്. നിഴല്‍ച്ചിത്രം എന്ന കവിതാ സമാഹാരം ബൂലോഗത്ത് ചര്‍ച്ചാവിഷയം ആയിക്കൊണ്ടിരിക്കുന്ന ഈ സാഹചര്യത്തില്‍ ഗവിയുടെ കൊലപാതകം ഏറ്റവും പ്രാധാന്യമര്‍ഹിക്കുന്നതോടൊപ്പം ബൂലോഗത്ത് ഭീദിതമായ ഒരു അവസ്ഥാവിശേഷം സംജാതമായിരിക്കുകയാണെന്നും നമ്മളെ ഓര്‍മ്മിപ്പിക്കുന്നു.

ബൂലോഗത്ത് അനോണികളെ സ്നേഹിച്ചിരുന്ന കാപ്പിലാനെ ഒരു അനോണി കുത്തി കൊല്ലുക എന്നതിലൂടെ അനോണികള്‍ പാല് കൊടുക്കുന്ന കൈകളില്‍ത്തന്നെ കടിയ്ക്കുന്ന വിഷസര്‍പ്പങ്ങള്‍ ആണെന്ന് തെളിയിച്ചു കഴിഞ്ഞു. ജീവിക്കാനുള്ള അധികാരത്തെ ചോദ്യം ചെയ്തുകൊണ്ട് ഒരു ഗവിയെ കുത്തി കൊന്നതിലൂടെ മനുഷ്യാവകാശധ്വംസനത്തോടൊപ്പം കാവ്യരചനാധികാര ധ്വംസനവും ഇവിടെ നടത്തിയിരിക്കുകയാണ്.

ഗവിതകള്‍ എഴുതി കൊല്ലുന്നു എന്ന അനോണികളുടെ അവകാശവാദത്തെ ഗവിയുടെ ജീവനെടുക്കുവാനുള്ള അധികാരമായി അംഗീകരിച്ചു കൊടുക്കാനാവില്ല. പ്രശസ്ത സാഹിത്യകാരിയായ മാധവിക്കുട്ടിയുടെ വിയോഗം അച്ചടിലോകത്തെ നടുക്കിയെങ്കില്‍ കാപ്പിലാന്റെ കൊലപാതകം ബൂലോകത്തെ ആകമാനം ഞെട്ടിച്ചിരിക്കുകയാണ്. (ഇതിനെ ഞെട്ടി - ചിരിക്കുകയാണ് എന്നെടുക്കരുതെന്നു അപേക്ഷ). അടുത്തിടെ തെരഞ്ഞെടുപ്പിലൂടെ അധികാരത്തില്‍ കയറിയതിനെ എതിര്‍ക്കുന്ന ഏതെങ്കിലും വിരോധികള്‍ ആവാം ഇതിനു പിന്നിലെന്നും അനുമാനമുണ്ട്. അതല്ല തികഞ്ഞ ഗവിതാ വിരോധികള്‍ ആവാം ഇതിനു പിന്നിലെന്നും സ്ഥിരീകരിക്കാത്ത വാര്‍ത്തയുണ്ട്.

ഭീഷണികള്‍ മുറുകി നില്‍ക്കുന്ന ബൂലോകത്ത് കൊലപാതകം ഇതാദ്യമായാണ്. വെക്തിഹത്യകളും ഭീഷണികളും തുടര്‍ക്കഥ ആകുന്ന ഈ സമയത്ത് ഇത്തരം പ്രവണതകള്‍ തടയേണ്ടത് ആവശ്യമാണ്. ഒരാള്‍ നല്ലവനോ മോശക്കാരനോ ആയാലും അയാളുടെ ജീവനെടുക്കയെന്നത് തീര്‍ത്തും നിന്ദ്യമായ ഒനാണു. ഇതിനെ കൂതറ തിരുമേനി അപലപിക്കുന്നു. ബൂലോഗത്ത്‌ ശാശ്വതമായ സമാധാനം വാഴട്ടെ.

ഓഫ് : വെറുതെ കൊതിപ്പിച്ചു

3 comments:

ramaniga said...

ബൂലോഗത്ത്‌ ശാശ്വതമായ സമാധാനം വാഴട്ടെ.

ആർപീയാർ | RPR said...

ഹ. ഹ. ഹ.... !!

സത said...

:)