തെറിവിളി കമന്റുകളും സ്പാം കമന്റുകളും ഡിലീറ്റ്‌ ചെയ്യപ്പെടും...

Saturday, March 21, 2009

74.ആര്‍ക്കാണ് മദനിയെ തീവ്രവാദിയായി കാണാന്‍ കൊതി.?

മദനിയെ പറ്റി കൂതറയില്‍ ഒരു പോസ്റ്റ് ഇട്ടപ്പോള്‍ ഒരിക്കലും കരുതിയില്ല വീണ്ടും അദ്ധേഹത്തെ പറ്റി ഒരു പോസ്റ്റ് ഇടേണ്ടി വരുമെന്ന് കാരണം അബ്ദുല്‍ നാസര്‍ മ അദനി കേരളത്തിലെ മുഖ്യധാരാ രാഷ്ട്രീയത്തിലെ ഏറ്റവും പ്രമുഖരായ നേതാക്കളില്‍ പെടുന്നുവെന്നു എല്ലാവരും കരുതുന്നില്ല. കൂതറയും കരുതുന്നില്ല. എന്നാല്‍ കടുകിനെ പര്‍വ്വതീകരിക്കുന്നത് പോലെ എഴുതി വലുതാക്കി കാണിക്കേണ്ട കാര്യവും മഅദനിയ്ക്കില്ല. കുറഞ്ഞപക്ഷം കേരളത്തിലെ ഒട്ടു മിക്ക ആളുകളും ആ പേര് കേട്ട് പരിചയമുള്ളവര്‍ തന്നെ."ബ്ലാ .... ബ്ലാ .." പറഞ്ഞു മതത്തിന്റെയും രാഷ്ട്രീയത്തിന്റെയും പേരില്‍ അണികളെ നിര്‍ബന്ധിച്ച് കേള്‍വിക്കാരായി ഇരുത്തേണ്ട ഗതികേടും മദനിയ്ക്കില്ല.ഐസ്ക്രീമും ഫ്രൂട്ട് സലാഡും തിന്നും പേര് ദോഷം കേള്‍പ്പിച്ച വ്യക്തിയുമല്ല മദനി.

ലീഗ് വിട്ടുപോരുന്നവര്‍ എന്നും വിവര ദോഷികള്‍ എന്നും മണ്ടന്മാരെന്നും വേണമെങ്കില്‍ കാഫിറെന്നുംവരെ വരെ ചിലര്‍ കരുതുന്നു.കെ.ടി.ജലീല്‍ വരെ അങ്ങനെ മണ്ടന്മാര്‍ എന്ന് കരുതിയവര്‍ ധാരാളം. മന്ദ ബുദ്ധികളെയും അമ്മമാര്‍ മിടുക്കന്‍മാരെന്ന് വിളിക്കുന്നത് കണ്ടിട്ടില്ലേ. പക്ഷെ കുട്ടികളുടെ ബുദ്ധി അമ്മമാര്‍ പറഞ്ഞല്ല നാട്ടുകാര്‍ പറഞ്ഞു വേണം തീരുമാനിക്കാന്‍. വാല്‍സല്യം കൊണ്ട് അന്ധയായ (ആ പദം ശരിയല്ല എങ്കിലും എഴുതാതിരിക്കാന്‍ നിര്‍വ്വാഹമില്ല) അമ്മ കുട്ടികളുടെ കുറവുകള്‍ കണ്ടില്ലയെന്ന് നടിക്കും. പക്ഷെ നാട്ടാരുടെ കണ്ണില്‍ ആ വാല്‍സല്യത്തിന്റെ കണ്ണാടി കാണില്ല. കെ.ടി.ജലീല്‍ കെട്ടി വെച്ച പണം കളഞ്ഞു രാഷ്ട്രീയം വിടുമെന്ന് കരുതിയവരുടെ വാ ജനങ്ങള്‍ കെട്ടിയപ്പോള്‍ ഇക്കാക്കമാര്‍ ഞാനൊന്നുമറിഞ്ഞില്ലേ രാമ നാരായണ എന്നമട്ടില്‍ ഫ്രണ്ട് ലൈറ്റും കത്തിച്ചു ഗീയറും മാറി സ്റ്റേഷന്‍ വിട്ടു.

ഇപ്പോള്‍ അതെ പോലെ മദനിയുടെ പുറകെയാണ് ഈ ഇക്കാക്കമാര്‍. ഒന്ന് ചോദിച്ചോട്ടെ കാല്‍ക്കീഴിലെ മണ്ണിലെ പച്ചനിറത്തില്‍ ചുവപ്പ് കലരുമെന്ന പേടിയാണോ ഇങ്ങനെയൊരു ലക്ഷ്യത്തിനു പിന്നില്‍.ജനാബ് പാണക്കാട് സയ്യിദ് മുഹമ്മദ് അലി ശിഹാബ് തങ്ങള്‍ മദനി പുറത്തു വന്നപ്പോള്‍ പറഞ്ഞത് " മദനിയുടെ പ്രവര്‍ത്തന ശൈലി തീവ്രവാദം ആയിരുന്നെങ്കിലും ഒരാളെ വിചാരണ കൂടാതെ ഇത്രയും നീണ്ടകാലം തടവിലിട്ടതില്‍ വിഷമം ഉണ്ടെന്നും ജയില്‍ മോചിതനായതില്‍ സന്തോഷം ഉണ്ടെന്നുമാണ്" ഏതാണ്ട് ഇതുപോലെ തന്നെയുള്ള അഭിപ്രായമായിരുന്നു സ്വര്‍ഗ്ഗീയനായ സയദ് ഉമര്‍ ബാഫക്കി തങ്ങളുടെയും. അല്ല രണ്ടു വര്‍ഷം കൊണ്ട് ഈ മദനി വീണ്ടും അതീവ തീവ്രവാദി ആയെങ്കില്‍ അയാള്‍ എന്താ ചെയ്തത് എന്നൊന്ന് പറയാമോ." നീ ഒരു യതാര്‍ത്ഥ മുസൽമാനാണെങ്കില്‍, ചെയ്ത്‌ കാര്യങ്ങള്‍ വിളിച്ച്‌പറഞ്ഞ്‌ ധീരനായി മരണം എറ്റ്‌വാങ്ങുക. അല്ലാതെ, നിരീശ്വരവാദികളുടെ താവളത്തില്‍ ഇസ്ലാമിനെ തളച്ചിട്ട്‌, നിന്റെ തടിയൂരാം എന്നാണ്‌ ചിന്തിക്കുന്നതെങ്കില്‍, അല്ലാഹുവിന്റെയും അവന്റെ മലക്കുകളുടെയും ശാപം നിന്റെമേലുണ്ടായിരിക്കട്ടെ." ഇത് മഹാന്മാരായ ഇക്കാക്കമാരുടെ ബ്ലോഗില്‍ വന്ന വാചകങ്ങള്‍. എന്താ ഇക്കാക്കമാരെ നിങ്ങള്‍ ഹദീസും,ഖുര്‍ ആനും മൊത്തത്തില്‍ ലേലത്തില്‍ കൊണ്ട് നിയമവും,നീതിന്യായവും ഒക്കെ ഏറ്റെടുത്തോ.

അതോ ഇനി കേട്ടറിവ് വെച്ചുള്ള മത ബോധം കൊണ്ട് കത്തിയുമെടുത്തു "ഒസ്താ"മാരായി മദനിയുടെ മുടിയങ്ങു വടിച്ചു കളയാമെന്നു കരുതിയോ?മദനിയുടെ ജയില്‍ വിമോചന സമയത്ത് ശ്രീ.അച്ചുതാനന്ദന്‍ പറഞ്ഞ ഒരു കാര്യം ഓര്‍മ്മയുണ്ട്. ഒരു പ്രശ്നത്തില്‍ ആവേശം കൊള്ളാതെ ചര്‍ച്ചയുടെയും സമാധത്തിന്റെയും പാതയില്‍ നടക്കുന്നതാണ് രാഷ്ട്രീയത്തില്‍ നല്ലതെന്ന്." മദനിയും തന്റെ ജയില്‍വാസത്തിനു മുമ്പുള്ള രാഷ്ട്രീയ ജീവിതത്തിലെ പാളിച്ചകളും ശൈലികളും മാറ്റി തെറ്റുകളില്‍ നിന്ന് പഠിച്ചു തിരുത്തി പ്രവര്‍ത്തിക്കും എന്ന് പറഞ്ഞത് മറന്നുപോയോ.
അല്ലെങ്കില്‍ ഈ നാട്ടിലെ രാഷ്ട്രീയവും മതവും അടങ്കല്‍ എടുത്ത്‌ മുസ്ലിങ്ങളുടെ നാക്കായി സംസ്കാരവും പ്രസംഗിക്കാന്‍ ആരാ നിങ്ങള്‍ക്ക് അധികാരം തന്നത്. മുസ്ലിം എന്നത് എന്താണ് അറിയാമോ. മുസ്സല്ലാം ഇ ഇമാന്‍. ഒരാളെ പശ്ചാപിച്ചാല്‍ പോലും നന്നാവാന്‍ സമ്മതിക്കാത്ത നീയോക്കെയാണോ മുസിമിന്റെ പറ്റി സംസാരിക്കുന്നത്. അതോ ഇതാണോ നിന്റെയൊക്കെ ഇമാന്‍. സ്നേഹവും സഹാനവുമല്ലേ ചങ്ങാതി ഇസ്ലാം. അതോ വര്‍ഗീയതയും വൈരാഗ്യവുമോ. നിന്റെ ശത്രുവിനോട് നീ പൊറുത്താല്‍ നിന്നോട് ഞാന്‍ പൊറുക്കും എന്ന് കേട്ടിട്ടുണ്ടോ.

ലീഗിന് പറ്റിയ പാളിച്ചകള്‍ക്ക് പ്രധാനം നിന്നെയൊക്കെ പോലെ എഴുതാനും പറയാനും പ്രസംഗിക്കാനും നടന്നുന്ന വിവരദോഷികള്‍ ആണ്. സാധാരണ ജനം സഹതാപത്തോടെ നോക്കാന്‍ കാരണവും മറ്റൊന്നുമല്ല. മലപ്പുറത്തു ചെങ്കൊടി പാറുന്നത് നീയൊക്കെ തന്നെ കാണേണ്ടി വരും. അതല്ല ഒരു മദനി വന്നാല്‍ തകര്‍ന്നു പോവുമോ നിന്റെയൊക്കെ ഇസ്ലാമിയത്തും പാര്‍ട്ടിയും. ഇനി മദനിയെ ഹര്‍ദീസും ഖുര്‍ ആനും പഠിപ്പിക്കാന്‍ ആണോ മക്കളെ നീയൊക്കെ ഒരുങ്ങുന്നത്. എന്തിനാ ഇത്ര വിഷമിക്കുന്നത്. അവിടെയുണ്ടല്ലോ വിവരമുള്ളവര്‍. അബ്ദുല്‍ സമദ് സമാദാനി അല്പം തിരക്ക് കഴിഞ്ഞിരിക്കുമ്പോള്‍ ചെന്ന് നല്ലവണ്ണം ഖുറാനും ഹദീസും പഠിച്ചിട്ടു വാ.. എന്നിട്ടാകാം മദനിയെ പഠിപ്പിക്കല്‍. നീയൊക്കെ മിക്ക സ്വലാത്തും ചൊല്ലി പഠിച്ചത് തന്നെ ചിലപ്പോള്‍ മദനി ഓതി കൊടുത്തത് കേട്ടപ്പോള്‍ ആവും.

ഇതിനിടയില്‍ ബ്രഹ്മാസ്ത്രം എന്നപേരില്‍ ഒരു മഹാന്‍ എഴുതിയിരിക്കുന്നു മദനി കാഞ്ഞിരകുരുവാണെന്ന്. അപ്പോള്‍ പിന്നെ നമ്മുടെ രാജ്യത്തെ കുറെ കല്‍ക്കണ്ടകനികള്‍ ഉണ്ടല്ലോ അവരെയൊക്കെ തിന്നു ആ കൈപ്പ് അങ്ങ് മാറ്റികൂടെ. തോഗ് -അടാത്തവരും, അത്രമോഡിയില്ലത്തവരും- മധുരം കൊണ്ട് ഇറക്കാന്‍ വയ്യാത്ത കനികള്‍ ആയിരിക്കും അല്ലെ. മദനി ജയിലിലുള്ള സമയത്ത് കേന്ദ്രത്തില്‍ ബി.ജി.പി. സര്‍ക്കാര്‍ ആയിരുന്നല്ലോ. അന്ന് ഈ ജനദ്രോഹിയും തീവ്രവാദിയും സര്‍വ്വോപരി ചെകുത്താനുമായ മദനിയെ ഉള്ള തെളിവുകള്‍ നല്‍കി തൂക്കി എന്തേ കൊന്നില്ല. കേരളത്തിലും ഇക്കാക്കമാര്‍ മന്ത്രിമാരായ സമയത്ത് മദനി ജയിലില്‍ ഉണ്ടായിരുന്നല്ലോ. അന്നൊക്കെ കുറെ ശ്രമിക്കാമായിരുന്നില്ലേ.

മദനിയ്ക്ക് വെടിമരുന്നു നല്‍കിയെന്ന കുറ്റത്തിന് ജെയിലില്‍ പോയ ഒരു പട്ടാളക്കാരന്റെ കാര്യം ഇക്കാക്കമാര്‍ കേട്ടിട്ടുണ്ടോ.ഒരു പട്ടാളക്കാരന്‍ രാജു. അയാളുടെ കുറ്റവും അവസാനം തെളിയിക്കാതെ അയാളെയും കോടതി വെറുതെ വിട്ടു. തീവ്രവാദികള്‍ക്കെതിരെയുള്ള പോരാട്ടത്തില്‍ സര്‍ട്ടിഫിക്കറ്റും ഗോള്‍ഡ് മെഡലും വാങ്ങിയ രാജു ‍ അവസാനം ഗൂഢാലോചനകഥകള്‍ പറഞ്ഞപ്പോള്‍ ആരും മറുപടി പറഞ്ഞില്ലല്ലോ.കോടതിയില്‍ ശിക്ഷിക്കാത്ത മദനിയെ കുറ്റവാളിയായി കാണുന്ന നിങ്ങള്‍ ഐസ്ക്രീം കേസ് മറന്നുപോയോ. അന്ന് കോടതി വിധി ശരിയാരുന്നു അല്ലെ. അതോ ഇലക്ഷന്‍ ചൂടില്‍ ഐസ്ക്രീം ഉരുകിയതാണോ.മലര്‍ന്നു കിടന്നു തുപ്പരുതെ മക്കളെ.
എന്റെ വീട്ടില്‍ വാ നിന്നെ കാണിക്കാമേന്നുള്ള ശ്വാനന്റെ ശൂരത്വം എന്നെ പറയാന്‍ കഴിയൂ. പി.ഡി.പി.യോ ലീഗോ ഭൂരിപക്ഷം പറയാത്ത ഒരു മണ്ഡലത്തില്‍ മദനിയെ നേരിട്ട് തോല്‍പ്പിക്കാന്‍ ചങ്കൂറ്റമുണ്ടോ ഏതെങ്കിലും നിങ്ങളുടെ നേതാവിന്.

ഇപ്പോള്‍ മലപ്പുറം കോട്ടയിലും ചെങ്കൊടികള്‍ വീണു തുടങ്ങിയല്ലോ. അതോ നാടും നാട്ടാരെയും ഭാഷയും അറിയാത്ത നേതാവയാലും ഇലക്ഷന് നിന്നാല്‍ പോയി വോട്ടു കുത്തെടാ മക്കളെ എന്ന് പറയുമ്പോള്‍ കുത്താന്‍ "അച്ചരാഅപ്യാസം" ഇല്ലാത്ത വോട്ടര്‍മാര്‍ ആണോ ഇന്നുള്ളത്. ആ തയക്കവും പയക്കവും കൊണ്ട് ഇന്ന് ചെന്നാല്‍ വോട്ടു ചെയ്യുന്നവന്‍ മൂന്നുവട്ടം ആലോചിക്കും.അല്ലെങ്കില്‍ സ്വന്തം ശക്തിയില്‍ ഇത്ര വിശ്വാസം ഉണ്ടെങ്കില്‍ ഇങ്ങനെയൊരു പേടി ഇപ്പോള്‍ കാണിക്കേണ്ട കാര്യമില്ലല്ലോ. നമ്മുടേത് ജനാധിപത്യം അല്ലെ. ജനങ്ങള്‍ ജനങ്ങളാല്‍ ജനങ്ങളാല്‍ തെരഞ്ഞെടുക്കുന്ന സംവിധാനം. അവരെ അതിനു അനുവദിയ്ക്ക് അല്ലാതെ പോറാട്ട് നാടകവും അപവാദപ്രചാരണവും ആരോപണവും വ്യക്തിഹത്യയും ഒഴിവാക്കി ഒരാളെ തോല്‍പ്പിക്കാന്‍ നിങ്ങള്‍ ഇത്ര തരംതാണ രാഷ്ട്രീയക്കാര്‍ ആണോ.

ജയിലില്‍ നിന്നുവന്ന മദനിയുടെ രാഷ്ട്രീയഭാവി, തീരുമാനം, എന്താവുമായിരുന്നാണല്ലോ എല്ലാവരുടെയും ഉറക്കം കെടുത്തിയ സന്ദേഹം. ഈ ഇക്കാക്കമാര്‍ ഒരു കാര്യം കേട്ടിട്ടുണ്ടോ മാര്‍ക്സിസ്റ്റ് പാര്‍ട്ടി മാര്‍ദ്ധിതരുടെയും, തൊഴിലാളികളുടെയും, അതുപോലെ അശരണരുടെയും, പിന്നോക്കക്കാരന്റെയും പാര്‍ട്ടിയാണ്. അവരുടെ പ്രത്യയ ശാസ്ത്രത്തില്‍ അത് പരാമര്‍ശിക്കുന്നുമുണ്ട്. അല്ല എന്ത് ദാസ് കാപ്പിറ്റല്‍,എന്ത് മാര്‍ക്സിസം,എന്ത് സോഷ്യലിസം,എന്ത് സമത്വം,എന്ത് സാഹോദര്യം ഞമ്മക്കെല്ലാം പച്ച കോടി പാറിച്ചാല്‍ മതിയല്ലോ, സമയം കളയാം അല്പം മതവും വിശക്കുമ്പോള്‍ കോയീന്റെ ബിര്യാണീം. അല്ലയോ. പിന്നല്ലാതെ അതാണ്‌ നല്ലത്. പിന്നെ ഉമ്മാക്കി കാണിക്കുമ്പോള്‍ പേടിക്കുന്ന ഒരു മുന്നണി കൂടെയുണ്ടെങ്കില്‍ എന്തുമാവാമല്ലോ. പക്ഷെ ഉമ്മാക്കി കാണിക്കുന്നവനെ എന്ത് ചെയ്യണമെന്നു സി.പി.ഐ.(എം) അടുത്തിടെ കാണിച്ചിരുന്നു. ഒന്നുകില്‍ തലയില്‍ "വെളിവ്" വരും അല്ലെങ്കില്‍ വെവരം അറിയും. അല്ലാതെ കുറെ എമ്മെല്ലേമാരെ കിട്ടാന്‍ ഏതറ്റം വരെയും താഴാന്‍ റെഡിയായ മുന്നണിയോട് കൂടാന്‍ പി.ഡി.പി.വരാത്തതാണോ ഈ മദനി വിരോധം.അല്ല ആ മര്‍ദ്ദിതജനങ്ങള്‍ക്ക്‌, അശരണര്‍ക്ക്, പിന്നോക്കകാര്‍ക്ക് സപ്പോര്‍ട്ട് കൊടുത്താല്‍ മദനി അങ്ങ് കാഫിര്‍ ആയി പോവുമോ. എന്താ ഇക്കാക്ക മാരെ ഈ കാഫിറ്.

സൂരത് ഇ കാഫിറുന്‍ (നൂറ്റി ഒമ്പതാം സൂരത്) വായിച്ചു അതിന്റെ അവസാനത്തെ ആയതു ഒന്ന് പഠിയ്ക്കുക. നിങ്ങളെപോലെയുള്ളവര്‍ക്ക് വേണ്ടിയാണ് അത്. മദനിയ്ക്ക് തന്റെ വിശ്വാസം തന്റെ മതം തന്റെ ചിന്തകള്‍ മാര്‍ക്സിറ്റ്‌കാരെ പഠിപ്പിക്കേണ്ട കാര്യം ഇല്ല. അതുപോലെ തിരിച്ചും. രണ്ടു കൂട്ടരുടെയും ചില കാര്യങ്ങളിലുള്ള സമാനചിന്തകള്‍ പങ്കു വെച്ച് പ്രവര്‍ത്തിച്ചാല്‍ മദനിയുടെ "ദീനിയ ബോധം" മാര്‍ക്സിസ്റ്റ്കാരുടെ നിരീശ്വരവാദി തടങ്കലില്‍ അടിയറവ് വെയ്ക്കുകലാവുമോ. അല്ല ഈ മാര്‍ക്സിറ്റ്‌കാരുടെ നിരീശ്വരവാദത്തിന്റെ ഭൂതം ആദ്യം കൂടിയത് ഒരു മെത്രാനായിരുന്നു. ആ മെത്രാനെ ബാധിച്ച സാത്താന്‍ ഇപ്പോള്‍ ജിന്നായി ഇക്കാക്കമാരെയും ബാധിച്ചോ.?അങ്ങനെയെങ്കില്‍ ചോദിക്കട്ടെ ഇക്കാക്കമാരുടെ ഈശ്വരവാദി തടങ്കലില്‍ ആണോ കാങ്ക്രെസ്സും മറ്റു കേരള കാങ്ക്രെസ്സ് ഗ്രൂപ്പുകളും.ഇനി മദനി ആണ് ദെജ്ജാല് എന്നൊക്കെ പറയുമോ ആവോ.? ലാ ഇലാഹ ഇല്ലള്ളാ എന്ന് തന്നെയല്ലേ ഇക്കാക്കമാര്‍ ഇപ്പോഴും പറയുന്നത്. അതോ ലാ ഇലാഹ ലീഗെന്നോ.. മാറ്റങ്ങളുടെ പ്രതിധ്വനികളില്‍ മാറിയോയെന്നറിയാന്‍ ആണ്.

എന്റെ ഇക്കാക്ക കുത്ത് വാക്ക് പറയുന്നവനും മറ്റുള്ളവനെ അവഹേളിക്കുന്നവന് നാശം എന്നാണ് സൂരത് എ ഹംസ യില്‍ പറഞ്ഞിരിക്കുന്നത്. അപ്പോള്‍ നിങ്ങള്‍ക്കെല്ലാം നാശം തന്നെയല്ലേ ഉണ്ടാവുന്നത്. മനമുരുകി പ്രാര്‍ഥിക്കുക, ആ സര്‍വ്വശക്തനോട് മാപ്പിരക്കുക,സദ്‌ബുദ്ധി തരാന്‍ അപേക്ഷിക്കുക. എങ്കിലേ നിങ്ങള്‍ നന്നാവൂ. സ്നേഹിക്കാന്‍ പഠിപ്പിച്ചവന്റെ അനുയായികള്‍ വെറുക്കാനും വെറുപ്പിക്കാനും ഉപദേശിക്കുമ്പോള്‍ സഹതാപം തോന്നുന്നു. ഖയാമാത്തിന്റെ നാളുകള്‍ വരുമ്പോള്‍ മറുപടി കൊടുക്കേണ്ടത് ഇക്കാക്കാമാരുടെ പാര്‍ട്ടി ഓഫീസില്‍ നിന്നല്ല സ്വയമേന്നറിയുക.

ഇത് കൂതറ തിരുമേനി ഇക്കാക്കമാരുടെ കോണിപടി ബ്ലോഗിന്റെ അടിയിലെ ചവിട്ടുപടിയില്‍ കമന്റായി എഴുതിയത്. അവിടുന്ന് മായ്ച്ചു കളഞ്ഞാല്‍ വായിക്കാനാണ് ഇവിടെ കൊടുത്തിരിക്കുന്നത്

അയ്യോ അപ്പോള്‍ ഈ മദനി വല്ല്യ വൃത്തികെട്ടവനാ അല്ലിയോ? അപ്പോള്‍ ആരാണാവോ ഹബീനെക്കാള്‍,രസൂലിനേക്കാള്‍ പുണ്യാളന്‍ ആയത്. ഞമ്മടെ കുഞ്ഞാലികുട്ടിക്ക ആണോ?എന്നാല്‍ പുള്ളിയുടെ പേരിന്റെ കൂടെ (സ) ചേര്‍ത്താലോ? അല്ല നമ്മുടെ സല്ലാഹൂ അലൈഹി വസല്ലം തന്നെ. ഈ ബാഫക്കി തങ്ങള്‍ പണ്ട് മദനിയെ വിട്ടപ്പോള്‍ ഞമ്മന് പെരുത്ത സന്തോശം എന്ന് പറഞ്ഞത് ഇക്കാക്കമാര്‍ മറന്ന പോയോ. മദനി ഇനി എല്ലാം ഏറ്റു പറഞ്ഞു മരിക്കണം അല്ലെ. വലിയ പൂതിയാണല്ലോ. അല്ല ഞമ്മള്‍ ഇപ്പോള്‍ എന്തിനു മദനിയെ പേടിക്കണം. അവന്‍ ആരാ. കാഫിര്‍ അല്ലിയോ.ഞമ്മളെല്ലാം പെരുത്ത ബിശ്വാസികള്‍ . ആട്ടെ ഇതെഴുതിയെ മഹാന് സുരത്- എ -കാഫിരുന്‍ തെറ്റുകൂടാതെ ഓതാന്‍ അറിയാമോ.

എടൊ പിള്ളേരെ. ജനാബ് പാണക്കാട് മുഹമ്മദ് അലി ശിഹാബ് തങ്ങള്‍ നല്ല മനുഷ്യനാ. ഒന് അള്ളാന്റെ പെരുത്ത കടാക്ഷവും കൃപയും ഉള്ളവന്‍ ആണ്. പക്ഷെ ആ നേതാവിന്റെ പിന്നിലെ ഇതുപോലെ ഒരാളെ താറടിക്കാന്‍ ഇറങ്ങിയ പള്ളിയെക്കള്‍ വലിയ മുക്രികള്‍ എന്താണെന്നും അവന്റെയൊക്കെ യോഗ്യത എന്താണെന്നും എല്ലാവനും അറിയാം. എന്തിനാ കുഞ്ഞുങ്ങളെ ഇതുപോലെ ഒരു പോസ്റ്റ് ഇട്ടു സമയം കളയുന്നത്.
പോയി നല്ലവണ്ണം അള്ളാനെ വിളിച്ചു നിസ്കരിക്ക്‌. പുണ്യം കിട്ടും.
പോയി സുരത് ഇ ബഖര വായിക്കു (9-13)
ഒന്ന് നന്നാവ്‌ മക്കളെ


കൂതറതിരുമേനി

30 comments:

പാവപ്പെട്ടവന്‍ said...

മനോഹരമായിരിക്കുന്നു
കുറിക്കു തന്നെ കൊണ്ട്
പ്രിയം നിറഞ്ഞ അഭിവാദ്യങ്ങള്‍

കൂട്ടുകാരന്‍ | Friend said...

കൂതറ രാഷ്ട്രീയം പറയാതെ.. ഒരു കാര്യം പറഞ്ഞു. പക്ഷെ ഒരു സംശയം ബാക്കി. എല്ലാ കമ്മ്യുണിസ്റ്റ്കാര്‍ക്കും മദനി ബന്ധം ഇഷ്ടപ്പെട്ടോ? അഭിപ്രായങ്ങള്‍ അറിയിച്ചാല്‍ നന്നായിരുന്നേനെ.

ഒരു നോട്ടീസും കൂടി. വായിച്ചിട്ട് തിരിച്ചു തരണം. കാശില്ലാത്തത്‌ കൊണ്ട്ട് അധികം പ്രിന്റ് എടുത്തിട്ടില്ല.

കൂതറ തിരുമേനി said...

അണികളില്‍ അഭിപ്രായ വോട്ടെടുപ്പ്‌ നടത്തി പാര്‍ട്ടി തീരുമാനങ്ങളെടുക്കുക പ്രായോഗികമല്ല കൂട്ടുകാരാ.പിന്നെ കൂതറ തിരുമേനി രാഷ്ട്രീയം പറയരുതെന്ന നിരോധനജ്ഞ നിലവിലില്ലല്ലോ.?

Joker said...

ബഷീര്‍ കാക്കക്ക് വോട്ട് പിടിക്കാനുള്ള ബ്ലോഗില്‍ ഞാന്‍ ഒരു കമന്റിട്ടപ്പോള്‍ അത് ആ സുഹ്യത്ത് മോഡരേറ്റ് ചെയ്ത് കളഞ്ഞു. ഈ പോസ്റ്റ് കണ്ടപ്പോള്‍ ആ സങ്കടം തീര്‍ന്നു.

മദനി പണ്ട് തീവ്രവാദം ഉള്ളായാളായിരുന്നു എന്ന് വെച്ച് അദ്ദേഹത്തിന് ഇപ്പോള്‍ അതെല്ലാം ഒഴിവാക്കി തെറ്റ് തിരുത്തി വനു കൂടെ. ഒരാള്‍ തീവ്രവാദിയായാല്‍ എന്നും അയാള്‍ അങ്ങനെ തന്നെ ആയിരിക്കണം എന്നാണോ ഈ മൂരി ലീഗുകാര്‍ വിചാരിക്കുന്നത്.

പാകിസ്ഥാന്റെ കൊടിയുമായി രാഷ്ട്രീയം കൊണ്ട് നടക്കുന്ന മൂരി ലീഗിനെ ഇന്ത്യയില്‍ നീന്ന് നിരോധിക്കണം. അല്ലെങ്കില്‍ ‘മുസ്ലിം’ ലീഗ് എന്ന പേരിലുള്ള ‘മുസ്ലിം’ എന്ന പദം ഒഴിവാക്കാന്‍ കേസ് കൊടുക്കണം. കാരണം ഇവിടെ ലീഗ് മാത്രമല്ലല്ലോ മുസ്ലിംഗള്‍.

നരിക്കുന്നൻ said...

കൂതറയുടെ രാഷ്ട്രീയം ഇവിടെ ചികയുന്നില്ല, വ്യക്തമാണ്. അതെന്ത് തന്നെയാകട്ടേ നിഷ്പക്ഷമായി ചിലത് കൂടി കൂട്ടിച്ചേർക്കേണ്ടിയിരിക്കുന്നു. ലേഖനത്തിലുടനീളം മലപ്പുറത്ത് ചെങ്കൊടി പാറിക്കാനുള്ള മാർക്സിസ്റ്റ് പാർട്ടിയുടെ ആഗ്രഹം നിറഞ്ഞ് നിൽക്കുന്നു. അത് നടക്കില്ലന്ന് ആരും പറയില്ല. പക്ഷേ അതിന് എല്ലാ അതിർവരമ്പുകളേയും അവഗണിച്ച് മത നേതാക്കളേയും മത വിശ്വാസങ്ങളേയും മൂടുതാങ്ങി അല്പ സ്വല്പം കുർആനും ഹദീസും ഒക്കെ പടിക്കേണ്ടി വന്നിരിക്കുന്നു എന്ന് മനസ്സിലാകുന്നു. മദനി തീവൃവാദിയാണോ എന്നുള്ളത് കാലം തെളിയിക്കേണ്ടതാണ്. പക്ഷേ അങ്ങനെ ഒരു നിഴലിൽ നിൽക്കുന്ന ആളുടെ പിന്തുണയോടെ ഏതറ്റം വരെ പോകാനും മാർക്സിസ്റ്റ് പാർട്ടി ഒരുക്കമാണെന്ന് അറിയുമ്പോൾ പാർട്ടിയെ സ്നേഹിക്കുന്ന ഒരുപാട് സ്ഖാക്കളുടെ വികാരം കൂടി മനസ്സിലാക്കേണ്ടതുണ്ട്.

Vote4Koni said...

കുതറ,
ബെസ്റ്റ്‌, തിരുമേനിയുടെ ആയത്തു ം ഹദീസും കലക്കി. അനക്ക്‌ കോഴിബിരിയാണി പറയട്ടെ.

കുതറെ, ലീഗുകാരനെ രാഷ്ട്രിയം പഠിപ്പിക്കാൻ നീയല്ല, നിന്റെ... വിചാരിച്ചാലും നടക്കില്ല. ആളാവല്ലെ മോനെ. നാഴികക്ക്‌ നാൽപത്‌വട്ടം, പ്രോഡ്യൂസറെ മാറ്റിപറയുന്ന, നിന്റെ തലതിരിഞ്ഞകളിയിൽ ലീഗിനെ കൂട്ട്‌പിടിക്കല്ലെ.

മദനിക്കും പിഡിപിക്കും കേരള രാഷ്ട്രിയത്തിൽ വെറും നാല്‌ വോട്ടിന്റെ വിലയെ ഉള്ളൂ എന്ന്, പൊന്നാനി തെളിയിച്ച്‌ തരും. കാത്തിരിക്കുക.

കുതറെ,
മലപ്പുറത്തിന്റെ മണ്ണിൽ നിന്നും മദനി പലപ്രവശ്യം ഗർജ്ജിച്ച ചില വാക്കുകൾ:-

"യുവാക്കളെ, നിങ്ങളുടെ ചോര തിളക്കുന്നില്ലെ, പ്രതിക്‌ജ്ഞ ചെയ്യുക. ബാബരി മസ്‌ജിദ്‌ പുനർ നിർമ്മിക്കുമെന്ന്, ആര്‌ തടുത്താലും, എന്ത്‌ പ്രതിസന്ധിയുണ്ടായാലും, ജീവൻ കളഞ്ഞും, മക്കളെ നാം ബബറി മസ്ജിദ്‌ പടുതുയർത്തും"

ഇത്‌ പ്രസംഗിച്ച മദനി, രാഷ്ട്രിയ നേതാവല്ല, അത്മിയ നേതാവായിരുന്നു. കിട്ടേണ്ടത്‌ കിട്ടിയപ്പോ, തലയ്കകത്ത്‌ ബൾബ്‌ കത്തിയ മദനിക്ക്‌ പിന്നീട്‌, പള്ളിയും വേണ്ട, പടച്ചോനും വേണ്ട. പക്ഷെ, മദനിയുടെ പ്രസ്ഥാനം സൃഷ്ടിച്ച, അതിന്‌ വേണ്ടി ജീവിതം ഹോമിച്ച വിഡ്ഡികളായ ആയിരകണക്കിന്‌ യുവാകളുടെ രോദനം ഇന്നും കേരളകരയിൽനിന്നുയർന്ന് കേൾക്കാം. മകനെ നഷ്ടപ്പെട്ട ഉമ്മക്ക്‌, സഹോദരനെ നഷ്ടപ്പെട്ട സഹോദരിക്ക്‌, അനിയനെ നഷ്ടപ്പെട്ട ജേഷ്ഠന്മാർക്ക്‌, നിലനിൽപ്പിന്‌ വേണ്ടി, ആരുടെയും ആസനം താങ്ങുന്ന മദനിയുടെ പുതിയ വേഷം ദഹിക്കില്ല. മകനെ നഷ്ടപ്പെട്ട ഉമ്മമാരും, കൂടപിറപ്പുകളെ നഷ്ടപ്പെട്ട പെങ്ങന്മരും കാർക്കിച്ച്‌ തുപ്പും മദനിയുടെ മുഖത്ത്‌.

എന്റെ രോഷത്തിന്റെ കാരണവും മറിച്ചല്ലെന്ന് മാത്രം കു തറെ മനസിലാക്ക്‌.

മൂടിവെച്ചിരിക്കുന്ന പല സത്യങ്ങൾക്കും കേരളത്തിലെ ഭരണകർത്തകൾ കാവലിരിക്കുകയാണ്‌. അതോരിക്കലും പുറത്ത്‌ വരാതിരുന്നാൽ, മദനിക്ക്‌ മാത്രമല്ല, പലകുടുംബങ്ങൾക്കും ആശ്വാസമാവും. ഇതറയാവുന്നവർ തന്നെയാണ്‌ കുതറെ കോൺഗ്രസ്സും ലീഗും. അവർ മൗനം പാലിക്കുന്നത്‌, അത്‌കോണ്ടാണ്‌.

പക്ഷെ, കു തറെ, നീ കാത്തിരിക്കുക, ഇലക്‌ക്ഷന്‌ ശേഷമുള്ള ആദ്യത്തെ വാർത്ത. അത്‌ മദനിക്ക്‌ സന്തോഷപ്രദമായിരിക്കില്ല. നാല്‌ വോട്ടിന്‌ വേണ്ടി, താൽക്കാലികമായി മാത്രമാണ്‌ മാർക്കിസ്റ്റുകാർ ഒരു ഭൂതത്തിന്‌ കാവലിരിക്കുന്നത്‌. അത്‌ തുറക്കുവാനുള്ള സമയവും സന്ദർഭവും, ഇടതന്റെ തെരഞ്ഞെടുപ്പിന്റെ തിരകഥയിലുണ്ട്‌.

സ്വന്തം നിലനിൽപ്പിന്‌ വേണ്ടി, പലരുടെയും ആസനം താങ്ങുന്ന നേതാവിനോടും, അയാളെ മൂഡമായി വിശ്വസിക്കുന്ന അനുയായികളോടും സഹതാപം തോന്നുന്നു.

കുതറെ, ഇനിയും മനസിലായില്ലെങ്കിൽ, ഒരു കാര്യം ശ്രദ്ധിക്കുക. മതവും രാഷ്ട്രിയവും രണ്ടും രണ്ടാണ്‌. മതത്തെ കൂട്ട്‌പിടിച്ച്‌ രാഷ്ട്രിയകുപ്പഴമിടാനുള്ള, മദനിയുടെ പ്രവർത്തിയിൽ മാത്രമാണ്‌ എനിക്കെതിർപ്പ്‌. അല്ലാതെ, മലപ്പുറത്ത്‌ പിഡിപിക്കാർ ഒലത്തും എന്ന പേടികൊണ്ടല്ല.

ഇനിയും വേണമെങ്കിൽ പറയുക. കാര്യകാരണങ്ങളും തെളിവുകളും സഹിതം, കുതറയുടെ ആണ്ണാക്കിലേക്ക്‌ ഞാൻ തിരുകി തരാം.

കൂതറ തിരുമേനി said...

@ജോക്കര്‍
അല്ല ജോക്കറെ, തീവ്രവാദികള്‍ അങ്ങനെ തന്നെ ആയിട്ടിരിക്കുന്നതാ ചിലര്‍ക്കെങ്കിലും ആഗ്രഹം,
@നരിക്കുന്നന്‍
ചില ആശയപരമായ അടുപ്പം പോലും വേണ്ട എന്നാണോ.ഒരു സംശയം ചോദിച്ചോട്ടെ. ഇങ്ങനെ ഒരു വൈരുദ്ധ്യം വന്നിട്ടും സി.പി.ഐ. കടിച്ചു തൂങ്ങി കിടക്കുന്നതെന്തിന്.
@വോട്ട് ഫോര്‍ കോണി
കൊള്ളാം നല്ല ഭാഷ. അല്ല ആ സംസ്കാരത്തില്‍ നിന്ന് ഇത്രയേ പ്രതീക്ഷിക്കുന്നുള്ളൂ. പിന്നെ ലീഗ് മതേതര പാര്‍ട്ടിയാ അല്ലെ.പുത്തന്‍ അറിവിന്‌ നന്ദി. പിന്നെ ഇലക്ഷന് ശേഷവും ഇങ്ങനെ വേണം. പണ്ട് ജലീലിനെ തോപ്പിച്ചപോലെ. കേട്ടോ. അപ്പോള്‍ കൂതറയെ പി.ഡി.പി. ആക്കിയോ .അപാര രാഷ്ട്രീയ ബോധമാണല്ലോ. പിന്നെ പി.ഡി.പി. എന്തോലത്താനാണ് .അങ്ങനെ ചിന്തിക്കല്ലേ. കഷ്ടം. പിന്നെ ആരാണ് പിന്നെ മഹാനായ നേതാവ് പറഞ്ഞത് തരാവോ ?
പിന്നെ ഇലക്ഷന്‍ സമയത്ത് തൊറന്നു വച്ച കടയില്‍ നിന്ന് കൂതറയെ കേറി പി.ഡി.പി.ക്കാരന്‍ ആക്കല്ലേ.
പിന്നെ ലീഗിനെ കൂട്ട് പിടിക്കാനോ .അതിലും ഭേദം ഈ ബ്ലോഗ് പൂട്ടി വേറെ പണി നോക്കുന്നതല്ലേ മച്ചൂ. പിന്നെ നിങ്ങളുടെ സ്ഥാനാര്‍ഥികള്‍ എല്ലാം ജയിക്കട്ടെ.
പിന്നെ നമുക്ക് ഈ മദനിയെ എന്ത് ചെയ്യണം. അങ്ങ് നാട് കടത്തിയാലോ? അതോ ജയില്‍ ഇട്ടാലോ ഏതാണ് വേണ്ടത്.
കോണി അവിടെ തന്നെ കാണുമല്ലോ അല്ലെ.

അനില്‍@ബ്ലോഗ് said...

ഈ വോട്ട് ഫോര്‍ കോണി കമന്റുകള്‍ (പലയിടത്തും ഉള്ളത്) പകര്‍പ്പെടുത്ത് സൂക്ഷിക്കുന്നുണ്ട്. രണ്ടത്താണിക്ക് പ്രചരണത്തിനുപയോഗിക്കാം.
:)

പി.ഡി.പി ഇപ്പോള്‍ എന്താണെന്നതാണ് പ്രസക്തമായ വിഷയം. ഇപ്പോള്‍ അത് തീവ്രവാദ സംഘടനയെന്നു പറയുന്നവര്‍ സ്വന്തം പാളയത്തിലുള്ള എ.ഡി.എഫ് എന്ന ഗ്രൂപ്പിനെ കണ്ടില്ലെന്നു നടിക്കുന്നു. എന്‍.ഡി.എഫിന്റെ പ്രൊമ്മോട്ടറന്മാര്‍ എല്ലാം ലീഗുകാരാണെന്നതും മലപ്പുറത്തുകാര്‍ക്ക് അറിയാവുന്ന കാര്യമാണ്.

തിരഞ്ഞെടുപ്പ് അടുക്കുമ്പോള്‍ പല ആരോപണങ്ങളും വരും , അതിലൊന്നാണ് മദനിക്കേതിരെ ഇപ്പോള്‍ വന്നിരിക്കുന്ന സാക്ഷിമൊഴികള്‍. 9 വര്‍ഷം ജയിലില്‍ കിടക്കുമ്പോള്‍ ഈ സാക്ഷിമൊഴികള്‍ എല്ലാം എവിടെയായിരുന്നു?

ഇലക്ഷന്‍ പ്രചാരണത്തിന് പള്ളികളെയും പള്ളിക്കമ്മറ്റികളേയും ആര് ഉപയോഗിക്കുന്നോ , അവരാണ് യഥാര്‍ത്ഥത്തില്‍ മതവും രാഷ്ട്രീയവും കൂട്ടിക്കുഴക്കുന്നത്.

തെരഞ്ഞെടുപ്പ് 2009 said...

ലീഗുകാരെ കുറ്റം പറഞ്ഞിട്ട് കാര്യമില്ല തിരുമേനി.
സ്വതേ ബുദ്ധി മാന്ദ്യം ഉള്ളവർക്ക് ബുദ്ധിഭ്രമം കൂടെ വന്നാലൊ.മലപ്പുറത്തും പൊന്നാനിയിലും ഇത്തവണ തോറ്റ് തൊപ്പിയിടും എന്ന് രഹസ്യ റിപ്പോർട്ട് കിട്ടിയപ്പോൾ തുടങ്ങിയതാണ് ലീഗുകാരുടെ വെപ്രാളം.അഹമ്മദിനും ബഷീറിനും ഇനി കൊപ്രാക്കളത്തിൽ കൊപ്ര കാക്ക കൊണ്ടു പോകുന്നുണ്ടൊ എന്ന് നോക്കി ഇരിക്കാം..

ഈ കോണിക്ക് കുഞ്ഞാലിക്കുട്ടിയേക്കാൾ തങ്ങൾ ഭക്തിയാണല്ലൊ.. ഇങ്ങേരും കുഞ്ഞാലിക്കുട്ടിപോലെ ഉള്ള ആൾ ആണൊ?


ലീഗുകാരെ രാഷ്ട്രീയം പഠിപ്പിക്കല്ലേ എന്ന്..ഹഹഹ കൊള്ളാം.കുഞ്ഞാലിക്കുട്ടിയേയും കെ പി എ മജീദീനേയും തോൽ‌പ്പിച്ചിരിക്കുന്നു മലപ്പുറം ജീല്ല.പിന്നെ അല്ലെ അഹമ്മെദും ബഷീറും

Ende said...

മദനിയെ എങ്ങനെ വേണമെങ്കിലും ന്യായീകരിക്കാം. പക്ഷേ അയാള്‍ തീവ്രത പ്രസംഗിച്ച് വഴിതെറ്റിച്ച ഒരുപാട് യുവാക്കള്‍ ഇപ്പോഴും അതേ മനസ്ഥിതിയോടെ ജീവിക്കുന്നതിനെ കുറിച്ച് അയാളെപ്പോലെ കൂതറക്ക്കും ഒന്നും പറയാന്‍ ഉണ്ടാവില്ലായിരിക്കും.

മദനിയാണ് ഈ സ്വാഭാവം സമൂഹത്തില്‍ കുത്തിവെച്ചത്. കോയമ്പത്തൂരിലേക്ക് പോയ മദനിയല്ല തിരിച്ചെത്തിയത് എന്ന് പ്രസംഗിക്കുന്നവര്‍ മറന്ന ഒരു കാര്യമുണ്ട്. പോവും മുമ്പ് അയാള്‍ വിതച്ച വിത്ത് വളര്‍ന്ന് വരുന്നതിന്റെ ഉത്തരാവാദിത്തം അയാള്‍ക്കില്ലേ.

അദ്ദേഹത്തിന്റെ പ്രസംഗം കേട്ടാണ് കേരളത്തില്‍ അന്ന് ഐ എസ് എസ് രൂപികരിക്കപ്പെട്ടപ്പോലെ തന്നെ ആര്‍ എസ്സ് എസ്സും സജീവമായത്. അല്ല എന്ന് നിഷേധിക്കാന്‍ ആര്‍ക്കും കഴിയും എന്ന് തോന്നുന്നില്ല.

അവസാനം കഥ മാറിയപ്പോള്‍ മുസ്ലിം ലീഗില്‍ നിന്ന് മിതവാദികള്‍ തീവ്ര മുസ്ലിംവാദത്തിലേക്കും കോണ്‍ഗ്രസ്സിലും കമ്മ്യുണിസ്റ്റ് പാര്‍ട്ടിയിലും ഉണ്ടായിരുന്ന മിതവാദികളില്‍ ഒരു ശതമാനം തീവ്ര ഹിന്ദുത്വത്തിലേക്കും ചേക്കേറിത്തുടങ്ങി.

കമ്മ്യൂണിസ്റ്റ് പാര്‍ട്ടിയുടെ ചരിത്രത്തില്‍ ഭൂരിപക്ഷത്തെ സന്തോഷിപ്പിക്കുന്ന ഒരു നാടകം കൂടി സ്ഥിരമായി ഉണ്ടായിരുന്നു. നിലനില്പിന്റെ ആവശ്യം. പക്ഷേ ഈ കാലിനടിയിലെ മണ്ണൊലിച്ച് പോക്ക് തിരീച്ചറിഞ്ഞ പാര്‍ട്ടി അനുഭാവികളെ ന്യൂനപക്ഷങ്ങളില്‍ തേടുന്നു. തെക്കെ കേരളത്തേക്കാളും അതിന് പറ്റിയ മണ്ണ് മലബാറണെന്ന് അവര്‍ മനസ്സിലാക്കി.

അത് കൊണ്ടാണ് കാന്തപുരം മുസ്ല്യാര്‍ക്കും മദനിക്കും എല്‍ ഡി എഫ് സ്ഥാനാര്‍ത്ഥിയെ തീരുമാനിക്കാന്‍ അവസരം ലഭിച്ചത്.


ഇതൊക്കെയാണ് വര്‍ത്തമാന കാല രാഷ്ട്രീയം.. മതത്തെ പാര്‍ട്ടികള്‍ പങ്കിട്ടെടുക്കുന്നു. മുസ്ലിങ്ങളുടെ കുത്തക മുസ്ലിം ലീഗില്‍ നിന്ന് കമ്മ്യൂണിസ്റ്റ് പാര്‍ട്ടിയിലേക്ക് ഒഴുക്കണം എന്നാണ് പിണറായിയുടെ ഉന്നം. അത് തടഞ്ഞ് നിര്‍ത്തുന്നതാവും കുഞ്ഞാലികുട്ടിയുടെ ഉന്നവും.

പക്ഷേ ഇതില്‍ രണ്ടും കെട്ട ഒരു റോളായിരിക്കും അബ്ദുന്നാസര്‍ മദനിക്ക്. കാര്യം കഴിഞ്ഞാല്‍ സുന്ദരമായി എടുത്ത് കളയാവുന്ന കവിവേപ്പില.


ഓഫ് :
കേരളത്തില്‍ ആര് ക്ഷമിച്ചാലും വിവരമുള്ള മുസ്ലിം മദനിയോട് ക്ഷമിക്കില്ല. കാരണം ഇവിടെ മതസ്പര്‍ദ്ധയുടെ ഉദ്ഘാടകന്‍ അയാളായിരുന്നു.

Ajith said...

Well Said Koothara...Congrats

ചാര്‍വാകന്‍ said...

മദനിയേ, മൂന്നുഘട്ടങ്ങളായി വായിച്ചെടുക്കണം ​.
1.ഐ.എസ്.എസ്.ഇസ്ളാമിനെ മാത്രം സം ബോദനചെയ്തു.
2.കീഴാളജനതയേ..പൊതുവില്‍.അം ബേദ്കറും ,അയ്യന്‍കാളിയും ,
വിഷയമായി.അപ്പോള്‍ തന്നേ..മദനിയുടെ കാര്യം കട്ടപൊക.
തീകൂട്ടികൊടുക്കാന്‍ മുഖ്യധാരാക്കാര്‍ മുമ്പേ..മുമ്പേ..
3.ഇപ്പോ..മദനിയുടെ വോട്ടിന്റെ കരുത്തറിഞ്ഞപ്പോ..
എഴുപതുകളില്‍..നക്സലേറ്റുകള്‍ അനുഭവിച്ചതിനേക്കാള്‍
ഭീകരമായ വേട്ടയാടലാണ്-പത്തുവര്‍ഷം പി.ഡി.പീ
അനുഭവിച്ചത്.ആകാലം മറികടക്കാന്‍ മദനിയുടെ പ്രസ്ഥനത്തിനു
കഴിഞ്ഞത്,ചെറിയകാര്യമല്ല.
ജനാധിപത്യത്തിനെ വെറളി പിടിപ്പിക്കാനുള്ള ശക്തി
വോട്ടിനുണ്ടന്നതാണ്‍ സത്യം .

suraj::സൂരജ് said...

പറയാന്‍ വന്നത് മുകളില് ചാര്‍വാകന്‍ കൃത്യമായി പറഞ്ഞു കഴിഞ്ഞു. അതില്‍ക്കൂടുതലെന്ത് പറയാന്‍.

ജനശക്തി said...

മദനിയുടെ ഭൂതകാലത്തിലെ തീവ്രവാദബന്ധം സ്ഥാപിച്ചെടുക്കാന്‍ കോടതിയില്‍ സമര്‍പ്പിച്ച നാലരച്ചക്രത്തിന്റെ കടലാസുകളെടുത്ത് മഞ്ഞവരയിട്ട് എന്തോ ആനക്കാര്യം കിട്ടിപ്പോയേ എന്നമട്ടില്‍ വെണ്ടയ്ക്ക നിരത്തുന്ന വീരേന്ദ്രപ്പത്രത്തിനും കെ.പി.മോഹനന്റെ മര്‍ഡോക്കുചാനലിനും ഇതും കൂടി ഒന്നു തപ്പാമോ ? (ആ കേസില്‍ മദനിയെ കോടതി വെറുതേവിട്ടാലും 'വീരേന്ദ്രഭൂമി'ക്ക് കടി തീരില്ല. മുരിക്കുമരം തന്നെ ശരണം!)

ഫാരീസ് അബൂബക്കറിന്റെ അളിയന്റെ അമ്മായിയുടെ നാത്തൂന്റെ ചേച്ചീട ഭര്‍ത്താവുമായി ആലുവാമണപ്പുറത്തുവച്ച് കോഴിക്കോട് സി.പി.എം സ്ഥാനാര്‍ത്ഥി മുഹമ്മദ് റിയാസ് സംസാരിച്ചിട്ടുണ്ടെന്നൊക്കെ ഗവേഷിച്ചുമലമറിക്കുന്ന നേരത്ത് ഇ.അഹമ്മദ് സാഹിബ്ബ് കച്ചവടമടിച്ച 17,000 ഹജ്ജ് ക്വോട്ടയെവിടെ എന്നും കൂടെ ഒന്ന് ഗവേഷിക്കരുതോ ?

കൂതറ തിരുമേനി said...

@അനില്‍ @ബ്ലോഗ്

ഒമ്പതര വര്‍ഷത്തെ ജയില്‍ വാസക്കലത്തും ജയില്‍ മോചിതനായ ശേഷമുള്ള രണ്ടു വര്‍ഷക്കാലത്തും കിട്ടാഞ്ഞ തെളിവുകള്‍ ഇപ്പോള്‍ കിട്ടുന്നതും കിട്ടിയതും എങ്ങനെയെന്നും എന്തിനെന്നും സാധാരണ ജനങ്ങള്‍ മനസ്സിലാക്കും.കാരണം അവരുടെ തലച്ചോര്‍ പള്ളിയ്ക്കോ പട്ടക്കാര്‍ക്കോ അടിയറ വെച്ചിട്ടില്ലല്ലോ.മുന്‍‌കാല രാഷ്ട്രീയ തീരുമാനങ്ങളിലും അഭിപ്രായങ്ങളിലും പിഴവുകള്‍ പറ്റിയെന്നു മദനി സമ്മതിക്കുന്നുണ്ട്.കാരണം ഐ.എസ്.എസ്. ഒരു മതാധിഷ്ടിത സംഘടന മാത്രമാണെങ്കില്‍ പി.ഡി.പി. പിന്നോക്ക, ആശരണരേ കൂടി മുന്നില്‍ കണ്ടു കൊണ്ട് രൂപീകരിച്ചതാണ്. അതുകൊണ്ട് ഇന്ന് മദനി മൃദുവാദി രാഷ്ട്രീയക്കാരന്‍ ആണെങ്കില്‍ അയാളുടെ ആശയങ്ങള്‍ക്ക് മാറ്റങ്ങള്‍ അഥവാ തിരുത്തലുകള്‍ സംഭവിച്ചെങ്കില്‍ ഇടതുപക്ഷവുമായി യോജിച്ചു പ്രവര്‍ത്തിച്ചാല്‍ ഒന്നും സംഭവിക്കാനില്ല. അത് മഹാപരാധമായി കരുതേണ്ട കാര്യവുമില്ല. ബാക്കി ജനങ്ങള്‍ തീരുമാനിക്കട്ടെ.

@തെരഞ്ഞെടുപ്പ് 2009

കോണിയുടെ മറുപടി കണ്ടപ്പോള്‍ ചിരിയാണ് വന്നത്. മതമെന്തു, രാഷ്ട്രീയമെന്തു എന്ന് പോലും അറിയാത്ത വല്ലഭന്‍. മലപ്പുറം ജില്ലയിലുള്ളവരുടെ തലച്ചോറ് മൊത്തത്തില്‍ പാര്‍ട്ടി ഓഫീസിലെ അലമാരയിലെന്ന് കരുതുന്ന വിഡ്ഢി. വിദ്യാഭാസപരമായി പിന്നോക്കം നില്‍ക്കുന്ന ജില്ലയില്‍ ആരുനിന്നാലും ജയിച്ചിരുന്ന കാലമുണ്ടായിരുന്നു. മലയാളി പ്രബുദ്ധരായത് വിദ്യാഭാസം കൊണ്ടാണ്. മതം കൊണ്ടല്ല. അവിടെ പി.ഡി.പി. വോട്ടു ചോദിച്ചാല്‍ എന്തിനാണ് ഇത്ര വെറളി പിടിക്കുന്നതെന്ന് മനസ്സിലാവുന്നില്ല. പക്ഷെ വിവരമില്ലായ്മ വാക്കുകളായി കമന്റുകളായി ഇവിടെ ഇട്ടതു കണ്ടപ്പോള്‍ ചിരിക്കാതെ എന്ത് പറയാം. ഈ തെരഞ്ഞെടുപ്പ് കഴിയുമ്പോള്‍ ചിലപ്പോള്‍ കോണി ബോഗ് കാണുമോ എന്ന് തന്നെ അറിയില്ല.
@ചാര്‍വാകന്‍
വോട്ടിന്റെ ശക്തിയെക്കുറിച്ച് ചിലര്‍ ഒരിക്കലും ഓര്‍ത്തില്ല.എന്നും പറയുന്ന ചിഹ്നത്തില്‍ വോട്ടിടാന്‍ പറഞ്ഞാല്‍ ചെയ്യുന്ന ആളുകളെപറ്റി മാത്രം അറിവുണ്ടായിരുന്ന ഒരു കൂട്ടര്‍. മദനിയെന്ന ചോരത്തിളപ്പുള്ള ഉസ്താദിന് പറ്റിയ പാളിച്ച ഐ.എസ്.എസ്. എന്നാല്‍ മടനിയെന്ന പക്വത വന്ന രാഷ്ട്രീക്കാരന്റെ ചിന്തകളും മാറ്റങ്ങളും ഇന്നത്തെ പി.ഡി.പി. യ്ക്. പിന്നെ ഇന്ന് ലീഗ് പേടിക്കുന്നതുപോലെ ഒരു കഴിവുണ്ടെങ്കില്‍ മദനിയുടെ പ്രവര്‍ത്തകര്‍ എത്രയുണ്ടെന്നെങ്കിലും ഈ തെരഞ്ഞെടുപ്പിനു ശേഷം അറിയാം. വള്ളത്തില്‍ വെള്ളം കയറുമ്പോള്‍ വള്ളമുന്നൂക്കാരന്റെ പരിഭ്രമാമെന്നെ കോണിയുടെ മറുപടിയോടു പ്രതികരിക്കാന്‍ കഴിയൂ.

@അജിത്
നന്ദി.

@എന്തേ

സുഹൃത്തെ ഈ ലോകത്തിലെ മുഴുവന്‍ തീവ്രവാദങ്ങളും മദനിയുടെ തലയില്‍ കെട്ടി വെയ്ക്കൂ.സയിദ് സലാഹുദീനും,മൌലാന മസൂദ് ആസ്ഹരും, ഹാഫീസ് മുഹമ്മദ് സയെദിനും,ഖലീദ് മാഷാലും,ഇസ്മയില്‍ ഹനിയയും, മഹമൂദ് സഹറും, ഹസ്സന്‍ നസര്‍ല്ലയും, ജാതിഫ് ഉസ്മാനും, രിദുവാന് ഇസാമുദിനീനും മാത്രമല്ല സാക്ഷാല്‍ ഒസാമ ബിന്‍ ലാദനും ഈ ചെകുത്താനായ മദനി തന്നെ. ഇപ്പോള്‍ "എന്തേ" സന്തോഷം ആയോ.
മദനി തീവ്രവാദി ആക്കിയ ----- നല്ല കാര്യം.. ഒമ്പതര വര്‍ഷം തീവ്രവാദി ആക്രമണങ്ങളും, അവരുടെ വളര്‍ച്ചകളും എല്ലാം മുരടിച്ചു പോയിച്ചിരുന്നു അല്ലെ. പാവങ്ങള്‍. അതാവും ഉസ്താദ് വന്നതിന്റെ തന്തോയം കാണിക്കാന്‍ ഇറങ്ങി വന്നതിനു മുംബെയില്‍ സ്ഫോടനം നടത്തിയത്. അല്ലെ. മദനി പറഞ്ഞിട്ട് തീവ്രവാദി ആയെന്നു പറയുന്നവര്‍ ഉസ്താദ് മിതവാദി ആയെന്നു പറയുമ്പോള്‍ മിതവാദിയും ആകേണ്ടേ.
ഇനി ഐ.എസ്.എസ് വന്നതുകൊണ്ടാണ് ആര്‍.എസ്.എസ്. വളര്‍ന്നതെന്ന ആരോപണം.എണ്‍പത്തി നാല് വര്‍ഷം മുമ്പ് ഉണ്ടായ ഒരു സംഘടന വളര്‍ന്നത്‌ മദനിയുടെ ഐ.എസ്.കാരണം എങ്കില്‍ ഈ മദനി വലിയ പുപ്പുലി ആവണമല്ലോ. എങ്കില്‍ തീര്‍ച്ചയായും മദനി ഇടതു പക്ഷത്തോട് സഹകരിക്കാതെ ആര്‍.എസ്.എസിനെ വളര്‍ത്താന്‍ ശ്രമിക്കണം.അപ്പോള്‍ ഉസ്താദെ നിങ്ങ പുലി തന്നെ കേട്ടോ. പിന്നെ നമ്മുടെ ആര്‍.എസ്.എസ്. നേതാക്കാന്‍ മാരോട് അഭ്യര്‍ത്ഥന: നിങ്ങ പാര്‍ട്ടി ബലുതാതാക്കിയത് മദനിയാണ് . അവനെതിരെ കൊടിപിടിക്കട്ടെ. എന്താ "എന്തേ "ഇത് ചുമ്മാ ആരും വിശ്വസിക്കാത്ത ഓരോ കാര്യങ്ങള്‍ പറയുന്നത്. ആര്‍.എസ്.എസ്. വളരാന്‍ ഒരു മദനിയുടെ സഹായം വേണോ.

@സുരാജ്
താങ്ക്സ്

@ജനശക്തി
മദനിയെ തീവ്രവാദി ആക്കി അവസാനം തൂക്കി കൊല്ലും. എന്നിട്ട് അയാളുടെ ഖബറില്‍ പോയി കോണി വെയ്ക്കും കണ്ടോ ഖബറില്‍ ഞങ്ങള്‍ കോണി വെച്ചത് കണ്ടില്ലേ എന്ന് പറയും.
ഇത് വരെ തെളിയിക്കാത്ത കേസില്‍ അയാളുടെ പുറകെ പോകുന്നവരുടെ കയിലെ ഐസ്ക്രീം അലിഞ്ഞു പോയോ ആവോ.? അല്ല ലീഗ് എന്താ മതേതര പാര്‍ട്ടി ആണോ. അവരുടെ കൂടെ വലതുപക്ഷം വോട്ടു ചോദിക്കുമ്പോള്‍ ഈ പേടി ഇല്ലല്ലോ. കഷ്ടം ഈ കോണികാരെ കൊണ്ട് തോറ്റു. ഇത് കാലിന്റെ അടിയിലെ മണ്ണ് ഒളിച്ചു പോവുമോ എന്നുള്ള പേടി മാത്രം. കാരണം മദനി എന്താണ് എന്ന് തിരിച്ചറിഞ്ഞു തുടങ്ങി.

കൂതറ തിരുമേനി said...

@കോണി
ബ്ലോഗില്‍ വരുന്ന കമന്റുകള്‍ക്ക് ബ്ലോഗ് ഉടമ ഉത്തരവാദി ആണെന്നറിയാം എന്ന് കരുതുന്നു. ആരോ കൂതറതിരുമെനിയെയോ വേറെ ഏതോ ബ്ലോഗരെയോ അലക്കിയെന്നു പറയുന്നു. ആ അലക്കുകാരനും ബ്ലോഗ് തുടങ്ങിയോ. പിന്നെ ആ എല്ലിന്റെ എണ്ണം കൂടിയവന്റെ കാര്യം താങ്കളോട് പറയണം.കാരണം ബ്ലോഗ് ഉടമയാണ് അതിന്റെ സമാധാനം പറയേണ്ടത്. ആളുകളുടെ എല്ലിന്റെ എണ്ണം കൂടണമെങ്കില്‍ വല്ലവനും തല്ലിയോടിക്കണം. അങ്ങനെ കൂതറ തല്ലിയോടിച്ച എല്ലുകാരെന്റെ മര്‍മ്മ, എല്ല് ചികില്‍സ നടത്തുകയാണോ അവിടെ? പിന്നെ ഇതെഴുതാന്‍ എത്ര പണം തന്നു പി.ഡി.പി. യും ഇടതുകാരും എന്ന് അയാള്‍ ചോദിച്ചിരുന്നു കാരണം അത്രയും പണം ലീഗിനെ കുറിച്ച് എഴുതാനും തരാമത്രേ. ഇത് കോണിയുടെ പണം തരാനുള്ള ഓഫര്‍ അല്ലെങ്കില്‍ അതവിടെ നിന്ന് മാറ്റുക. അതല്ല കോണിയുടെ അഭിപ്രായം തന്നെയാണെങ്കില്‍ കൂതറ എഴുതുന്നത്‌ കൂലിയ്ക്കല്ല. കൂലിയ്ക്കെഴുതാനും, വോട്ടു തരാനും ആളുകളെ കിട്ടും. കൂതറ തിരുമേനിയെ കിട്ടില്ല.

അടയാളം said...

പോസ്റ്റിലെ ഭാഷയോട്/ശൈലിയോട് യോജിക്കാനാവില്ല.ഇത്തരം വിഷയങ്ങള്‍ കുറച്ചുകൂടി പക്വതയോടെയും സമചിത്തതയോടെ കൈകാര്യം ചെയ്യേണ്ടതാണ് എന്നാണെനിക്ക് തോന്നുന്നത്.

മുസ്ലിം ലീഗിനോടും ആ പാര്‍ട്ടിയിലെ ചിലനേതാക്കളോടുള്ള വിരോധം കാരണവും പോസ്റ്റിട്ട ആള്‍ മുഖ്യവിഷയത്തില്‍ നിന്ന് പലപ്പോഴും വഴുതിമാറുന്നത് യദാര്‍ഥ വിഷയത്തെ വായനക്കാരിലേക്ക് പകര്‍ന്നു നല്‍കാന്‍ കഴിയാതെ വരുന്നതായി തോന്നുന്നുവെന്ന് പറയാതെ വയ്യ.

അബ്ദുന്നാസര്‍ മഅദനി അടിസ്ഥാനപരമായി ഒരു മതപ്രഭാഷകനാണ്. ആ നിലക്കു തന്നെയാണ് അദ്ധേഹം തന്റെ ജീവിതവും പൊതുപ്രവര്‍ത്തനവും ആരംഭിച്ചത്.ബാബരി മസ്ജിദിന്റെ തകര്‍ച്ചയും തുടര്‍ന്നുള്ള സംഭവവികാസങ്ങളും കാരണം മുസ്ലിം സമൂഹത്തില്‍ കടുത്ത അരക്ഷിതാബോധം വളര്‍ന്നു വരികകയും പലപ്പോഴും മുസ്ലിം സമുദായത്തിന്റെ വികാരങ്ങള്‍ക്കൊപ്പം നിലയുറപ്പിക്കാന്‍ മുസ്ലിം ലീഗീന് കഴിയാതെ വരികയും ചെയ്ത ഒരു സാഹചര്യത്തിലാണ് മഅദനി രംഗത്തു വരുന്നത്. തെക്കന്‍ കേരളത്തില്‍ മികച്ച മതപ്രഭാഷകനായി വളര്‍ന്നു വരുന്ന മഅദനി മലബാറിലെത്തുന്നത്തോടെയാണ് കൂടുതല്‍ കരുത്തനാകുന്നത്. ലീഗിന്റെ നിലപാടുകളോട് വിയോജിപ്പ് തോന്നിയ മലബാര്‍ ര്‍മേഖലയിലെ ചില മുസ്ലിം വിഭാഗത്തിന് മഅദനിയുടെ ഈ സാന്നിധ്യം ഏറെ ആശ്വാസം പകര്‍ന്നു.
ദിനം ചെല്ലുന്തോറും തനിക്ക് മുന്നില്‍ കുമിഞ്ഞുകൂടുന്ന ഈ വലിയ സംഘത്തെ എന്തുചെയ്യണമെന്നറിയാതെ, എന്നാല്‍ തന്നില്‍ പ്രതീക്ഷയര്‍പ്പിച്ച് നില്‍ക്കുന്ന ഈ കൂട്ടത്തെ നിരാശ്പ്പെടുത്താനുമാകാതെ നിസ്സഹായാവസ്ഥയിലെത്തിയ മഅദനിക്ക് ആരൊക്കെയോ ചേര്‍ന്ന് ഉപദേശിച്ചു കൊടുത്ത ബുദ്ധിയാണ് ആദ്യം ഐ.എസ് എസ് എന്ന പേരിലും പിന്നീട് പീ ഡി പി എന്ന പേരിലും പിറന്നുവീണ സംഘടനകള്‍. പ്രസംഗത്തിന് കയ്യടിക്കുന്ന ആള്‍ക്കൂട്ടത്തെ കണ്ട് ഒരു സംഘടന/പാര്‍ട്ടി ഉണ്ടാക്കാന്‍ മുതിര്‍ന്നതാണ് മഅദനിക്ക് പറ്റിയ ഏറ്റവും വലിയ തെറ്റ്.പിന്നീടങ്ങോട്ട് മഅദനിയുടെ പ്രവര്‍ത്തനത്തിന് കേരള സമൂഹം സാക്ഷി.ഒമ്പതര വര്‍ഷത്തെ കാരാഗൃഹവാസം കൊണ്ടാണ് മഅദനി അതിന്റെ പിഴയൊടുക്കിയത്.

ജയില്‍ വാസം തന്റെ ജീവിതത്തില്‍ ഒരു തിരുത്തിനു അവസരമൊരുക്കിത്തന്നെന്നുള്ള മഅദനിയുടെ മുങ്കൂര്‍ ജ്യാമാപേക്ഷ നമുക്ക് മുഖവിലക്കെടുക്കാം.അത് ശരിയെന്നോ തെറ്റെന്നോ കാലം തെളിയിക്കട്ടെ.

പക്ഷെ,ഇനിയും തെളിയിക്കാനായിട്ടില്ലാത്ത അദ്ധേഹത്തിന്റെ മുന്‍ കാല ചെയ്തികളുടെ പേരില്‍ ആരുടെയൊക്കെയോ രാഷ്ട്രീയ താല്പര്യങ്ങള്‍ക്കു വേണ്ടി രോഗങ്ങള്‍ കൊണ്ട് മല്ലിടുന്ന ആ ദുര്‍ബ്ബല ശരീരത്തെയും ക്ഷമയുടെ അവസാന നെല്ലിപ്പടിയും കടന്നുവന്ന ആ മനസ്സിനെയും ഇനിയും പീഡിപ്പിച്ച് തളര്‍ത്തുന്നത് ഒരാളോട് ചെയ്യാനാവുന്ന ഏറ്റവും വലിയ പാതകമായിരിക്കും എന്ന് പറയാതെ വയ്യ.

ആര്‍ബി said...

edo kooothare...

nee alu kollaalloo
dairyamundengil thante yadhaartha perum emailum thaayo
nhan thayaaraanu ninnodu muttaann


malappurathinte mannu chuvakkumenna thante vyaamoham manaasiilirikkukaye ullooo


E Ahammed ennna nhangalude nethaavu Un assembly yil indiakku vendi shabdhichengil.. malappurathinte mannilennalla keralathinte mannilottukkum haritha pathaaka thanne paaarum ennum ... ithu madaniyeppole innum innaleyum thudangiya party yalla 1906 muthal india mahaaa rajyath udaleduthathaaanu..


thirakku kaaranam ezhuthi kootaaan budhimutthukalund
TK hamsa kku oru praavasyam vote kutti ennu karuthi malappurathile aankuttikal kutti sakhaakkalaayi ennu thetti dharikkalle muthe,,,,

aanaanengi parayedo,, ningalkku aaraaa valuth CPI yo atho PDP yo???


Madani theevravaadham valarthiyappol, indian muslims ne Indiakkaraayi yadhaartha muslingalaakiya prasthaanamaanedo Indian UNion Muslim League...

Pakistante kodiyalla muslim league nteth.. ithu indian mannil jeevikkunna indian musalmaante yadhaartha kodiyaado




if you are a man come on line with your real name and id..

riyas.withlove@gmail.com

കൂതറ തിരുമേനി said...

@അടയാളം

സത്യത്തില്‍ ഈ പോസ്റ്റ് ഇട്ടതു തന്നെ ഇടതുപക്ഷത്തിന്റെ പ്രചാരണത്തിനോ അല്ലെങ്കില്‍ ലീഗിനോടുള്ള ദേഷ്യം തീര്‍ക്കാനോ അല്ല. കാരണം ലീഗിനോട് ഒരു വെറുപ്പോ ഇടതുപക്ഷത്തോട് വിധേയത്ത്വമോ കാണിക്കാന്‍ ഇതൊരു പാര്‍ട്ടി ബ്ലോഗും അല്ല. ആദ്യം ഇതിനു മുമ്പ് ഇട്ടപോസ്റ്റ് കൂടി ഒന്ന് നോക്കുക. അബ്ദുല്‍ നാസര്‍ മദനിയെന്ന മനുഷ്യന്‍ തെളിയിക്കപ്പെടാത്ത ഒരു തെറ്റിന്റെ പേരില്‍ വിചാരണ കൂടാതെ ജയിലില്‍ കഴിച്ചുകൂട്ടിയതിനെയും ഒപ്പം അതേപോലെ വീണ്ടും ആരോപണങ്ങള്‍ക്ക് വിധേയനായി അതും വളരെ സങ്കീര്‍ണ്ണമായ തീവ്രവാദ കുറ്റാരോപണം വന്നപ്പോള്‍ അതിനെ മനുഷ്യാവകാശ ധ്വംസനം ഇഷ്ടപ്പെടാത്ത ഒരാള്‍ ആയതുകൊണ്ട് മാത്രം ഇങ്ങനെ ഒരു പോസ്റ്റ് ഇട്ടുവെന്നു മാത്രം.

അതേപോലെ പി.ഡി.പി.ഉണ്ടായ സാഹചര്യവും,ഐ.എസ്.എസ്. എന്നാ മത സംഘടന ഉണ്ടായ സാഹചര്യവും അതിനെ നിരോധിച്ച സാഹചര്യവും അറിയാം. പക്ഷെ ഒരു വ്യക്തി ചെയ്യാത്ത അല്ലെങ്കില്‍ തെളിയിക്കാത്ത കുറ്റത്തിന്റെ പേരില്‍ ജയിലില്‍ ആവുകയും പിന്നീട് വിട്ടയയ്ക്കുകയും ചെയ്തതില്‍ ആര്‍ക്കും ഒന്നും ചെയ്യാന്‍ കഴിഞ്ഞില്ല വീണ്ടും അതെ സാഹചര്യം സൃഷ്ടിക്കാന്‍ ശ്രമിക്കുന്നത് കാണുമ്പോള്‍ മനുഷ്യനായത് കൊണ്ട് വിഷമം വരും. പക്ഷെ അതെ പോസ്റ്റിനെ അല്ലെങ്കില്‍ അതിന്റെ മറുപടിയെന്നപോലെ കോണിയില്‍ വന്ന പോസ്റ്റ് കണ്ടപ്പോള്‍ വീണ്ടും ഇങ്ങനെ ഒരു പോസ്റ്റ് ഇടാതിരിക്കാന്‍ കഴിഞ്ഞില്ല.

ആദ്യ പോസ്റ്റ് ഇടാനുള്ള കാരണം താങ്കള്‍ തന്നെ എഴുതിയിട്ടുണ്ട്.
"പക്ഷെ,ഇനിയും തെളിയിക്കാനായിട്ടില്ലാത്ത അദ്ധേഹത്തിന്റെ മുന്‍ കാല ചെയ്തികളുടെ പേരില്‍ ആരുടെയൊക്കെയോ രാഷ്ട്രീയ താല്പര്യങ്ങള്‍ക്കു വേണ്ടി രോഗങ്ങള്‍ കൊണ്ട് മല്ലിടുന്ന ആ ദുര്‍ബ്ബല ശരീരത്തെയും ക്ഷമയുടെ അവസാന നെല്ലിപ്പടിയും കടന്നുവന്ന ആ മനസ്സിനെയും ഇനിയും പീഡിപ്പിച്ച് തളര്‍ത്തുന്നത് ഒരാളോട് ചെയ്യാനാവുന്ന ഏറ്റവും വലിയ പാതകമായിരിക്കും എന്ന് പറയാതെ വയ്യ."

@ആര്‍ ബി
കൂതറ ആള് അത്ര കൊള്ളാമെന്നു പറഞ്ഞതിന് നന്ദി.കാരണം ആരും ഇതേവരെ അത് പറഞ്ഞിട്ടില്ല. "ജയ് ഹോ ആര്‍ബി."

അടയാളത്തിന് കൊടുത്ത കമന്റ് കൂടി വായിക്കുക. കാരണം മലപ്പുറത്തു ഇ.അഹമദ് അല്ല ഇനി ആര്‍ബി വന്നാലും ജയിച്ചാലും ഇനി ജയിച്ചു കേരള മുഖ്യമന്ത്രിയോ ഇന്ത്യന്‍ പ്രധാനമന്ത്രിയോ യാതൊരു വിഷമവുമില്ല. കാരണം റിയാസോ, ഇ അഹ്മദൊ വെറുക്കപ്പെടേണ്ട ആളുകള്‍ ആണെന്ന് ഈ പോസ്റ്റില്‍ പറഞ്ഞിട്ടുണ്ടെന്ന് തോന്നുന്നോ. എങ്കില്‍ വീണ്ടും വായിക്കുക. ഒപ്പം ഒരു മനുഷ്യനെ ജീവിക്കാന്‍ അനുവദിക്കില്ല അയാള്‍ മരണം ഏറ്റുവാങ്ങുന്നതാണ് നല്ലതെന്ന് പറയുന്ന പോസ്റ്റുകളോട് യോജിക്കാനും വയ്യ. കാരണം താങ്കളെ പോലെ എന്നെ പോലെ താങ്കളുടെ കമന്റില്‍ പറഞ്ഞ ഇന്ത്യന്‍ മുസ്ലിങ്ങള്‍ എന്നല്ല ലോകത്തെ ഏതു മനുഷ്യനും ജീവിക്കാന്‍ അധികാരവും അവകാശവുമുണ്ട്. അവരോടു മരണമാണ് താങ്കള്‍ക്ക് യോജിക്കുക എന്ന് പറയാന്‍ ഒരു മനുഷ്യനും ഒരു പാര്‍ട്ടിയ്ക്കും അധികാരമില്ല. ഇനി കോണി ബ്ലോഗില്‍ പറഞ്ഞപോലെ മദനിയ്ക്ക് ജീവിക്കാന്‍ അധികാരമില്ല മരിക്കണം എന്നുതന്നെയാണ് താങ്കളുടെയും അഭിപ്രായമെങ്കില്‍ സഹതാപിക്കാനെ നിവൃത്തിയുള്ളൂ.

ലീഗിന്റെ പാരമ്പര്യത്തെയോ നേതാക്കളെയോ ചോദ്യം ചെയ്യുകയല്ലല്ലോ എന്റെ പോസ്റ്റിന്റെ ലക്‌ഷ്യം, മദനിയുടെ പിന്നാലെ വാളും കൊണ്ട് നടക്കുന്നവരെകുറിച്ചല്ലേ.
പോസ്റ്റ് വായിച്ചു മറുപടി പറയുമ്പോള്‍ "ധൈര്യത്തെ" പറ്റി ചോദിക്കുന്ന താങ്കളുടെ അതെ ചോരത്തിളപ്പയിരുന്നു ഒരു കാലത്ത് മദനിയ്ക്ക്. ഇന്ന് അതുമാറിയപ്പോള്‍ അയാള്‍ തീവ്രവാദി ആയി അല്ലെ.

ആശയപരമായി വാദങ്ങളെ നേരിടാതെ ഇമെയില്‍ ഐഡിയും പേരും ചോദിക്കുന്ന താങ്കളും പഴയ മദനിയും തമ്മില്‍ എന്ത് വെത്യാസം.
ടി.കെ.ഹംസയ്ക്ക് വോട്ടു കിട്ട്യല്ലോ അല്ലെ. ജലീല്‍ എന്ന് കേട്ടിട്ടുണ്ടോ.ചുമ്മാതെ ചോദിച്ചതാ.
പി.ഡി.പി.യാണോ അതോ സി.പി.ഐ. ക്കാരന്‍ ആണോ വലുതെന്നു പറയേണ്ടത് കൂതറതിരുമേനി ആണോ.? അതോ ഇടതു പക്ഷ നേതാക്കാന്‍മാര്‍ ആണോ. എന്റെ സുഹൃത്തെ അത് തീരുമാനിക്കേണ്ടത് ജനങ്ങള്‍ ആണ്. അവര്‍ തീരുമാനിക്കട്ടെ. കാരണം കൈപിടിച്ചു വോട്ടു ചെയ്യിക്കാന്‍ കഴിയില്ലല്ലോ. അവര്‍ ജനവിധി എഴുതട്ടെ. അല്ലെ.

രിയാസേ,ലീഗ് പാകിസ്താന്റെ പാര്‍ട്ടി ആണെന്നോ , ലീഗിന്റെ കോടി പാകിസ്താന്റെ ആണെന്നോ കൂതറ പറഞ്ഞോ. ഇത് ജി.എസ്.പ്രദീപ് പറയുന്നതുപോലെ ചുമ്മാ എന്തെങ്കിലും പറയുന്ന ശീലം താങ്കള്‍ക്കുമുണ്ടോ.
ലീഗിന് മാത്രമല്ല വലതു ഇടതു പക്ഷത്തിനും ഭ.ജ.പ.യ്ക്കും എല്ലാം ഇലക്ഷന്‍ ആശംസകള്‍. പക്ഷെ മദനിയെ തീവ്രവാദി ആയി മുദ്രകുത്തി വീണ്ടും തൂക്കിലിടാതെ സുഹൃത്തേ. അയാള്‍ ജീവിച്ചോട്ടെ. അയാള്‍ക്കെതിരെ തക്കതായ തെളിവുകള്‍ ഉണ്ടെങ്കില്‍ അതുമായി കോടതിയേയോ സി.ബി.ഐ. യെയോ സമീപിക്ക്. എന്നിട്ട് മാതൃകാപരമായി ശിക്ഷിക്ക്. അല്ലാതെ നിങ്ങള്‍തന്നെ കോടതിയും വിധിയും നടത്താതെ.
സ്നേഹത്തിന്റെയും സഹനത്തിന്റെയും മതമാണ്‌ ചങ്ങാതി അല്ലാതെ വെറുപ്പിന്റെയും വൈരാഗ്യത്തിന്റെയും മതമല്ല ഇസ്ലാം.

Vote4Koni said...

ബഹുമാന്യനായ മദനിയോട്‌ വളരെ വിനയത്തോടെ ഒരു കാര്യം ചോദിക്കട്ടെ. തോരാത്ത കണ്ണുനിരുമായി, മകനെ കാത്തിരിക്കുന്ന ഉമ്മമാരോടും, ഭർത്താവിനെ കാത്തിരിക്കുന്ന ഭാര്യയോടും, പിതാവിനെ കാത്തിരിക്കുന്ന കുഞ്ഞുങ്ങളോടും, അംഗഭംഗം സംഭവിച്ച്‌, നിരാശ്രയരായി കഴിയുന്ന എണ്ണമറ്റ എന്റെ അനിയന്മാരോടും, മനസ്സ്‌ തുറന്ന്‌ പറയുവാൻ അങ്ങേക്ക്‌ കഴിയുമോ?. ഞാൻ ഇന്നലെ പ്രവർത്തിച്ചത്‌ തെറ്റായിരുന്നു എന്ന്‌?. പ്രസംഗിച്ചത്‌ തെറ്റായിരുന്നു എന്ന്‌?. വിശുദ്ധ ഖുർആനും തിരുസുന്നത്തും കൂട്ട്പിടിച്ചത്‌ നേതാവാകാനായിരുന്നു എന്ന്‌?. നിങ്ങളെ കുരുതികൊടുത്തത്‌ എന്റെ നിലനിൽപിനായിരുന്നു എന്ന്‌?.

ഉത്തരം പറയാത്ത കാലത്തോളം, ബഹുമാന്യനായ മദനി, അങ്ങ്‌, വർഷങ്ങൾക്ക്‌ മുൻപ്‌ മുളപ്പിച്ച വിഷച്ചെടിയുടെ വിത്തുകൾ മുളച്ച്പൊങ്ങും. ഇന്നലെയും, ഇന്നും. നാളെയും.

മതസൗഹാർദ്ദത്തോടെ ഞങ്ങൾ കഴിഞ്ഞിരുന്ന പല ഗ്രാമങ്ങളുടെ ഇടവഴികളും, ഇന്ന്‌ ചോരമണമുള്ളതാണ്‌. ആരോക്കെ വെള്ളപൂശിയാലും, തണൽ നഷ്ടപ്പെട്ട മുസ്ലിം സ്ത്രീകൾ നിങ്ങൾക്ക്‌ മാപ്പ്‌ തരില്ല. ഒരിക്കലും. (അതെ മദനി, നഷ്ടം സംഭവിച്ചത്‌, മുസ്ലിം സ്ത്രീകൾക്ക്‌ മാത്രമാണ്‌. അങ്ങയുടെ എല്ലാ കച്ചവടത്തിലും)

ഇന്ന്‌ പിണറായി വിജയന്റെ ഇടത്‌ പിഡിപിയും, വലത്‌ ബിജെപിയും അത്താണിയുമായി നിൽക്കുന്നത്‌ കാണുബോൾ, മലപ്പുറം ജില്ലയിലെ പല ഖബർസ്സ്ഥാനുകളിലും അന്ത്യവിശ്രമംകൊള്ളുന്നവരുടെ രോദനം അങ്ങ്‌ കോൾക്കുന്നുണ്ടോ?.

എവിടെപോയോളിച്ചാലാണ്‌, മദനി, മനസാക്ഷിയിൽ നിന്ന്‌ അങ്ങ്‌ രക്ഷപ്പെടുക.
------------------
പ്രിയപ്പെട്ട പിഡിപിക്കാരെ, ഒരത്താണിയുമില്ലാതെ ഉയലുന്ന നേതാവിനെ രക്ഷിക്കാൻ, ആഞ്ഞ്‌ ശ്രമിക്കുക. പൊന്നാനിയിൽ സൂര്യന്‌ ഉദിച്ചുയരാൻ പ്രയാസമാവും, കാരണം, മുസ്ലിംലീഗിന്റെ സമുന്നതരായ നേതാകൾ പടുത്തുയർത്തിയ കോട്ടയുടെ മറവിൽ തന്നെയാണ്‌, ഉദിച്ചുയരാത്ത സുര്യൻ. പൊന്നാനിയിലെങ്കിലും ഉദിക്കാത്ത സുര്യനെ കയറിട്ട്‌ വലിച്ച്‌ ഉദിപ്പിച്ചില്ലെങ്കിൽ, ഓർത്തോളൂ പിഡിപിക്കാരാ, പാല്‌ തരുന്ന ഇടതന്റെ കൈകൾകൊണ്ട്‌ തന്നെ, കേരളത്തിൽ ഒന്നുമാവാതെ കാലം ചെയ്ത ഒരു പാർട്ടിയുടെ ശേഷക്രിയകൾ നടക്കും, ഒപ്പം, നേതൃപാഠവം ആവോളമുള്ള ഒരു നേതാവിന്റെയും.

കൂതറ തിരുമേനി said...

എല്ലാവരുടെയും ശാപം കൊണ്ട് നശിക്കട്ടെ ആ തീവ്രവാദി അല്ലെ. അയാള്‍ക്ക്‌ നരകത്തില്‍ പോലും ഇടം കൊടുക്കല്ലേ സര്‍വ്വശക്താ. അയാളെ തീയില്‍ വെന്തു വെണ്ണീര്‍ ആക്കണേ നാഥാ.
മതിയോ കോണി സഹോദരാ. Are you happy now??

pdp-koothara-pdp said...

കൂതറേ സൂറത്തുല്‍ ബഖറ ഒന്നു ഓതിത്തരാവോ.

അണ്ണൻ എത് ദര്സിലാണോ ഓതിയത്?

സൂറത്തിനെ കുറിച്ചെക്കോ പറഞ്ഞപ്പോള്‍ ..അണ്ണന്റെ അറിവ് ... നമിച്ചു....നീ കൂതറ തന്നെയാ ...

കൂതറ തിരുമേനി said...

സൂറത്തുല്‍ ബഖറയിലെ നാല് ആയത്തുകള്‍ വായിച്ചപ്പോള്‍ ഞാന്‍ കൂതറ ആണെന്ന് മനസ്സിലായി അല്ലെ. ബാക്കി ഇരുന്നൂറ്റിഎണ്‍പത്തിരണ്ടെണ്ണം കൂടി വായിക്കു. അപ്പോള്‍ ഞാന്‍ കൂതറ തിരുമേനി ആണെന്ന് താന്‍ തന്നെ പറയും.

പിന്നെ അന്റെ ഐഡി ഞമ്മക്ക്‌ പെരുത്ത് ഇഷ്ടായി. കൊള്ളാം ഡാ മുത്തെ.

sivaprasad said...

പി ഡി പി പ്രവര്‍ത്തകര്‍ വെട്ടിക്കൊലപ്പെടുത്തിയ സി പി എം പ്രവര്‍ത്തകരുടെ രക്തസാക്ഷി മണ്ഡപം തിരുവനന്തപുരത്തും, മദനിയുടെ സ്വൊന്തം നാടായ കരുനാഗപ്പള്ളിയിലും ഇപ്പോഴും ഉണ്ട് . കൊലയാളികളുടെ തോളില്‍ കൈ ഇട്ടു വോട്ടു പിടിക്കേണ്ട ഗതികേട് ഞാനും കൂടി വിശ്വസിക്കുന്ന ഈ പ്രസ്ഥാനത്തിനുണ്ടായത്തില്‍ അതിയായ ദുഃഖം തോന്നുന്നു. ഈ മണ്ടപങ്ങളില്‍ രക്ത പുഷ്പം അര്‍പ്പിക്കുന്നവര്‍ മനസാക്ഷിയോട് ചോദിക്കട്ടെ മദനി ആരെന്നും, മാറിയ നിലപാടുകള്‍ ആരുടെതെന്നും ?

ആര്‍ബി said...

priyappetta koothre,,
nhan id chothichath aashaya samarathinu thanneyaanu,,, athallathe thanne vetti kolappeduthaanalla,, thante postil muslim league nodulla paka nizhalichu kaanunnu,, madaniyodum idathu pakshathodum ulla snehavum... muslim league indiayil enthu cheythu ennathinu utharamaanu keralathil innu kanunna madha souhaardhavum indianmuslim enno allengil kerla muslim enno ulla identity yum.. lokathe oru muslim samudaayathinum illatha athra thanne aikyavum samskaarikamaaya munnetavum...

thanee postiloode pinne enthaanu udheshikkunnath??
madaniyude vishavithukal india mahaarajyathil thalapokki ayaalude cassettukal kettu thalakku mathu pidicha oru pattam yuvaakal kaashmeeril poyivetti marichath koothara thirumeni ariyunnille,...

ponnaniyil ldf um cpm um enthaanu cheyyunnath ennu ethoru keraleeyanum manassilaavum .. athinethire avar vidhi yezhuthukayum cheyyum,,


koothara thirumeniyude blog comment kootanalla pakka rashtreeyam samsaarikkanundengil aashayaparmaayi neridaanaanu nhan id thannathum chothichathum...


athoru chora thalappaayi kaaanunnathil sangadamund.. athum pazhaya madaniyekondu upamichathilum...



baabri masjith thakarnnappol muslim league vadiyum koduvaalum eduthirunnengil enthaayirikkum innu indiayude avastha??? athonnu alochikk,,,muslim league nte aashayangale kaalam sathyamaanennu theliyichu,,athu ethu rangathaayaalum,,

india mahaa rajyath matha sahishnuthayum matha nirapekshathayum souhaardhavumaanu pularendath , allathe theevravaathamaalla,,, ithil thirumenikkum doubt undaavilla ennu karuthunnu...

കൂതറ തിരുമേനി said...

@ ശിവപ്രസാദ്

രാഷ്ട്രീയത്തെ പറ്റി സംസാരിക്കുന്നതിനു മുമ്പ് ഒരു കാര്യം ചോദിക്കട്ടെ.ഒരേ കക്ഷിയില്‍ പെട്ട പാര്‍ട്ടിയിലെ അണികളും, ഒരേ പാര്‍ട്ടിയിലെ അണികള്‍ തന്നെയും കൊലപ്പെടുത്തിയ സംഭവങ്ങള്‍ ഇന്ത്യയില്‍ നടന്നിട്ടുണ്ട്. കാരണം മനുഷ്യന്‍ ആത്യന്തികമായി സ്വാര്‍ഥന്‍ ആണ്. ചിലതിനെ രാഷ്ട്രീയ വൈരാഗ്യമായി എടുക്കും. ചിലതിനെ വെക്തി വൈരാഗ്യമായും. പക്ഷെ രാഷ്ട്രീയത്തില്‍ കഴിഞ്ഞ ഇന്നലെകളെ കുറിച്ചുള്ള ചിന്തകളല്ല ഇന്നിനെയും വരാനുള്ള നാളെയുംകുറിച്ചുള്ള ചിന്തകളാണ് പ്രധാനം. ഇന്നലകളെ ചൊറിച്ചു പുണ്ണാക്കി വ്രണമാക്കി അതിനെ വോട്ടാക്കുന്നവര്‍ ധാരാളം ഉണ്ട്.

@ സുഹൃത്തെ ആര്‍ബി.
ഒരു കാര്യം ആദ്യമേ പറയട്ടെ ആദ്യത്തെ താങ്കളുടെ കമന്റില്‍ എടൊ കൂതറെ, എന്നും ഇപ്പോള്‍ പ്രീയപ്പെട്ട കൂതറെ എന്നുമാണ്. രണ്ടു കമന്റിലെയും ടോണും വേറെ തന്നെ. പക്ഷെ അപ്പോഴും ഇപ്പോഴും കൂതറ ഒരേ സ്നേഹത്തോടെ തന്നെയാണ് സംസാരിക്കുന്നത്.കാരണം ഉദ്ദീപനത്തോടെ സംസാരിച്ചാല്‍ പ്രശ്നപരിഹാരം ഉണ്ടാവില്ലല്ലോ.

താങ്കള്‍ കരുതുന്നതുപോലെ കൂതറ ലീഗ് വിരോധിയോ ഇടത്,പി.ഡി.പി. മെമ്പറോ അല്ല. പി.ഡി.പി. ഇന്ന് ഇടത് പക്ഷത്തോട് കൂടെ നില്‍ക്കുമ്പോള്‍ അത് വര്‍ഗ്ഗീയവാദികള്‍ മാര്‍ക്സിസ്റ്റ്കാരോട് കൂട്ട് കൂടലാവും അല്ലെ.ലീഗ് ഒരു മതേതരപാര്‍ട്ടിയാണെന്ന് പറയാമോ.? പേരില്‍ തന്നെ "മുസ്ലിം" ലീഗ് എന്നുള്ളപ്പോള്‍ തീര്‍ച്ചയായും അതും വര്‍ഗ്ഗീയ പാര്‍ട്ടി തന്നെ ആവുമല്ലോ. ആവരുതെന്നും കൂതറ പറയുന്നില്ല. ഇന്ന് "ഹിന്ദു "ലീഗ്, "ക്രിസ്ത്യന്‍" ലീഗ്,മാത്രമല്ല "ബുദ്ധന്‍" ലീഗ് വന്നാലും സന്തോഷം തന്നെ. ഇതില്‍ ലീഗ് എന്നുവെച്ചാല്‍ കൂട്ടം എന്നെ അര്‍ഥം ഉള്ളുവെന്ന് ആര്‍ ബി.എക്ക് അറിയാമെന്ന് കരുതട്ടെ. എങ്കില്‍ ഇതേ മുസ്ലിം ലീഗ് പണ്ട് ഇടത് പക്ഷത്തിനു പിന്തുണ കൊടുത്തതു സഹോദരന്‍ കേട്ടിട്ടുണ്ടോ. അന്നെന്നെ വര്‍ഗീയവാദികള്‍ തങ്ങളുടെ പിന്തുണ "നിരീശ്വരവാദികളുടെ" തടവറയില്‍ തലച്ചോറ് പണയം വെച്ചെന്നോ അല്ലെങ്കില്‍ തടവറയില്‍ പെട്ടെന്നോ പറഞ്ഞില്ല. മുസ്ലിംലീഗും പി.ഡി.പി. യും മതവിശ്വാസികള്‍ തന്നെയാണ് എന്ന് തന്നെ കൂതറ തിരുമേനി കരുതുന്നത്. പക്ഷെ അന്നും ഇടതുപക്ഷങ്ങള്‍ നിരീശ്വരവാദികള്‍ ആയിരുന്നല്ലോ. അതോ അന്ന് സഖ്യത്തിന് വേണ്ടി അവരെ വിശ്വാസികള്‍ ആക്കിയിരുന്നോ.? ഇല്ലല്ലോ. അതിന്റെ ഉത്തരം. അന്നത്തെ സാഹചര്യത്തില്‍ അതാവശ്യമായി വന്നു. കക്ഷിരാഷ്ട്രീയത്തില്‍ കളംമാറി ചവിട്ടലും ഗ്രൂപ്പ്കളിയും കക്ഷി ചേരലും എല്ലാം സാധാരണവും ആവശ്യവും തന്നെ.പക്ഷെ അത് മദനി ചെയ്യുമ്പോള്‍ എന്തെ ഇത്ര വൈക്ലബ്യം. അയാളെന്താ അത്ര വെറുക്കപ്പെടേണ്ടവന്‍ ആണോ?

ലീഗിലെ നേതാക്കള്‍ മോശക്കാര്‍ ആണെന്ന് കൂതറപറയില്ല. മറിച്ച് ബഹുമാനിക്കപ്പെടെണ്ടാവര്‍ ധാരാളം ഉണ്ട്. എം.കെ.മുനീര്‍,സമദാനി തുടങ്ങിയവര്‍ ധാരാളം. പാണക്കാട് തങ്ങളെയും ബഹുമാനമേയുള്ളൂ. എന്നാല്‍ എല്ലാവരും അങ്ങനെയുള്ളവര്‍ ആണെന്ന് താങ്കള്‍ക്ക് പറയാമോ?
പിന്നെ ലീഗിന്റെ പ്രചാരണാര്‍ത്ഥം ഇവിടെ കോണി ബ്ലോഗ് നടത്തുന്നവരുടെ പ്രകടനങളും കമന്റുകളും കണ്ടോ. ഇതാണോ ലീഗിന്റെ സംസ്കാരം. ഈ സംസ്കാരം വെച്ച് നടന്നാല്‍ വോട്ടു കിട്ടുമെന്ന് തോന്നുന്നോ.ഒരു കാര്യം മിക്കവരും മറന്നുപോവുന്നു.ബ്ലോഗില്‍ എഴുതുന്നതും കമന്റുന്നതും മലപ്പുറം എന്നൊരു ജില്ലയില്‍ മാത്രമല്ല വായിക്കപ്പെടുന്നത്. ലോകത്തില്‍ മലയാളികള്‍ ഉള്ള എല്ലാ രാജ്യത്തിലുമാണ്. അതുകൊണ്ട് തന്നെ അവരുടെ ഈ ആശയപപ്പരത്തവും തെറി,ഭീഷണി സംസ്കാരവും ആ ബ്ലോഗിന് തന്നെ ഭാരമാവുകയെ ഉള്ളൂ.
ഈ പോസ്റ്റ് തന്നെ കോണി എന്നാ ബ്ലോഗിന്റെ ഉടയോന്മാര്‍ക്ക് ഒരു കമന്റിന്റെ മറുപടിയെന്നോണം ആയിരുന്നു. കഴിഞ്ഞ മദനി പോസ്റ്റ് വായിച്ചിട്ട് വായിക്കുക.

താങ്കള്‍ എന്ത് കരുതി.ഇന്നീ കേരളത്തില്‍ നിന്ന് കാശ്മീരിലെക്കും പാക്അധിനിവേശ കാശ്മീരിലെക്കും പോവുന്ന മലയാളികള്‍ മുഴുവന്‍ പി.ഡി.പി.കാരന്‍ ആയിരുന്നോ.അതോ ആണോ
സുഹൃത്തെ, അറിവ് കേട് പാടി നടക്കല്ലേ.മതത്തിന്റെ പേരില്‍ ഭ്രാന്ത് പിടിച്ച കൊറേ ഭ്രാന്തമാര്‍ കിട്ടുന്ന നക്കാപ്പിച്ച കാശിനു വേണ്ടി രാജ്യത്ത്‌ ഒറ്റു കൊടുക്കാന്‍ തീവ്രവാദി ആകുന്നു. മുംബെയില്‍ പിടിയിലിയായ കസബിനെ തീവ്രവാദി ആക്കിയതും മദനി ആയിരുന്നോ. പിന്നെ നിങ്ങള്‍ പറഞ്ഞല്ലോ മുസ്ലിംലീഗ് ആണ് ഇന്ത്യയിലെ മത സൗഹാര്‍ദത്തിന്റെ കാരണമെന്ന്. എങ്കില്‍ നിങ്ങള്‍ പറയുന്ന പി.ഡി.പി. വിരലില്‍ എന്നാന്‍ മാത്രമല്ലേ ഉള്ളൂ. കൊണിക്കാരന്റെ ഭാഷയില്‍ കയറും കൊണ്ട് പിടിച്ചാല്‍ പോലും പൊങ്ങാത്ത സൂര്യന്‍ അല്ലെ. എങ്കില്‍ ആ ജില്ലയിലെ ഭൂരിപക്ഷമുള്ള ചേട്ടന്മാര്‍ എന്തെ അവരെ നേരെ ചൊവ്വേ ആക്കാഞ്ഞത്.നേര്‍വഴി നയിക്കെണ്ടതും നിങ്ങളുടെ കടമയല്ലേ. അതോ പി.ഡി.പി.ക്കാരന്‍ ആയതു കൊണ്ട് അവന്‍ നവമുസ്ലിമോ, അമുസ്ലിമോ ആവുമോ. ഇല്ലല്ലോ.

മദനി ജയിലില്‍ കിടന്ന വര്‍ഷങ്ങളില്‍ ധാരാളം ചെറുപ്പക്കാര്‍ തീവ്രവാദികള്‍ ആയിരുന്നല്ലോ. അന്നവരെ തിരുത്താമായിരുന്നല്ലോ.? എന്തെ ചെയ്തില്ല. വെറുക്കുന്നത് ആണോ ഇസ്ലാം. സ്നേഹിച്ചു നേരായമാര്‍ഗ്ഗത്തില്‍ കൊണ്ടുവരാമായിരുന്നല്ലോ?താങ്കള്‍ക്കറിയാമോ ഇന്ത്യയിലെ സാമൂഹികസ്ഥിതിയാണ് ഇന്ത്യയിലെ സമുദായ സൌഹാര്‍ദ്ധത്തിനു കാരണം. അല്ലാതെ മൊത്തത്തില്‍ ആ ക്രെഡിറ്റ് ലീഗ് അങ്ങേടുക്കാതെ. പാകിസ്ഥാനിലും ലീഗ് ഉണ്ട്. അവിടെ എന്ത് സാമുദായിക സൌഹാര്‍ദ്ധമാണെന്ന് അറിയാമോ. ക്രിക്കറ്റ് ടീമില്‍ നില്‍ക്കണമെങ്കില്‍ പോലും മതംമാറണം.

ഇന്ത്യയിലെ സാമൂഹ്യ അന്തരീക്ഷം, ജാതിവെവസ്ഥ, ഓരോ മതത്തിനും മൊത്തം ജനസംഖ്യയില്‍ ഉള്ള അനുപാതം എല്ലാം മനസ്സിലാക്ക് . അപ്പോള്‍ മനാസിലാവും എന്താണ് ഈ സമുദായ സൌഹാര്‍ദ്ധത്തിനു കാരണമെന്ന്. ഇന്ത്യയിലെ ഏറ്റവും കൂടുതല്‍ മുസ്ലിങ്ങള്‍ ജീവിക്കുന്ന ജില്ലയായ വെസ്റ്റ് ബംഗാളിന്റെ മൂര്‍ഷിദാബാദില്‍ പോലും ഇത്ര തീവ്രവാദികളെ റിക്രൂട്ട് ചെയ്യാന്‍ കഴിയാത്തപ്പോള്‍ കേരളത്തില്‍ കഴിയുന്നെങ്കില്‍ അത് പഠനവിധേയമാക്കെണ്ടാതാണ്. കാരണം മതമെന്ന് കേള്‍ക്കുമ്പോള്‍ വാളെടുക്കുന്ന സംസ്കാരത്തിന്റെ പ്രതിഫലനം മാത്രമാണത്. അതാണ്‌ സഹിഷ്ണുതയുടെ ഇല്ലായ്മ. ഇനി താങ്കള്‍ പറഞ്ഞില്ലേ ഇന്ത്യാ മഹാരാജ്യത്ത് മത സൌഹാര്‍ദ്ദമാണ് പുലരേണ്ടത്.താങ്കള്‍ കരുതുന്നത് മദനിയാണ് ആ വിഷവിത്തുകള്‍ പാകിയതെങ്കില്‍ ആ പാത വെടിഞ്ഞു ആ വിഷവിത്തുക്കള്‍ നശിപ്പിക്കാന്‍ ശ്രമിക്കുമ്പോള്‍ അതിന്റെ പ്രോത്സാഹിപ്പിക്കാതെ വീണ്ടും അത് പാകാന്‍ വിടുന്നതാണോ താങ്കളുടെ ധാര്‍മ്മീയത.

ആര്‍ബി said...

priyappetta koothare...

thaankal ezhuthaapuram vaayikkunnu,,

first of all, vote for koni aarude blog aanennu enikkariyilla..
athil atharathil samskaarashoonyathayaanu vilimbunnathengil athinethire oru viyojippum ivide rekhappeduthunnu...


mUSlim league....muslim enna perukondu vargeeya vaathiyaavumo.. entho enikkangane thonnunnilla,,, priyappetta suhruthe,, 1947 lu india vibajicha kaalath prathaanamaayum 3 chinthakaalaanu muslimkalkkidayil urithirinhirunnath,, onnu abul kalam asaad paranha,, congress mathi enna nyaayam,, randu moudeedi( innathe jamaathe islami) paranha muslim raashtram,, 3 muslim league innu enuvarthikkunna nhangalude annathe nethakal - qaaide millath - paranha indian muslim enna identityil india yude baagamaavuka..

ithil innu vijayichathum ivide nadappaakaavunnathum 3aaamath paranhathaanu... annu pakisthan muslim league sahaayam vagadaanam cheythappol qaaide millath ismaeel saahib paranhathu thaankal vaayichittundo ennariyilla..
ithu indian muslingalude league aanu allaathe pakisthan alla,, ividuthe muslims ne samrakshikkan pakisthaante aavasyamilla,... charithram padikkunnath koothra thirumenikkum aavamm alle??
angane yundaayathaanu muslim league ,, evideyaanu thirumeniii muslim league vargeytha vilambiyath??/ nhana nerathe commentil baabri masjith sambavam vivarichirunnu,,athu manassilaayikaanum ennu vishwasikkunnu,, christian league,, hindu league,, etc engane league kal undaayaal athoru vargeeya party yaavumo,?? anganeyengil cpm um aa ganathil thanneyalle avarude matham( prathyaya shaasthram ) marxism aanennu maathram,,, ath nadakkathe poyappo mathetharamaakiyathalle,,

nhan manassilaakunnath, vargeeyatha ennu parayunnathum theevravaadam ennu parayunnathum, oru sangaaadanam kondalla marich mattulla vargathe, jaathiye mathathe illathaaki swayam nedunnathaanu ennaanu...
angine muslim league ikaalamathrayum cheythuveunnu thonnunnumilla..
athu kondu thanne jamaathe islamiyude vaadham palappozhum thevravaathamo vargeeya vaadhamo aayi chithreekarikka pedukayum cheyunnu,...


theevrathikalellaam maadaniyude santhathikaalaanunnu enikku vaadhamillallo...
but, keralathile yuva rakthathe thilappichu,, rss ne valarthi,, baabri masjidinte peeru paranhu pdp yundaaki,, madha spardha valarthunnathil maadanikku pankilla ennu thirumenikku nyaayeekarikkaamo..

islam snehathinte mathamaanu,, nhanum athil vishwasikkunnu,, maadaniye jailidanamenno cheytha thettinu maapu tharillenno paanakkada shihab thangal nethruthwam nalkunmna muslim league paranho... illa ennu nhan vishwasikkunnu...

but league ne thakarkkuka enna gooda lakshyathinu pdp, allengil jaamathe islami,, allengil matu ethengilum sangadanagal thudangi enthineyum koootu pidikkaan cpm shramikkunnilla ennu thaankaloru raashtreeya nireekshakanaanengil nyeaaayeekarikkumo...

sathyathe angeekarikkaan shramikk maashe,, allathe league ennu kelkkumbolum oru haritha pathaaka kaanumbolum viraliyedukkatthe,,

indian muslimkalude avastha nokku,, vasakke indiayil ninnum kerala muslim gal verittu nilkkunnilla ennu engane iyaal nyaayeekarikkum..???
kerala muslims nte innathe uyarchakku kaaranam nhangalude poorava pithaakalayaa, km seethi sahib, ch, thudangiya maharadhanmaara nalkiya saarthamaaya sevanavum muslim league prasthaanavumaanu..
athinte crredit aarkkum vittu kodukkaan udheshamilla,,, venamengil kerala muslims nte charithram padikku,,,,books available aanallo..






pinne thankalkku ente bhaasha choriyunnu ennu thonnunnu,... thaankalude peru thanne koothara thirumeni ennu vechappo aa samskaaram ee postil kanda pole thanneyaanennu thonni,,, reply commetidumbol thaangalum soumyatha kaanikkunnu ennu p[inneedu thonnunnu,,, theriyo matto nhan upayokichittilla ennu thanne ente vishwasam.. ingottu soumyanaayaal thirichum pratheekshikkaaam...


bye

anil said...

http://www.janmabhumionline.net/content/view/5695/63/

anil said...

http://www.janmabhumionline.net/content/view/5695/63/

Wht do you say??

കൂതറ തിരുമേനി said...

Anil he is a criminal. and should be punished if he get the capital punishment ill be happy. and wats the connection between these with my post